Deuteronomy 7:12 - Bible Ni Thothup

¹² “Fa’anra um motoyilgad ko pi motochiyel ney ngu’um yul’yul’gad ngay, me SOMOL ni Got romed e bayi tay u gil’ fare m’ag nike ngongliy u thilmed nge ir, mi i dag ngomed ni yig gimed be par ni gimed ba t’uf rok ni bod rogon nike micheg ngak pi chitamangimed ni kakrom.

Deuteronomy 7:12 Σταυροειδείς Αναφορές

1 Kings 8:23

me meybil ni ga’ar, “SOMOL ni Got rok yu Israel, dariy reb e kan u tharmiy ngu but’ ni bod gur! Ri gab yul’yul’ ko m’ag ni kam ngongliy u thilmed e tirom e girdi’, ma ga be dag e t’ufeg rom ngorad ni fa’anra yad be par ni yad be fol rom u polo i lanin’rad.

Nehemiah 1:5

Ni lungug, “SOMOL ni Got nu tharmiy, gur Got e th’abi ga’ gelngim ma gab Got ni yima rus ngom, me gur e ga ma tay e m’ag u gil’ ni mu ngongliy u thilmed e pi’in yad ba t’uf rom, ni pi’in ni ga bt’uf rorad ma yad ma fol ko tin kamu tay chiylen.

Nehemiah 9:32

“Rib sorom, i gur Got ni Got romad! Ri ba ga’ madgum, ma rib gel gelngim! Ga be par nri gab yul’yul’ ko m’ag ni mu ngongliy u thilmed e girdi’ rom. Ngiyal’ ni gafgow nagmad e pi pilung nu Assyria ke mada’ ko chiney e ba gel e gafgow ni kug pired nga fithik’! Pi pilung romad, nge pi’in yad ma gafaliymad, nge pi prist nge pi profet romad, nge pi chitamangimad ni kakrom nge urngin e girdi’ romad nra gafgowgad. Mu leamnag gelngin e gafgow ni yib ngomad.

Psalms 103:18

ni pi’in yad be par ni yad ba yul’yul’ ko m’ag rok, ma yad be par ni yad ba tay u gil’ e tin keyog ni ngu’un rin’.

Psalms 149:9

ngan gechignag e pi nam ni bod nike yog Got. Irera’, e gel ni fen pi girdi’en Got. Ke sorok SOMOL!

Exodus 15:26

Me ga’ar, “Fa’an ri gimed ra fol ko thin rog, I gag SOMOL ni Got romed, mi gimed rin’ e tin nib m’agan’ug ngay ni aram e tin nib mat’aw, mi gimed tiyan’med ko tin kugog ni ngam rin’ed, mi gimed tay nga tagil’ urngin e tin kugog ni ngam folgad riy, ma dab gu gechig nagmed nga reb fapi liliy ni gu pag nga daken piyu Egypt. I Gag fare SOMOL, ni gag e ggol nagmed.”

Jeremiah 11:5

Ma aram e gu ra tay u gil e n’en ni gu micheg ko pi chitamangirad ni gu ra pi’ ngorad fare binaw nib yong’ol ma ba madnom ni irera’ ni yad e taferad e chiney.” Mug ga’ar, “SOMOL arrogon.”

Daniel 9:4

Mu ug meybil ngak SOMOL ni Got rog mu gu weliy ngak e denen ni ngongliy e girdi’ ko nam rog ni lungug: “SOMOL ni Got, i gur e th’abi ga’ ma gamad be tay fam. Ri gab yul’yul’ ko fare m’ag rom ma ga be par nib t’uf rom e pi’in ni gab t’uf rorad ma yad be rin’ e tin kamog.

Mikah 7:20

Bay mu dag fanam yul’yul’ nge fare t’ufeg rom ni dabimus ngak e girdi’ rom, ni pi’in owchen Abraham nge Jakob, ni bod rogon ni mmicheg ngak e pi chitamangimad kakrom.

Luke 1:55

ma de pag talin ni nge runguy Abraham nge urngin e pi’in owchen Abraham ndariy n’umngin nap’an!”

Deuteronomy 1:8

Irera’ fare nam ni gag SOMOL e gu micheg ngak pi chitamangimed kakrom, ni aram Abraham, nge Isak nge Jakob, nge ngak e pi’in owcherad. Marod ngam pired ngay.’”

Deuteronomy 11:13

“Ma aram e ngam folgad ko pi motochiyel rok; ni nge t’uf SOMOL ni Got romed mi gimed pigpig ngak u polo’ i gum’iracha’med, ngu polo’ i gimed.

Deuteronomy 5:10

Machane pi’in gu bt’uf rorad ma yad ma fol ko pi motochiyel rog e bay gu dag e t’ufeg rog ngorad ni bokum biyu’ e mfen.

Deuteronomy 7:11

Ere um folgad ko tin kan fil ngomed; um folgad u urngin e pi motochiyel ni kug pi’ ngomed e daba’.

Deuteronomy 7:9

Ri dab mpaged talin ni SOMOL ni Got romed e kemus ni ir e Got, ma rib yul’yul’. Bayi tay u gil’ fare m’ag nike ngongliy u thilmed nge Ir, mi i dag ngak reb e biyu e mfen e t’ufeg rok ni dabimus, ni pi’in ur pired nib t’uf SOMOL rorad ma yad be fol ko tin keyog ni ngu’ur rin’ed,