Deuteronomy 9:22 - Bible Ni Thothup

²² “Ma ku mu k’aringed e damumuw ngak SOMOL ni Got romed ko fa ngiyal’nem ni ummed u Taberah, ngu Massah, ngu Kibroth Hattaavah.

Deuteronomy 9:22 Σταυροειδείς Αναφορές

Psalms 78:17

Machane dartalgad ko denen nib togopluw ngak Got, mu daken e ted ni desert e ra togopluwgad riy ngak e en ni Th’abi Tolang.

Exodus 17:2

Miyad welthin nib togopluw ngak Moses ni be lungurad, “Mpi’ e ran ngomad nggu unumed.” Me fulweg Moses ni ga’ar, “Mang ni gimed be togopluw ngog? Mang ni gimed be sikengnag SOMOL?”

Exodus 17:7

Min tunguy fithingan e gin’em ni Massah nge Meribah, ni bochan e i togopluw piyu Israel, ni aram e kar sikeng niged SOMOL ko fa ngiyal’ nra fithed ni lungurad, “Gur bay SOMOL rodad fa de moy?”

Numbers 11:34

Min tunguy fithingan e gin’em ni Kibroth Hattaavah (ni fan e “Malangen e Yam’ ko Ar’ar”), ni bochan e aram e gin ni un k’eyag e pi’in ni ur ar ar niged e ufin riy.

Numbers 16:46

me ga’ar Moses ngak Aron, “Mu fek fa raba’ i n’en rom ni fen e fek nifiy ngam af e nifiy u daken e altar nga langgin, ma ga af boch e incense nga langgin. Ma ga papey nigem ngam fek i yan ngak e pi girdi’ nem ngam fal’eg bangbengin e machalbog ni fan ngorad. Mu pay nigem! Ya ke pu’og SOMOL e damumuw rok ke tabab e liliy ni yibe yim’ riy.”

Deuteronomy 33:8

Me yog murung’agen e ganong rok Levi ni ga’ar: “SOMOL, mu dag e tin nib m’agan’um ngay u daken Levi. Yad e girdi’ rom nib yul’yul’; mu sikeng nagrad faram u Massah, ma ga nangrad ko fapi alublub nu Meribah ni yad ba yul’yul’.