Deuteronomy 8:17 - Bible Ni Thothup

¹⁷ Ere dabi ga’ar bigimed u wan’, ‘Gelngig nge fanag madangdang e ke yagnag ngog e re fel’ rogon ney ni kug tay.’

Deuteronomy 8:17 Σταυροειδείς Αναφορές

BABYOR NI JOB 31:25

ara gu uf ni bochan e pire’ ban’en rog.

Psalms 44:3

Pi girdi’ rom e dar gelgad ko fare nam ni bochan e saydon rorad; ma ku gathi gelngirad e ra gelgad riy; ya ra gelgad u daken gelngim nge fenam gel, ya ga bay rorad, ni aram e be dag ni yad ba t’uf rom.

Eklesiastes 3:6

Ma turguy ngal’an ni ngan gay ban’en nge ngal’an ni nge yan ban’en nga bang; nge ngal’an ni ngan chibgiliy ban’en nge ngal’an ni ngan n’ag ban’en;

Eklesiastes 9:11

Ku gu nang reb e ban’en, u roy u fayleng ni pi’in yad bmachrag ko mil e gathi urngin yay ni yad ma m’on ko sagreng, nge cha’ nib falu’ e gathi urngin yay mma gel ko mael. Pi’in yad ba gonop e gathi urngin ngiyal’ ma ba gaman e tin nib t’uf ko yafos rorad, ma pi’in ba tamilangan’rad e gathi gubin ngiyal’ ma yad bfla’ab, ma pi’in yad ba salap ko gagiyeg e gathi gubin ngiyal’ ni yad ma yan ko liw nib tolang. Gubin e girdi mma buch wa’athan.

Jeremiah 9:22

Girdi’ nike yim’ e ke wagey u gubin yang ni bod t’ay e gamanman u daken e pi flang, ni bod e grain ni th’ab e pi’in nma th’ab ngar paged u but’, ni dariy be’ nra yib i kunuy. Irera’ e thin nike yog SOMOL ngog ni nggu weliy.”

Ezekiel 28:5

Ni ri gab salap u rogon i tanameg e siyobay nge rogon ni be yib e win ngom riy. Ka ri puw ufam nga fani yo’or ban’en rom!

Daniel 4:27

Pilung rog, ngam fol ko tin ni nggog ngom ngam tal ndab ku um ngongliy e denen, ma ga rin’ e tin nib mat’aw; ma ngam runguy e pi’in gafgow. Ga ra rin’ ni aray rogon me yan nga luwan e kireb ni um rin’ mu’um par ni bfel’ rogom i yan.”

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

Hosea 12:8

Yad be ga’ar, ‘Kefel’ rogodad, bo’or bogi ban’en ni bfel’ nike yag ngodad. Ma dariy be’ nrayag ni nge yog ni kad fla’abgad u fithik’ e sasalap.’

Habakkuk 1:16

Yad ma meybil ko pi nug rorad ma yad ma pi’ e gamanman ni maligach ni fan ngay, ya nug rorad e be yagnag ngorad urngin e pin’en nib th’abi fel’.

1 Korinth 4:7

I mini’ e cha’ nike ta’med ni gimed ba tolang ngak e tin kabay e girdi’? Gathi urngin ban’en ni bay romed me Got e ke pi’? Ere ra di’in mi gimed yog ni gimed e soromed ni gowa tin bay romed ban’en e gathi ni pi’ ngomed nib tow’ath?

Deuteronomy 7:17

“Dabi lungumed u wun’med, ‘Girdi’ ko pi nam ney e yad bo’or ngodad. Ere uw rogon ni ngad tulufed yad ngar chuwgad?’

Deuteronomy 9:4

“Nap’an nra tulufrad SOMOL ni Got romed ngar chuwgad ni fan e ngam tafned e nam rorad, ma dab mu leam niged nike fekmed SOMOL i yan ngalan e re nam nem ni ngam tafned ni bochan e bay rogmed ni ngam tafned. Danga’, i SOMOL e bayi tuluf e pi girdi’ ney ngar chuwgad ni bochan e yad ba kireb.

Judges 7:2

Me ga’ar SOMOL ngak Gideon. “Kayigi pire’ e pumo’on nike un ngom ndabiyag ni gu pagrad ngar gelgad ngak piyu Midian. Ya richey miyad leamnag ni kar gelgad u gelngirad, ma dab ra leam niged ni gag e kug ayuwegrad.

1 Samuel 2:7

Ir e ma gagiyegnag boch e girdi’ ngar gafgowgad ni dariy ban’en rorad mma fal’eg rogon boch e girdi’ nge yo’or ban’en rorad; ma gagiyegnag boch e girdi’ ngar sobut’gad, me tolang bochi yad.

1 Samuel 30:23

Machane me fulweg David ni ga’ar, “Pi walageg, dabiyag ni ngam rin’ed ni errogon ko tin ke pi’ SOMOL ngodad! Ke taydad nde buch ban’en rodad me ir e ke gagiyegnag kad gelgad ngak fapi cha’ ni ud maelgad ngorad.