Ezra 3:9 - Bible Ni Thothup

⁹ Ere Jeshua ni reb e Levi nge pi pumo’on ni fak nge girdi’ rok, nge Kadmiel nge pi pumo’on ni fak, ni fare tabinaw rok Hodaviah e ra cheaggad nge mil fan e maruwel nu tempel ngorad. Ma be ayuwegrad e pi Levi ni girdi’en e tabinaw rok Henadad.

Ezra 3:9 Σταυροειδείς Αναφορές

1 Kronicles 23:4

Me tay e en pilung rliw’ nge aningeg bbiyu’ i yad ni ngar gagiyeg niged fare maruwel ko Tempel, ma nel’ bbiyu’ e ngi i ayuweg babyoren gubin ban’en ma yad be puf oloboch,

2 Kronicles 34:12

Pi pumo’on ni ur ngongliyed fare maruwel e ri yad ba yul’yul’. Aningeg e Levite ni aram i Jahath nge Obadiah ko fare ke girdi’ rok Merari, nge Zekariah nge Meshullam ko fare ke girdi’ rok Kohath e yad e uroged rogon e re maruwel ney ni nge yan ko pi pumo’on nem. (Gubin yu Levi ni go’yad ba salap ko musik.)

Ezra 2:40

Yuke girdi’ ko Levite nra sulod: Jeshua nge Kadmiel (pi’in owchen Hodaviah) — 74 Girdi’en e tang u Tempel (pi’in owchen Asaf) — 128 Girdi’en e matnag u Tempel (pi’in owchen Shallum, Ater, Talmon, Akkub, Hatita nge Shobai) — 139

Ezra 3:8

Ere bin migid e pul ko re duw nem ni kar sulod nga Jerusalem, ko gin ni immoy e Tempel rok SOMOL riy miyad tabab ko maruwel. Zerubbabel nge Jeshua nge girdi’en e nam rorow, nge pi prist nge pi Levi nge urngin e girdi’ ni ur kalbusgad u Babylon ni kar sulod nga Jerusalem e ra uned ko re maruwel nem. Urngin e pi Levi ni rliw’ e duw rorad ngalang e ntayrad ni nge milfan e maruwel nu tempel ngorad.

Nehemiah 3:24

Binnui nib mo’on ni fak Henadad e ubung e gin migid, ni tabab ko naun rok Azariah me yan nge mada’ nga tabthungen fare yoror;

Nehemiah 7:43

Yuke girdi’ ko pi Levite nra sulod: Jeshua nge Kadmiel (pi’in owchen Hodaviah) — 74 Girdi’en e musik u Tempel (pi’in owchen Asaf) — 148 Girdi’en e matnag u Tempel (pi’in owchan Shallum, Ater, Talmon, Akkub, Hatita, nge Shobai) — 138