Deuteronomy 9:21 - Bible Ni Thothup

²¹ Mu gu fek e ren’em ni kam ngongliyed ni ban’en nrib gel e denen riy ni aram fare liyos ni wasey ni ya’an ba garbaw ni ka mu ngongliyed, mu gon’ nga fithik’ e nifiy. Mu gu t’et’ar ni nochiyang mu gu pirdi’iy nge par ni bod e fiyath, mu gon’ ngalan e lul’ ni yan ko burey nga p’ening.

Deuteronomy 9:21 Σταυροειδείς Αναφορές

1 Kings 15:13

Miki chuweg Maakah ni titaw rok ko fare liw ni chitiningin e pilung, ni bochan e ke ngongliy ba liyos nib sonogor ni ya’an Asherah ni fare got ni bpin. Re liyos nem e th’ab Asa nga but’ nge urfiy u lan fare Loway ni Kidron.

2 Kronicles 34:7

Ma ga’ngin yang u lan fare gi nug ko ley ni lel’och fare nam rok fare pilung e buthug e altar nge fapi pow rok Asherah nga but’, me bilbilig nge yochyang gubin fapi altar ko incense. Ma aram me sul nga Jerusalem.

Exodus 32:20

Me fek fare liyos ni kar ngongliyed ni bod ya’an ba fak e garbaw, nge urfiy, me pirdi’iy nge par nike yochyang, me athkuy ko ran. Me tay ir ngak e girdi’ nu Israel ngar unumed.

Isaiah 30:22

Bay mu feked e pi liyos nni ngongliy ko silber nge pi liyos romed ni ka ni liyef ko gol, ngam n’iged ni bod e dow ni gimed be tolul ni gimed be ga’ar, “Mu chuw riy!”

Isaiah 31:7

Bay ba ngiyal’ ni be yib ni gimed gubin ni bay mu n’iged fapi liyos ni mu ngongliyed ko silber nge gol ni be waliymed ko denen.

Hosea 8:11

“Ra be yo’or e altar ni be ngongliy yu Israel ni fan ko denen ni nge chuw e denen, ma aram tagil’ e denen ni fin be yo’or.

Mikah 1:7

Urngin e pi liyos nri ba t’uf rorad e bayi m’ingm’ing nge nochiyang, gubin ban’en nni pi’ ngak e ppin ni yad ma chuway’ ngorad u tempel e bay ni kirebnag ko nifiy. Gubin fapi liyos e bayi par ni bu’lung i dow. Pin’ey e yag ngak piyu Samaria ko meybil ni man yong’ol ni ur ted, ere chiney e pi to’ogor rorad e ngar feked ngar pi’ed ngak yugboch e ppin ni yad ma falchuway’ ngorad ulan reb e tempel u bang.”

Deuteronomy 9:20

I SOMOL e ki gel e damumuw rok ngak Aron nge chugur ni nge thang e pogofan rok, mu ku gu wenignag Aron ngak e ngiyal’nem.