Ester 2:17 - Bible Ni Thothup

¹⁷ U fithik’ fapi ppin ma Ester e th’abi adag, ma ir u fithik’ fapi ppin e ri magan’ ngak ma ba’adag daken. Ma aram me tay fare te’elyaw rok le’engin e pilung nga lolugen, me mangnag queen nike yan nga luwan Vashti.

Ester 2:17 Σταυροειδείς Αναφορές

Ester 1:11

Me yog ngorad ni ngar feked Vashti ni Queen i yib ngak nike tay fare te’eliyaw ni fen le’engin e pilung. Re Queen e pilung nem e be’ ni bpin nrib pidorang, ere ba’adag fare pilung ni nge dag feni pidorang ngak e pi tolang nge urngin e pi girdi’ nike piningrad ngaram.

Ester 2:16

U lan e re duw ni gaman e medlip e duw ngay nike pilung i Xerxes ko pul ni ragag ni aram e pul ni Tebeth mi ni fek Ester i yan ngak Xerxes ni Pilung ngalan fare naun rok.

Ester 4:14

Fa’anra dabmog ban’en ko ngiyal’ney, ma ayuw e ra yib u tharmiy ngak e Jew, ni dabi buch ban’en rorad, machane gur nge chon e tabnaw ko chitamam e go’ ra math owchemed. Mini’ e manang — sana bochan e ngiyal’n’ey nra taw ngay ma aram fan nim mang queen!”

Ester 6:8

e ngan fek madan e pilung nib n’uw, ni gur pilung e ga ma yin’, nge fare os ni ga ma yan riy, ni bay ba te’elyaw ni ka ni ayliy nga lolgen e re os nem ni rarogon e pilung.

Proverbs 21:1

I SOMOL e ma gagiyegnag lanyan’ ba pilung nrib mom ni bod nma pow’iy wo’en e lul’.

Ezekiel 17:24

Gubin kaen e gek’iy u lan fare nam nra nang ni Gag fare SOMOL. E kug th’ab nga but’ e yuke gek’iy nib n’uw kaen nge yag ni n’uw e tin nib achig e gek’iy. Bay gu mroraynag e gek’iy nib galunglung mug galunglungnag e gek’iy nike mroray. I Gag SOMOL e kugog e pi thin ney. Gu ra rin’ e n’en ni kugog ni bay gu rin’.”

1 Samuel 2:8

Ir e ma pug e pi’in gafgow u fithik’ e fiyath ngalang ma chibiy e pi’in nib t’uf e ayuw rorad ngalang nge chuwegrad u fithik’ e gafgow rorad. Ma gagiyeg nagrad ngar manged pi tafager rok pifak e pilung, me tayrad ko yungi n’en nra un tay farad riy. Pi def ko fayleng e ba mil suwon ngak SOMOL; nu daken e ayliy e fayleng ngay.