Exodus 8:11 - Bible Ni Thothup

¹¹ Pi kayru e bay ra chuwgad rom, nge rok e pi tolang ni bay u tan pa’am, nge rok e girdi’ ko nam rom, ma kemus nu lan e lul’ ni Nile e bay ra pired riy.”

Exodus 8:11 Σταυροειδείς Αναφορές

Exodus 4:21

Me ga’ar SOMOL ngak Moses, “Chiney e aram e ngam sul nga Egypt, ma ngam guy rogon ngar mu ngongliy u p’eowchen Farao urngin fapi maang’ang ni kug pi’ gelngim ni ngam ngongliy. Bay gu gagiyegnag nge gelnag laniyan’, nge dabi pag e girdi’ nu Israel ngranod.

Exodus 7:13

Me gelnag Farao ni pilung laniyan’, nde fol ko thin ni ka rognew, ni bod rogon ni fa’ani yog SOMOL.

Exodus 7:14

Ma aram me ga’ar SOMOL ngak Moses, “Farao ni pilung e kari gelnag laniyan’; ndabi pag piyu Israel ngranod.

Exodus 8:12

Ma aram me pag Moses nge Aron fare pilung ngranow, me meybil Moses ngak SOMOL ni nge chuweg fapi kayru nike l’oeg ngak fare pilung.

Exodus 8:13

Me rin’ SOMOL ni bod rogon nike wenignag Moses ngak, me yim’ e kayru ni bay u lan e pi naun, ngu wuru’ e naun, ngu daken e yungi flang.

Exodus 8:3

Bayi sug e lul’ ni Nile ko kayru; ma bay ra chuwgad u lan e lul’ ngranod ngalan e tabinaw rom, miyad yan ngalan e singgil ni ga ma mol riy, nge nga daken e chob rom, nge ngalan e pi naun rok e pi tolang ni yad bay u tan pa’am nge girdi’ rom, nge ngalan e nguchol rom e ngalan e th’ib rom ni th’ib ko flowa.

Exodus 8:9

Me ga’ar Moses ngak, “Ke felan’ug ngay ni nggu meybil ni fanam. Kemus ni gur e ngamog ngog e ngiyal’ ni nggu meybil riy ni fan ngom, nge fan ngak pi tolang ni yad bay u tan pa’am, nge girdi’ ko nam rom. Ma aram e bayi chuw e kayru romed, me chuw u gubin yang kemus nu lan e lul’ ni Nile e kabay riy.”