Ester 9:15 - Bible Ni Thothup

¹⁵ Rofen ni ragag nge aningeg ko pul ni Adar miki yib e pi Jew ni yad bay u Susa nga ta’bang ngkur thanged e pogofan rok 300 e girdi’ nu lan fare binaw. Machane ku der feked ban’en rorad.

Ester 9:15 Σταυροειδείς Αναφορές

Ester 8:11

Bay ko yungi babyor nem ni be yog fare pilung ko pi Jew, nra yib e cham ngorad, ma ngar ayuweged e pogofan rorad. Demturug e re mit i girdi’ u lan fa yungi nug ni yad ra yib ni cham ngak e Jew, fa ngak pifakrad, fa ppin rorad, mra yag ni ngar chamgad ngorad ngar thanged owcherad; miyad fanay e tirorad.

Ester 9:12

Ma aram me ga’ar fare pilung ngak Ester ni Queen, “Go’ lan yu Susa ma 500 e girdi’ nike thang e pi Jew e pogofan rorad riy, nib mu’un fa ragag’ i pumo’on ni fak Haman ngay. Ere bu uw rogon e tin kar rin’ed u lan e yungi nug i yan! Ku mang e ga ba’adag e chiney? Nge yag ngom. Mog ngog komang e kag ba’adag, mu gu pi’ ngom.”

Ester 9:13

Me fulweg Esther ni ga’ar, “Fa’anra ba m’agan’um ngay i gur pilung me gabul ma ga pag e pi Jew ni yad bay u lan yu Susa ngku rin’ed bayay e tin ni mu pagrad ngar rin’ed e daba’. Min tining e ldow rok fa ragag i pumo’on ni fak Haman u tagil’ e mo’ochol ngalang.”

Ester 9:14

Me yog fare pilung ni ngan rin’ e ran’ey, mi ni wereg e thin riy u lan yu Susa. Mi ni tining e ldow ko fa ragag i pumo’on ni fak Haman ngalang.

Ester 9:16

Ma ku errogon e pi Jew ni yad bay u lan e yungi nug i yan, ya go’ ra yu ulunggad ngar ayuweged yad rok e pi to’ogor. Miyed thang e fan rok 75,000 e to’ogor rorad. Machane ku der feked ban’en.

Ester 9:2

Gubin e binaw ni bay e Jew riy u lan gil’ilungun fare pilung, ma go’ ka ra fal’eged rogorad ni ngar chamgad ngak e en nge yib ni cham ngorad. Girdi’ u gubin yang e go’ rrusgad ngorad, dariy be’ ni yag ni nge togopluw ngorad.

1 Thessalonika 5:22

mi gimed ta’med u orel rok urngin mit e kireb.

Hebrews 13:5

Dabi m’on e salpiy u lanin’med, ma ngam pired ni nge fel’ u wun’med e tin ni bay romed ban’en. Ya ke yog Got nike ga’ar, “Ri dab gu pagem; ma ri dab gu n’igem.”