Deuteronomy 6:12 - Bible Ni Thothup

¹² ma ngam guyed rogon nge dab mu paged talin SOMOL ni ir e fekmed nga wuru’ yu Egypt, ko gin um pired riy ni gimed e sib.

Deuteronomy 6:12 Σταυροειδείς Αναφορές

2 Kings 17:36

Thingar mu folgad rog, i Gag fare SOMOL, ni gu fekmed nga wuru’ yu Egypt nga feni gel gelngig nge fanag manging’; ngam siro’gad ngog mi gimed pi’ e pi maligach romed ngog.

2 Kings 17:38

ma thingar dab mu paged talin fare m’ag ni gu ngongliy u thildad.

BABYOR NI JOB 8:13

Girdi’ nde nang Got e yad bod e pi uchel nem; lagan’ rorad e ra m’ay, u nap’an ni yad ra pagtalin Got.

Psalms 103:2

Lanin’ug, mu pining e sorok ngak SOMOL, ma dab mu pag talin feni gol.

Psalms 44:17

Gubin e pin’ey nike buch ngomad, ni yug aram rogon ni dawor gu paged talinem ara gu th’abed fare m’ag ni mu ngongliy u thildad.

Psalms 59:11

Got, dab mu li’rad, ya ri pag e girdi’ rog talin. Mu weregrad u gelngim ma ga waer nagrad, A Somol, ni tayoror romad.

Psalms 78:7

Ni aray rogon ma aram e bay ra ted e pagan’ rorad nga daken Got ma dab ra paged talin e n’en ke rin’, ma gubin ngiyal’ ni bay ra ted u gil’ e tin ke ta’chiylen.

Exodus 13:14

Mra yani daken bi’id ni fith pifakmed ni pumo’on ko mangfan ni gimed be tayfan e rofen ney, mi gimed fulweg ni nge lungmed, ‘Bochan gelngin SOMOL nrib gel e fekmad riy nga wuru’ yu Egypt ni fare nam ni ug sibgad riy.

Exodus 13:3

Me ga’ar Moses ngak fapi girdi’, “Ngam ted u wun’med e rofen ney — irera’ e rofen nim chuwgad u lan yu Egypt ko gin um sibgad riy. Ya re rran ney e maruwel SOMOL nga gelngin nib gel nge fekmed nga wuru’ fare binaw. Dab mu koyed e flowa ni bay e is riy.

Exodus 6:6

Ere ngamog ngak piyu Israel ni gu be ga’ar ngorad, ‘I gag SOMOL, e bay gu lagmed u tan gelngin e sib ni gimed be tay u Egypt. Bay gu pug pa’ag ngalang nib gel gelngin nggu pi’ ba gechig nib gel nga dakenrad, ma aram mu gu aywegmed.

Proverbs 30:9

Ya fa’anra yug ra yo’or ngog, mrayag ni gog ni dariy angim ngog. Ma fa’anra gu ba gafgow, ma rayag ni gu moro’ro’ nggu m’aynag fan e Got rog.

Isaiah 17:10

Israel, kampag talin fare Got ni ir e lagnem me yoror rom ni bod ba war nib gel. Ka mu cheal ga be yung yungi milay’ nib taliw ni ngu’um tayfan e got nu bang riy.

Isaiah 51:13

Kam paged talin SOMOL ni sunmiymed, ni ir e filath lanelang me ayliy e deaf ko fayleng? Mangfan ni ngu’um pired ni gimed bmarus ko dumumuw rok e pi’in yad ma gafgow nagmed, ni pi’in ka ra fal’eged rograd ni ngar gafgow niged gimed? Dumumuw rorad e dabkiyag ni nge bit ngomed.

Jeremiah 34:13

ni Got nu Israel, e yog ngog ni ngugog ko girdi’ ni nge lungug: “Gu ngongliy ba m’ag u thilmad e pi chitamangimed u nap’an ni gu chuwegrad u pa’ yu Egypt nggu pithigrad ko sib ni ur ted. Mu gog ngorad ni

Hosea 2:13

Bay gu gechignag ni bochan fa yu ngiyal’ i n’em ni i par nike pag talig, ni fa yu ngiyal’nem ni fa’an i urfiy e incense ngak Baal me nunuw nge lol’oeg pi ilingen. I SOMOL e keyog e pi thin ney.

Numbers 15:39

Pi matharthar ney e nge mang puguran ngomed, ya nge gubin ngiyal’ ni gimed ra guy me yib ngan’med urngin e tin kugog ni ngu’um folgad riy; nge dab mu pi’ed keru’med ngog ngam leked fiti lanin’med nge tin kam mm’ad ni bochan.

Deuteronomy 32:18

Ra paged talin e Got rorad, nib gel gelngin ni i ayuwegrad u pa’ e pi to’ogor rorad, ni en ni pi’ e yafos ngorad.

Deuteronomy 4:23

Ngam ayuwgad nge dab mu paged talin fare m’ag ni SOMOL ni Got romed e ke ngongliy u thilmed nge ir. Dariy bmit e liyos ni ngam ngongliyed ni bochan e keyog SOMOL ni Got romed ni dab mu rin’ed,

Deuteronomy 4:9

Ngar mu ayuwgad! Ngar mu guyed rogon nge dab mpaged talin e tin kam guyed nga owchemed. Mu guyed rogon nge dabi m’ay u wun’med u n’umngin nap’an e yafos romed. Ngu’um weliyed ngak pifakmed nge pifak pifakmed

Deuteronomy 8:10

Bay um pired u rom nib yu’ ngomed urngin e tin ngam ked, ma bay um pininged e magaer ngak SOMOL ni Got romed ni bochan e re nam nem nike pi’ ngomed nib yong’ol e but’ riy.

Kolose 2:8

Mu guyed rogomed ya ri kolmed be’ ngam manged kalbus rok ni be’ ni be maruwel ko gonop rok e girdi’ nge sabanban ndariy rogon ngabang, ni yib ko machib ni sum rok e girdi’ ni yibe fil ngak reb e mfen nge reb, ma ki yib ko pi kan ni yad be gagiyeg u lan e gin’en ni bay urngin ban’en nu lanelang riy nib mu’un e fayleng ngay, ma gathi Kristus e yib rok.

Judges 2:12

Miyad tal ko liyor ni yad ma tay ngak SOMOL, ni fare Got rok e pi chitamangirad kakrom, ni aram e re Got ni fekrad nga wuru’ yu Egypt, miyad tabab ngu’ur tedfan yug boch e got, pi got ko pi girdi’ u to’obrad i yan. U ra siro’gad ko pi got nem, ma aram mri damumuw SOMOL ngorad.