Deuteronomy 7:23 - Bible Ni Thothup

²³ SOMOL e bayi pi’ e pi to’ogor romed nga pa’med me gagiyeg nagrad ngar rusgad nge yan i mada’ ko ngiyal’ ni kam thanged owcherad.

Deuteronomy 7:23 Σταυροειδείς Αναφορές

Exodus 23:27

“Bay gu tay e pi girdi’ ni yad be togopluw ngomed ni kar rusgad ngog; bay gu tay e pi girdi’ ni gimed be cham ngorad nike wagagey lanin’rad, ma bay gu gagiyegnag urngin e to’ogor romed ngar chelgad u but’ ngar milgad romed.

Isaiah 13:6

Mu gel’gel’ naged e amith! Ya rran rok SOMOL e ke chugur, rofen ni En ni Gubin ma Rayag Rok e nge girengiy e riya’ i yib.

Jeremiah 17:18

Mu tamra’nag e pi’in yad be gafgow nageg, ma ga faleg riy nga bang, SOMOL. Mu suguyrad ko marus, machane dab mu k’ar marus ngog. Mu girengiy e riya’ nga puluwrad nga mu tet’arad ngar yoch yang gad.

Joel 1:15

Birok SOMOL e rran e ke chugur; fa’anem ni Gubin ma Rayag Rok e bayibnag e riya’. Ba ga’ ba marus ni yira tay e rofen nem!

Deuteronomy 2:15

I SOMOL e par ni be togopluw ngorad nge mada’ ko ngiyal’ nike thirifrad u but’ ni yad gubin.

Deuteronomy 31:5

I SOMOL e bayi pi’rad nga pa’med, ma ngam rin’ed ngorad nrogon e tin kugog ngomed.

Deuteronomy 8:20

Fa’anra dab um folgad rok SOMOL mra thirifmed u but’, ni bod rogon fapi nam ni thirifrad u but’ ko ngiyal’ ni gimed be yan i yan nga m’on.

Deuteronomy 9:3

Ma bay mu guyed nga owchemed ni SOMOL ni Got romed e bayi m’on romed ni bod ba daramram nib gel. Bay i gel ngorad i yan u nap’an ni gimed be yan nga m’on, ya ngam tulufedrad mi gimed thirifrad u but’ nib machreg, ni bod nike micheg.

2 Thessalonika 1:9

Bay ra gafgowgad ko gechig ni ngan pi’ ngorad ni aram e gafgow ni ngar ted ndariy n’umngin nap’an, ma kan tayrad ngabang ndab ra uned ko gin ni bay Somol riy ma dab ra guyed gelngin Got nib th’abi fel’,

Joshua 10:10

Me gagiyegnag SOMOL e pi Amorite ngar rusgad ngak e salthaw nu Israel ni kar guyed nike yib. Me li’rad piyu Israel u Gibeon, miyad lol’oeg e tin ke magey i yib nga p’ening ko wo’ ni yib u daken e burey nga p’ening u Beth-horon ngar chamgad ngar mada’gad nga Azekah nge nga Makkedah ni bay ko yimuch.

Judges 4:15

Ma fa’an ni m’ug Barak ngorad ni yad e salthaw rok, me balyangnag SOMOL Sisera nib mu’un fapi chariot rok ngay nge salthaw rok. Me og Sisera u chariot rok nga but’ nge mil.