Ester 6:9 - Bible Ni Thothup

⁹ Ma gog ngak reb e tin th’abi tolang e tayugang’ rom nge yin’ fare mad rom nga daken e re mo’on nir, me tay nga daken fare os me kol gufan nge yannag u lukngun e binaw i yan. Ni be tolul ni be ga’ar: ‘Amuguyed aray rogon nma girdi’nag pilung e cha’ nike felfelan’ ngak!’”

Ester 6:9 Σταυροειδείς Αναφορές

Genesis 41:43

Me pi’ e bin l’agruw e chariot ngak ni fen e en ni migid ngak e pilung ni nge yan riy, ma ke m’on e matanag rok ni be tayfan ni be tolul ni be ga’ar, “Mbinged e kanawo’!” Josef e ni duwgiliy ni ir e governor u ga’ngin e nam nu Egypt.

Ester 6:10

Ma aram me ga’ar fare pilung ngak Haman, “Mu papey nigem ngam man mu fek fapi mad rog nib n’uw nge fare os rog, mag gilnag bugwan Mordekai ni fare Jew. Gubin e tin kamog ni ngan rin’ ngak e go’ ngam rin’. Ga ra pir’eg ni be yimum’ u langan e garog rog.”

Ester 6:6

Ma aram me yib Haman nga naun, me ga’ar fare pilung ngak, “Ba’aray be’ nrug be athepeg ni ngan tayfan. Mang e thingar gu rin’ ko re mo’on ney?” Me leamnag Haman rok ni ga’ar, “Mog, mini’ e be finey e en pilung ni nge tayfan? Ri dariy be’, ya bmuduwgil ni gag.”

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.