Deuteronomy 6:2 - Bible Ni Thothup

² N’umngin nap’an e yafos romed, ni gimed nge pi’in owchemed e ngu’um pired ni bay madgun SOMOL ni Got romed u wun’med ma gimed be fol u urngin fapi motochiyel rok ni nggu pi’ ngomed, ya nge yag ni n’uw nap’an ni um pired ko fare nam.

Deuteronomy 6:2 Σταυροειδείς Αναφορές

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

Genesis 22:12

Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”

1 Kings 8:40

ya re nam ney ni gur e mpi’ ngak pi chitamangirad ni kakrom e gubin ngiyal’ ni ngi i par e girdi’ rom riy ni bay madgum u wun’rad.

BABYOR NI JOB 28:28

Ga’ar Got ngodad e girdi’, “Ga ra gonop, ma aram e ke yib dugwen SOMOL u wan’um. Ra ngam llowan’ ma ngam pithigem ko kireb.”

Psalms 111:10

Dogwen SOMOL e ireram tabolngin e gonop; gubin e pi’in ma folwok rok e ra pi’ e tamilangan’ ngorad. Ir e ngan pining e sorok ngak ni dariy n’umngin nap’an.

Psalms 128:1

Ba felan’ e pi’in yad ma fol rok SOMOL, ni yad ma par nrogon nike yog.

Psalms 91:16

Gu ra tow’ath nagrad ko yafos nib n’uw nap’an, mu gu mat’aw nagrad ngog.”

Exodus 20:12

“Mu liyor ko chitamam nge chitinam nge n’uw nap’an ni mu par ko gi binaw nike pi’ SOMOL ni Got rom ngom.

Exodus 20:20

Me ga’ar Moses ngak piyu Israel, “Dab mu rusgad; ya kemus ni nge yib Got ni nge sikeng nagmed me tay madgun nga lanin’med, ya nge dab kum denengad.”

Proverbs 16:6

Mu par ni ga ba yul’yul’ ma rogon e rogon ma bay e michan’ rom, mra n’ag Got machan e denen rom. Ngu’um liyor ngak SOMOL ma dariy ban’en nra buch rom.

Proverbs 3:16

Gonop e ra n’uwnag nap’am ko biney e tamilang, ma ra yagnag ngom e fel’ rogon nge tayfan.

Proverbs 9:11

Gonop e ra puthuy boch e duw ko yafos rom.

Eklesiastes 12:13

U tomuren urngin e pin’ey, ma ka ta’reb e kabay ni nganog: Nge yib madgun Got u wun’um, ma ga fol ko tin ke ta’chiylen, ya kemus fan e girdi’ ni sunmiy.

Jeremiah 32:39

Bay gu ta’rebnag lanin’rad nge ta’reb rogon ni ngu’ur liyor gad ngog ni gubin ngiyal’, ni fan ngorad nge fan ngak e pi’in ni owcharad.

Ezekiel 20:19

I Gag fare SOMOL ni Got romed. Mu folgad ko motochiyel nge thin rog.

Luke 12:5

Nggu dag ngomed e cha’ ni ir e ngam tamdaggad ngak: mu tamdaggad ngak Got nra li’ e dowef nge yim’, ma bay gelngin nge mat’wun nra yin’ fa’anem nga fithik’ e nifiy. Ere gu be yog ngomed, ni ngam tamdaggad ngak!

Deuteronomy 10:20

Ngu’um pired ni bay madgun SOMOL ni Got romed u wun’med ma kemus ni ir e ngu’um liyorgad ngak. Ma gimed be par ni gimed ba yul’yul’ ngak ma kemus ni fithingan e ngu’um micheged bbugithin ngay.

Deuteronomy 11:9

Me yag nim pired nib n’uw nap’an u daken fare nam ni bfel’ rogon ma ba yong’ol, ni micheg SOMOL nra pi’ ngak e pi ga’ romed ni kakrom nge pi’in owcherad.

Deuteronomy 13:4

Mu leked SOMOL ni Got romed mi i par madgun u wun’med. Mu ted nga tagil’ e tin keyog ni ngu’um rin’ed, mi gimed fol u lungun, mu’um pigpiggad ngak mi gimed par ni gimed ba yul’yul’ ngak.

Deuteronomy 15:5

ni fa’anra gimed ra fol rok mi gimed kol ‘ayuwen e tin gu be taychilen ngomed e daba’.

Deuteronomy 22:7

Rayag ni ngam fek pifak, machane thingar mu pag fare chitinngin nge yan. Ya nge yag nim par nib n’uw nap’an ma bfel’ wa’atham ko par rom.

Deuteronomy 30:19

Kug pining e tharmiy nge fayleng ni ngar mangew mich romed e daba’, ya kug tay nga puluwmed e yafos nge yam’, fel’wa’athan nge buchwa’athan; ni gimed e ngam mel’eged. Mmileg’ed e yafos.

Deuteronomy 30:20

Nge t’uf romed SOMOL ni Got romed, nga um folgad rok ma gimed be par ni gimed ba yul’yul’ ngak, ni fan e gimed nge pi’in owchemed e nge yag ni mu pired nib n’uw nap’med u lan e re nam ni ba’aram ni micheg ngak pi chitamangimed ni kakrom ni bayi pi’ ngorad, ni aram Abraham nge Isak nge Jakob.”

Deuteronomy 4:10

fa rofen ni fa’an mu sak’iygad u p’eowchen SOMOL ni Got romed ko burey ni Sinai, me ga’ar SOMOL ngog, ‘Mog nge mu’ulung e girdi’ nga p’eowcheg, ngar rung’aged lamag ni nggu welthin ngorad, miyad nang ni ngu’ur pired ni bay madgug u wun’rad u n’umngin nap’an e yafos rorad, miyad fil ngak pifakrad ni ngu’ur pired ni bay madgug u wun’rad.’

Deuteronomy 4:40

Um folgad u urngin e pi motochiyel rok ni kug pi’ ngomed e daba’, ma aram e gimed nge pi’in ni bay ra bad ni owchemed e yugu bay um pired ni bfel’ rogomed mu’um pired u lan e re nam nem ni SOMOL ni Got romed e nge pi’ ngomed ngam tafnayed ni dariy n’umngin nap’an.”

Deuteronomy 4:9

Ngar mu ayuwgad! Ngar mu guyed rogon nge dab mpaged talin e tin kam guyed nga owchemed. Mu guyed rogon nge dabi m’ay u wun’med u n’umngin nap’an e yafos romed. Ngu’um weliyed ngak pifakmed nge pifak pifakmed

Deuteronomy 5:16

“‘Mu liyorgad ko chitamangimed nge chitiningimed, ni bod ni Gag SOMOL ni Got romed e kug taychilen ni ngam rin’ed’, ya nge par ni ngi i fel’ wa’athmed ma ku arrogon ni ngki n’uw nap’med u lan tafenmed ni kug pi’ ngomed.

Deuteronomy 5:33

Mu folgad riy ni gubin, ya ngu’um pired ni bfel’ rogomed mu’um pired u lan fare nam ni bay mu tafned nge n’uw nap’an.

Deuteronomy 6:1

“Irera’ urngin fapi motochiyel ni SOMOL ni Got romed e keyog ngog ni nggu fil ngomed. Ngu’um folgad riy u lan e re nam ni ba’aram ni ngam marod ngay ngam pired riy.

Deuteronomy 6:24

Me yog SOMOL ni Got rodad ngomad ni nggu folgad u urngin e pi motochiyel ney, ma nggu pired ni bay madgun u wun’mad. Ya fa’anra ug rin’ed ma gubin ngiyal’ nra i par ni be matanagiy e nam rodad mi i tay e nam ni bfel’ rogon.

Deuteronomy 6:7

Mu filed ngak pifakmed; um weliyed murung’agen ngorad ko ngiyal’ ni gimed bay u tabinaw nge ngiyal’ ni gimed be milekag, nge ngiyal’ ni gimed be toffan nge ngiyal’ ni gimed be maruwel.

Joshua 4:24

Urngin e girdi’ nu fayleng e bay ra nanged gelngin SOMOL ni bochan e ren’ey, ma bay um tedfan SOMOL ni Got romed ndariy n’umngin nap’an.”

1 Peter 1:17

Gimed ma pining Got ni Chitamangimed ko ngiyal’ ni gimed ma meybil ngak, ni ir e ma pufthinnag urngin e girdi’ nder ma laniyan’, nra be’ ma be yan u rogon e tin ni i rin’; aram fan nthingar mu pired ni n’umngin e yafos romed u roy u fayleng ni gimed be liyor ngak.