Deuteronomy 8:5 - Bible Ni Thothup

⁵ Thingar mu nanged u lanin’med ni SOMOL ni Got romed e ma yal’uweg mma gechignag pifak nri bod e pi matam nge matin ni yad ma gechignag pifakrad.

Deuteronomy 8:5 Σταυροειδείς Αναφορές

2 Samuel 7:14

Bay gu par ni gag e chitamngin, me par ni ir fakag. Ra ngongliy e kireb, mu gu gechignag ni bod ba matam ni gechignag be’ nib mo’on ni fak.

Psalms 89:32

ma aram e bay gu gechig nagrad ni bochan e denen rorad; bay gu pagrad ngar gafgowgad ni bochan e kireb rorad.

Psalms 94:12

SOMOL, ba felan’ e pi’in ga ma pow’iyrad, cha’ ni ga be machibnag ko motochiyel rom!

Proverbs 13:24

Fa’anra dab mu gechignag fakam, ma de t’uf rom. Fa’anra bt’uf rom, ma ga ra yal’uweg.

Proverbs 3:11

Fakag, fa’anra yal’uwegem SOMOL, ma ngar mu nang ni be ginangem.

Proverbs 3:12

Ya SOMOL e ma yal’uweg e pi’in yad ba t’uf rok, ni bod rogon ba matam nma yal’uweg bpagel ni fak nib t’uf rok.

Eklesiastes 7:14

Fa’anra ga be par ni bfel’ rogon e gubin ban’en u puluwom, ma nge felfelan’um, ma nap’an nra yib e magawon, ma nge yib ngan’um: ni Got e ma pi’ e felfelan’ nge gafgow; I gur e dariy e ngiyal’ ni ga ra nang ko mang e migid ni nge yib.

Isaiah 1:3

Garbaw e yad manang e pi’in be chuguluyrad, ma pi dongki e yad manang e gin yima durwi’iyrad riy. Ka bo’or e tin yad manang ngak piyu Israel ni girdi’ rog. Der pat ngan’rad ni aray rogon!”

Ezekiel 12:3

“Fak e girdi’, are chiney, ngam m’ag e chugum rom ni bod nma rin’ e kalbus ngam mman ni dawori aw e lumor. Mu guy rogon ni nge guyem gubin e girdi’ ni ngam chuw ngam mman ngabang. Dabisiy nra guyem fapi tatogopluw.

Ezekiel 18:28

Ya kenang ni tin be rin’ e ba kireb me tal ndaki denen, ere mmudugil ndabi yim’, ya ra par nib fos.

1 Korinth 11:32

Machane be gechig nagdad Somol ni fan e nge dabi unegdad ngak e girdi’ nu fayleng nge gechig nagdad.

Deuteronomy 1:31

ngu lan fagi ted ni desert. Kam guyed rogon ni fekmed i yib ngam mada’gad ngaray ndariy ban’en ni buch romed, ri bod rogon ba matam ni be fek ba pagel ni fak.’

Deuteronomy 4:23

Ngam ayuwgad nge dab mu paged talin fare m’ag ni SOMOL ni Got romed e ke ngongliy u thilmed nge ir. Dariy bmit e liyos ni ngam ngongliyed ni bochan e keyog SOMOL ni Got romed ni dab mu rin’ed,

Deuteronomy 4:36

I gagiyegnag nge yib laman u tharmiy ngomed ni fan e nge fonow nagmed ngam yal’uwgad, mu daken e fayleng e gagiyeg nagmed riy ngam guyed fare nifiy rok nib thothup, me par u fithik’ nge non ngomed.

Deuteronomy 4:9

Ngar mu ayuwgad! Ngar mu guyed rogon nge dab mpaged talin e tin kam guyed nga owchemed. Mu guyed rogon nge dabi m’ay u wun’med u n’umngin nap’an e yafos romed. Ngu’um weliyed ngak pifakmed nge pifak pifakmed

Deuteronomy 8:6

Ere ngu’um folgad ko tin keyog SOMOL ngomed ni ngu’um rin’ed, um folgad ko pi motochiyel rok mu um pired ni bay madgun u wun’med;

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.