Deuteronomy 7:13 - Bible Ni Thothup

¹³ Bay mu pired ni gimed ba t’uf rok mi i fal’eg wa’athmed, ma be yo’ornagmed, ma be yo’or pifakmed; me fal’eg rogon e woldug romed nge yib e ggan ngay ni pire’, ni grain nge wayin nge gapgep ni olive, me pi’ e garbaw nge saf ngomed ni pire’. Bayi pi’ ngomed urngin e pi fel’ rogon ney u lan e re nam nem ni micheg ngak pi chitamangimed ni kakrom ni bayi pi’ ngomed.

Deuteronomy 7:13 Σταυροειδείς Αναφορές

Nehemiah 9:32

“Rib sorom, i gur Got ni Got romad! Ri ba ga’ madgum, ma rib gel gelngim! Ga be par nri gab yul’yul’ ko m’ag ni mu ngongliy u thilmed e girdi’ rom. Ngiyal’ ni gafgow nagmad e pi pilung nu Assyria ke mada’ ko chiney e ba gel e gafgow ni kug pired nga fithik’! Pi pilung romad, nge pi’in yad ma gafaliymad, nge pi prist nge pi profet romad, nge pi chitamangimad ni kakrom nge urngin e girdi’ romad nra gafgowgad. Mu leamnag gelngin e gafgow ni yib ngomad.

BABYOR NI JOB 1:10

Kam par ni ga be yoror rok nge girdi’ nu tabinaw rok nge urngin ban’en ni bay rok. Ga be fal’eg wa’athan u urngin e tin be ngongliy, ma urngin e garbaw ni ka mu pi’ ngak e ke yo’or u daken e ted i yan.

BABYOR NI JOB 42:12

Me fal’eg SOMOL wa’athan Job nike mun daken e flaab ni pi’ ngak nga rogon ko som’on. I Job e yan i pan ni 14,000 e saf rok, ma 6,000 e kamel, ma 2,000 e garbaw, ma 1,000 e dongki.

Psalms 1:3

I ir e bod ba ke gek’iy nike tugul u to’oben ba lul’; gubin ngiyal’ nma k’uf ko ngiyal’ nra taw ngay ni nge k’uf, ma der mororoy yuwan. Urngin e tin ma ngongliy e ma yan i aw ni bfel’.

Psalms 107:38

Ke fal’eg wa’athan e tirok e girdi’ ke yo’or pifakrad, me tay yu ran’ i garbaw ni fakrad nda i lich.

Psalms 11:7

SOMOL e bmat’aw, ma ba’adag e wok ni bfel’; pi’in yad ra rin’ e wok ni bfel’ e yad ra par u p’eowchen.

Psalms 127:3

Bitir e ba tow’ath nma pi’ SOMOL; yad e bin riyul’ e tow’ath.

Psalms 146:8

mma bing owchen e pi’in ma’ew ngar guyed ban’en. Ma sak’iynag e pi’in kar dol’gad; ba t’uf rok e girdi’ ni yad ba mat’aw.

Exodus 23:25

Fa’an gimed ra pigpig ngog, i Gag SOMOL ni Got romed, mu gu ra fal’eg wa’athmed ko ggan nge ran, mu gu chuweg urngin mit e m’ar romed.

Proverbs 10:22

I SOMOL e ke fel’eg wa’tham kam fla’ab. Math’kenyil’ e dabi yon’ daken e fla’ab rom.

Proverbs 15:9

I SOMOL e ba fanenikay e ngongol rok e pi’in kireb, machane ba t’uf rok e pi’in ma rin’ e tin nib mat’aw.

Levitikus 26:9

Bay gu fal’eg wa’athmed nge yib fakmed nib yo’or; bay gu tay u gil tin gog ni gu ra rin’ ngomed ko fare m’ag ni gu ngongliy u thildad.

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

John 14:21

“En nra fel’ u wan’ e tin kug ta’chiylen ngomed me fol riy, e ireram e cha’ ni gub t’uf rok. Chitamag e ra t’ufeg e cha’ ni gub t’uf rok; ma ku er rogog ni ra t’uf rog mu gguy rogon nge nangeg.”

John 15:10

Fa’an gimed ra fol ko tin kug ning chiylen ngomed, ma gimed ra par ni gimed ba t’uf rog, ni bod rogon ni kug fol ko tin ni ning e Chitamag chiylen ngog gu be par ni ku gub t’uf rok.

John 16:27

ya en ni Chitamangiy e gimed ba t’uf rok. Gimed ba t’uf rok ni bochan e gub t’uf romed ma ke mich u wun’med ni gub rok.

Deuteronomy 1:8

Irera’ fare nam ni gag SOMOL e gu micheg ngak pi chitamangimed kakrom, ni aram Abraham, nge Isak nge Jakob, nge ngak e pi’in owcherad. Marod ngam pired ngay.’”

Deuteronomy 13:17

Dab mu cha’riyed ban’en ni ngam faned ko fapi chugom ni kan turguy ni ngan gathey, nge yag ni pi’ SOMOL keru’ ko damumuw rok nrib gel nge dag e runguy rok ngomed. Bayi runguymed me yo’or nagmed, ni bod ni micheg ngak e pi ga’ romed ni kakrom.

Deuteronomy 28:1

“Fa’an gimed ra fol rok SOMOL ni Got romed mi gimed yul’yul’ i ayuweg urngin e tin keyog ni ngam rin’ed ni kug weliy ngomed e daba’, mra taymed ni gimed e re nam nth’abi sorok u daken e fayleng.

Deuteronomy 28:11

Ma bayi pi’ SOMOL pifakmed ni pire’, nge garbaw ni pire’, nge woldug nib yo’or u lan fare nam nike micheg ngak e pi ga’ romed ni kakrom nra pi’ ngomed.

Deuteronomy 30:5

ngam tafnayed e re nam ney ni i par pi chitamangimed riy kakrom. Ma bayi gagiyeg nagmed nge gel e fel’ rogon romed ngam yo’orgad ngak pi chitamangimed.

Deuteronomy 7:7

“I SOMOL e gathi mu t’ufgad rok me mel’egmed ni bochan e gimed pire’ ngak girdi’en yugu boch e nam; ya gimed e umoyed ni gimed bochu’uw.