Ezra 10:3 - Bible Ni Thothup

³ Ere chiney e thingar da micheged ngak e Got rodad ni bay da n’iged e pi ppin ney nge pifakrad ngar chuwgad u roy. Bay gu rin’ed e n’en ni ga be yog nge fa tinef e girdi’ ni riyul’ ni yad ma tay u gil’ e motochiyel rok Got e karoged ngomad ni nggu rin’ed ni aray rogon. Bay gu rin’ed e n’en ni bay ko motochiyel rok Got.

Ezra 10:3 Σταυροειδείς Αναφορές

2 Kings 11:17

Me yog Jehoyada ni prist ngak Joash ni Pilung nge pi girdi’ ni ngar ngongliyed ba m’ag u thilrad nge SOMOL ni ngar pired ni yad pi girdi’en SOMOL; miki ngongliy ba m’ag u thilin fare pilung nge girdi’.

2 Kronicles 29:10

“Chiney e ku gu turguy u wun’ug ni nggu ngongliy bm’ag u thildad SOMOL ni Got nu Israel, ya nge yag ni m’ay e damumuw rok ngodad.

2 Kronicles 30:12

Ma ku errogon Got ni be maruwel u lan yu Judah me ta’rebnag laniyan’ e girdi’ nge yag nra dugliyed u wan’rad ni ngar folgad ko tin nib m’agan’ ngay ni aram e ngar folgad ko tin keyog fare pilung nge pi tolang ko salthaw rok.

2 Kronicles 34:21

“Mmarod ngam fith’ed laniyan’ SOMOL ni fan ngog nge fapi girdi’ ni kayad bay u Israel ngu Judah. Ngam nanged mrang’agen e tin be yog e re ke babyor ney. Ke damumuw SOMOL ngodad ni bochan e da i fol e pi chitamngidad ko thin rok SOMOL ma darir rin’ed e tin ni be yog e re babyor ney nthingar nrin’.”

2 Kronicles 34:27

ma ga pi’ keru’um ko denen rom ma ga sobut’ nigem u p’eowcheg, ni ga be guchthuy e madrom ma ga be yor, nnap’an ni mu rung’ag rogon ni kugog ni nggu gechignag yu Jerusalem nge girdi’ riy. Ku gu rung’ag e meybil rom,

Ezra 10:11

Ere chiney e ngam weliyed e kireb romed ngak SOMOL, ni fare Got rok e pi ga’ romed, mi gimed rin’ e tin ni bfel’ u wan’. Mu pithged gimed rok e girdi’ nu boch e nam ni yad be par u lan e nam rodad mi gimed n’ag pi le’engimed ni girdi’ nu bang.”

Ezra 10:44

Gubin e pi pumo’on ney ni kar le’engiyed e ppin nu bang. Go’ rdargad pi le’engirad, miyad l’oeg pi le’engirad nge pifakrad ngar chuwgad u rom.

Ezra 10:9

U lan fa dalip i rran, ko rofen ni rliw’ ko pul ni mereb, ma gubin e pumo’on ni yad ma par u lan e gin nib milsuwon ngak Judah nge Benjamin e go’ rabad nga Jerusalem ngarbad ra mu’ulunggad ngalan e yoror ko fare Tempel. Ma be aw e n’uw nib gel, ma bochan e lang nga feni ga’fan fare mu’ulung ma yad gubin ni yad be t’on.

Ezra 9:4

Gu par u rom ni gu be yor nge taw nga nap’an ni ngan pi’ e maligach ko blayal’, me tabab e girdi’ ko mu’ulung ni kar liyeged gag — gubin e pi’in ni kar rusgad ni bochan e n’en ke yog fare Got nu Israel ni murung’agen e denen ko pi’in kar sulod ko gin ur kalbusgad riy.

Nehemiah 10:1

Pi’in nra sayingad nga but’ e Nehemiah ni governor nib mo’on ni fak Hakaliah, nge Zedekiah,

Nehemiah 8:14

Miyad pir’eg ni fapi Motochiyel ni pi’ SOMOL ngorad u pa’ Moses e be yog ngak piyu Israel ni ngar pired u lan nochi naun u nap’an e Madnom ko Nochi Naun.

Nehemiah 9:38

Bochan urngin e pin’en nike buch romad ma gamad e girdi’ nu Israel e kug yoliyed ba m’ag ni nge par, ma pi’in yad ma yog e thin romad, nge pi Levite romad, nge pi prist romad e kar ted e hang rorad ngay.

Psalms 119:120

Gu be rus ni bocham; ma ke sug nigeg e marus ni bochan e pufthin rom.

Psalms 119:59

Kug leamnag rogon pangig, ma ku gu micheg ni nggu falwok ko pi fanow rom.

Isaiah 66:2

I gag e gu sunumiy e fayleng nge lanelang ni ga’ngin! Bfel’ u wun’ug e pi’in nib sobut’an’rad ma kar pi’ed keru’rad ko kireb, ma yad be par ni bay madgug u wun’rad ma yad be fol rog.

Isaiah 8:20

Thingar mu fulweged ngorad ni nge lungumed, “Mu telmed ko machib rok SOMOL ngomed! Dab mu telmed ko thin ni be yog e pi sothiw — ya n’en ni yad ra weliy ngomed e dabi tay e gafgow u orel.”

Ezekiel 9:4

“Mman u ga’ngin yang fare binaw nu Jerusalem ngam tay e pow nga peri’ gubin e girdi’ nike kireban’rad ma ke gafgow lanin’rad ni bochan e pin’en nib sunsonogor ni kan rin’ u lan fare binaw.”

Deuteronomy 29:12

Gimed bay u roy e daba’ ni ngam uned nga langgin fare m’ag ni fare SOMOL ni Got romed e ke ngongliy u thilmed, ma ngki fel’ u wun’med e pin’en ni yagagen e re m’ag ney.

Joshua 9:6

Ma aram miyad yan ko gin be par yu Israel riy u Gilgal ngar ga’argad ngak Joshua nge pumo’on nu Israel, “Kugbad nib palog. Gamad ba’adag ni ngam flaged e tha’ u thildad.”