Exodus 5:6 - Bible Ni Thothup

⁶ Karofen nem me ga’ar Farao ngak fapi cha’ nu Egypt ni yad ma gelnag e thin ngak piyu Israel ko maruwel, miki ga’ar ngak piyu Israel ni pi’in ga’ u taban e maruwel,

Exodus 5:6 Σταυροειδείς Αναφορές

2 Kronicles 26:11

Ma immoy barba’ i salthaw nib ga’ ni yog ngorad ni ngar fal’eged rogorad ni fan ko mael. Ma en nma yoloy murung’agen e re raba’ i salthaw nem e fa gali tayol i Jeyel nge Maaseyah nrogon ni be tay Hananiah murung’agen, ni reb i chonggin e maruwel rok e en pilung.

Exodus 1:11

Ma aram miyad tay e girdi’ ni ngi i gelnag e thin ngorad ngar maruwelgad nib gel ya ngar magaergad; me toy piyu Israel e naun u lan e binaw nu Pithom ngu Rameses ni fan ngak Farao, ni aram e gin nge mang tafen e ggan ko fare pilung.

Exodus 3:7

Ma aram me ga’ar SOMOL, “Kug guy rogon ni yibe gafgownag e girdi’ rog u Egypt; kug rung’ag lamrad ni yad be wenig ni nga ni ayuwegrad u pa’ e pi’in yad be sib nagrad. Go’ gu manang murung’agen e gafgow ni yad be tay.

Exodus 5:10

Fapi cha’ nu Egypt ni yad ma gelnag e thin ngorad ngar marwelgad nib gel nge girdi’ nu Israel ni yad e ga’ u taban e maruwel e ranod me lungurad ngorad, “I Farao ni pilung e keyog ni dabki mang ir e i pi’ e pan ni mlik ngomed.

Exodus 5:19

Girdi’ nu Israel ni yad ba ga’ u taban e maruwel e ra nanged ni aram e kar gafgowgad ko ngiyal’ ni ba’aram nnog ngorad ni thingar ngongliyed e rengnga u reb e rran ni bod urngin ni ur ngongliyed ko som’on.

Exodus 5:7

“Mu talaged i pi’ e pan nike mlik ngak e girdi’ ni ngar ngongliyed e rengnga riy, ni bod rogon ni gimed be rin’; mu pagedyad nge mangyad e ranod ra kunuyed.

Proverbs 12:10

Girdi’ nib mat’aw e ma chothowliy e gamanman rok, ma pi’in kireb e yad ma gafgownag e tirorad e gamanman.

Numbers 11:16

Me ga’ar SOMOL ngak Moses, “Mu ulunguy medlip i ragag e pumo’on ni yad ma yog e thin rok yu Israel, mfekrad i yib ngog ko fare Tent u p’eowcheg, ma gog ngorad ni ngar sak’iygad u cherem.

Deuteronomy 1:15

Are kug fek e pi tayugang’ ni kam mel’eged ko pi genong romed. Pi cha’ ney e yad ba gonop ma ke yo’or ban’en ni karanod u fithik’ u lan e yafos rorad. Kug tayrad ngu’ur gafaliyed gimed. Boch i yad e ngu’ur gafaliyed yu biyu’ i girdi’, ma boch i yad e yu ra’ay, ma boch i yad e yu wugem, ma boch i yad e yu ragag. Mu kug mel’eg boch e mitethin u fithik’ e pi genong romed.

Deuteronomy 16:18

“Mmel’eged boch e girdi’ ngar manged pi tapuf oloboch nge boch ni nge mang tolang u gubin e binaw nike pi’ SOMOL ni Got romed ngomed. Pi pumo’on ney e ngu’ur pithiged e yu pa’ i oloboch u puluwon e girdi’ ni rogon nib mat’aw.

Joshua 24:1

Me ulunguy Joshua urngin e ganong nu Israel nga Shekem. Me non ngak e pi’in pi’lal, nge pi’in yad ma yog e thin rok piyu Israel, nge pi tayugang’, nge pi tolang rok piyu Israel, miyad yib nga p’eowchen Got.

Joshua 24:4

mu gu pi’ Jakob nge Esau ngak Isak. Gu pi’ ngak Esau fare nam nu Seir ni go’ burey ni nge tafnay, me yan Jakob nge pifak nga Egypt.

Joshua 8:33

Piyu Israel, nge pi’in ma yog e thin rorad, nge pi ga’ ko salthaw, nge pi tayugang’, nib mu’un e girdi’ ngay nu bang nma par u fithik’rad, e ra sak’iygad u ruw raba’ fare Kahol ko M’ag rok SOMOL, ni yad ba sabliy e pi prist ko Levite ni yad be fek fare Kahol. Balay ko pi girdi’ nem e yad ba sak’iy ni yad bpi’ keru’rad ko Burey nu Gerizem ma tin kabay e girdi’ e yad bpi keru’rad ko Burey nu Ebal. Ya tapigpig rok SOMOL ni Moses e yog ngorad ni ngan rin’ ni aray rogon ko ngiyal’ nike taw ngay ni ngan fal’eg wa’athan e girdi’ nu Israel.