Ezra 4:2 - Bible Ni Thothup

² Ma aram mranod ra guyed Zerubbabel nge pi’in lolgen e yuke girdi’ ngar ga’argad ngorad, “Mu paged gamad nggu ’uned ngomed i toy fare Tempel. Ta’ab Got e gadad ma liyor ngak, ma gamad ma maligach ngak ni kanp’an Esarhaddon ni Emperor nu Assyria ni pi’ mad ni nggu pired u roy.”

Ezra 4:2 Σταυροειδείς Αναφορές

Genesis 10:11

Me chuw u rom nge yan nga Assyria me yan i ngongliy e binaw nu Niniveh, Rehoboth Ir, Kalah,

2 Kings 17:24

Me fek fare pilung nu Assyria e girdi’ ko fapi binaw nu Babylon, Kuth, Ivvah, Hamath, ngu Sefarvaim, nge tayrad ngalan fapi binaw nu Samaria nga ron’ed luwan fapi girdi’ nu Israel ni kani kalbus nagrad u reb e nam. Miyad fek e pi binaw ney ngar pired u rom.

2 Kings 17:41

Ma aram ma fapi girdi’ e ur liyorgad ngak SOMOL, ma ku yad be meybil ma yad be tayfan e pi liyos rorad ni yad ma meybil ngay; ma ke mada’ ko daba’ ma pi’in owcherad e ka yad be rin’ ni ka aray rogon.

2 Kings 19:37

Me reb e rran ni be meybil Sennakerib u lan e tempel ko birok e got ni aram Nisrok, me yib l’agruw i pumo’on ni fak ni aram Adrammelek nge Sharezer ngar li’ew ko saydon ngem’, mi yow mil ko nam nu Ararat. Me yan Esarhaddon ni reb e pumo’on ni fak nga luwan nge mang pilung.

Ezra 1:5

Ma pi lolugen e yu ke girdi’ ko pi ganong rok Judah nge Benjamin, nge pi prist nge pi Levite, nge urngin e pi’in ke tay Got nga lanin’rad ni ngranod e ra fal’eged rogorad ni ngranod ngar toyed e Tempel rok SOMOL u Jerusalem.

Ezra 2:2

Pi’in nra uned ngorad e Zerubbabel, Joshua, Nehemiah, Serayah, Reelayah, Mordekai, Bilshan, Mispar, Bigvai, Rehum, nge Baanah. Ba’aray fithingan e yuke girdi’ nu Israel, nge urngin e girdi’ u bakan ngu bakan nra sulod:

Ezra 3:12

Pire’ e prist nike ilal, nge pi Levite, nge pi lolugen e tabinaw nra guyed nga owcherad fa bin som’on e Tempel. Ra pired ngu’ur guyed fare def ko Tempel ni yibe ngongliy rogon miyad yor ma yad be dololoy’. Ma tin kabay e girdi’ ni yad bay u rom e ur tolulgad u fithik’ e felfelan’.

Ezra 3:2

Mi Jeshua ni fak Jehozadak, nge pi prist ni yad nga maruwel, nge Zerubbabel nib mo’on ni fak Shealtiel nge girdi’en Shealtiel e ra cheaggad ngar ubunged bayay fare altar rok fare Got nu Israel, ya nge yag ni ur urfiyed e pi gamanman ni maligach u daken nrogon ni be yog e motochiyel rok Moses, ni ir be’ ni girdi’ rok Got.

Nehemiah 9:32

“Rib sorom, i gur Got ni Got romad! Ri ba ga’ madgum, ma rib gel gelngim! Ga be par nri gab yul’yul’ ko m’ag ni mu ngongliy u thilmed e girdi’ rom. Ngiyal’ ni gafgow nagmad e pi pilung nu Assyria ke mada’ ko chiney e ba gel e gafgow ni kug pired nga fithik’! Pi pilung romad, nge pi’in yad ma gafaliymad, nge pi prist nge pi profet romad, nge pi chitamangimad ni kakrom nge urngin e girdi’ romad nra gafgowgad. Mu leamnag gelngin e gafgow ni yib ngomad.

Psalms 73:8

Yad be moningnag boch e girdi’ ma yad be weliy e tin kireb; yad ba tolngan’ ma yad be puruy’nag rogon ni ngar gafgow niged boch e girdi’.

Isaiah 37:37

Me chuw Sennakerib ni emperor nu Assyria nge salthaw rok u rom miyad sul nga Nineveh.

Isaiah 37:38

Me reb e rran ni be meybil Sennakerib u lan e tempel ko birok e got ni aram Nisrok, me yib l’agruw i pumo’on ni fak ni aram e Adrammelek nge Sharezer ngar li’ew ko saydon ngem’, miyow mil ko nam nu Ararat. Me yan Esarhaddon nib mo’on ni fak nga luwan nge mang emperor.

Hosea 14:3

Yu Assyria e dabiyag ni ngar chuweged gamad ko riya’, ma pi os ko mael e dabiyag ni ngar yororiyed gamad. Ri dab ku gogned bayay ngak e pi liyos romad ni yad e Got romad. A SOMOL, ga ma dag e wurngan’ ngak e pi’in dakriy be’ ni yad ra man ayuw ngak.”

Galatia 2:4

machane bay boch e girdi’ ni yad be dake yad pi walagdad ni girdi’en Kristus kar ma’athukgad nga fithik’ e girdi’ rodad, ni yad e yad ba’adag ni ngan maad’adnag. Pi girdi’ ney e yad e damit ni karbad ra ma’athukgad nga fithik’dad ni ngar nanged rogon ni kad pufgad ko Motochiyel ni bochan e kad ta’ab girdi’gad Kristus Jesus. Ya yad ba’adag ni ngar sulweged gadad nga tan e Motochiyel ngad manged sib ko Motochiyel.

2 Timothy 3:8

Ni bod rogon Jannes nge Jambres nra togopluwgow ngak Moses, ere ku errogon e pi girdi’ ney ni ku yad be togopluw ko tin riyul’ e thin ni girdi’ nike balyang lanin’rad ma kar mulgad u rogon ni ngan par nib mich Kristus u wun’uy.