Exodus 27:4 - Bible Ni Thothup

⁴ Mu ngongliyed bangi nug ni waya ko wasey ni bronze, mi gimed yin’ aningeg i luwaw nib ga’ ko pi tabthung riy.

Exodus 27:4 Σταυροειδείς Αναφορές

Exodus 25:12

Mi gimed ngongliy aningeg i luwaw nib ga’ mab gol ni fan ko feak mi gimed ayliy nga aningeg raba’ i ay, ni l’agruw nga barba’ ma l’agruw nga barba’.

Exodus 27:3

Mu ngongliyed bogi th’ib ni ngu’un tay e awat nga langgin, nge boch e sebel, nge bogi dabiy, nge bogi fok nib ga’, nge yu raba’ i fen e fek nifiy. Gubin e pin’ey ma ngam ngongliyed ko bronze.

Exodus 27:5

Regi waya ney e nga mon’ed nga tanggin fare altar; nra taw taban nga lukngun fare altar.

Exodus 35:16

nge fare altar ni yima urfiy e pi maligach ni mo’oruf u daken, nge fare gi waya riy nni ngongliy ko bronze, nge mat’ riy, nge gubin mam’en; nge fare raba’ i dabiy ni yima luknag pa’ay nge rifrifen ey riy, nge ayal riy;

Exodus 38:30

Ni ir e ni ngongliy riy fapi ayal ni fen langan e mab ko Tent u P’eowchen SOMOL, nge fare altar nib mu’un fare gi waya ngay, nge urngin tatalin fare altar,