Deuteronomy 5:32 - Bible Ni Thothup

³² “Girdi’ nu Israel, rnopa’med ni ngu’um rin’ed urngin e tin ke tay SOMOL ni Got romed chiylen ngomed. Dab mu paged ta’reb e pi motochiyel rok ndab mu folgad riy.

Deuteronomy 5:32 Σταυροειδείς Αναφορές

2 Kings 17:37

Thangri gubin ngiyal’ ma gimed be fol ko pi motochiyel nge tin ku gu yoloy ni fan ngomed ni ngam rin’ed. Thingar dab mu folgad rok yug boch e got,

2 Kings 21:8

Ma fa’anra fol e girdi’ nu Israel u gubin e tin kugog ni ngan rin’ miyad ayuweg fare Motochiyel ni ga’ngin ni pi’ e tapigpig rog i Moses ngorad, ma aram e dab gu pagrad ngan tulufrad nga wuru’ fare nam ni gu pi’ ngak e pi chitamangirad kakrom.”

2 Kings 22:2

Josiah e i rin’ e tin nib m’agan’ SOMOL ngay; ya i folwok rok David ni ga’ rok kakrom, ri i par ni be fol ko urngin e motochiyel rok Got.

Psalms 125:5

Machane nap’an ni ga ra gechignag e pi’in kireb, mu kum gechignag boch e pi’in ka ra paged e pi kanawo’ rom. Nge par e gapas u lan yu Israel!

Psalms 19:12

Dariy be’ nrayag ni nge guy e kireb rok; SOMOL, mu chuwegeg u fithik’ e kireb rog nib mith.

Psalms 80:19

SOMOL ni Got ni Gubin ma Rayag Rok, mu fulwegmad. Mu dag e runguy rom ngomad, ya nge dabi buch ban’en romad.

Proverbs 3:2

Machib rog e ra pi’ ngom e yafos nib n’uw ma bfel’ rogon.

Proverbs 4:27

Mu pithigem ko kireb ngam man u puluwom nga m’on. Dab mu chaf nga wuru’ e wo’.

Isaiah 30:21

Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

Ezekiel 20:19

I Gag fare SOMOL ni Got romed. Mu folgad ko motochiyel nge thin rog.

Ezekiel 37:24

Ba pilung ni bod e tapigpig rog i David e bayi mang pilung rorad. Yad gubin ni bay ra cheaggad nge par ni ta’ab pilung e be gagiyeg nagrad ma bay ur folgad ko pi motochiyel rog nri yad ba yul’yul’ ngay.

Deuteronomy 11:32

ma nopa’med nri gimed ra fol u gubin e pi motochiyel ney ni kug pi’ ngomed e daba’.

Deuteronomy 12:32

“Mu rin’ed urngin e tin kugog ngomed ni ngam rin’ed; ndab mon’ed ban’en ngay ara mu chuweged reb riy.

Deuteronomy 17:11

Mu faned e tin kar dugliyed mi gimed rin’ e tin karogned ni dab mu paged bochiyang riy.

Deuteronomy 17:20

Irera’ rogon ma dabi leamnag nib sorok boch ngak e pi’in yad nu Israel, ma dariy e ngiyal’ ni nge pi’ keru’ ko tin keyog SOMOL ni ngan rin’. Ma aram e ra par ngi i gagiyeg nib yo’or e duw, ma pi’in owchen e bay ur gagiyeg niged piyu Israel nib yo’or e mfen.

Deuteronomy 24:8

“Fa’anra bay e daraw u dowmed ma ngu’um kol ayuwgad ngu’um rin’ed e tin be yog fapi prist ko Levi ngomed; ni bod rogon ni ku gu taychilen ngorad, e aram rogon ni ngam rin’ed.

Deuteronomy 28:14

Machane dariy bi’id ni ngam paged ndab ku’um folgad ko pin’ey, ara mu chealgad ngam tedfan mi gimed pigpig ngak yug boch e got.

Deuteronomy 29:8

ma gadad fek e binaw rorow ngad f’othed rok e pi ganong rok Ruben nge Gad, nge baley ko ganong rok Manasseh.

Deuteronomy 6:17

Ngar mu guyed rogon ngu’um folgad u urngin fapi motochiyel nike pi’ ngomed.

Deuteronomy 6:25

Fa’an gadad ra yul’yul’ ngu’ud folgad u gubin e tin keyog Got ngodad ni ngad rin’ed, ma gadad ra fel’ u wan’.’

Deuteronomy 6:3

Gimed e girdi’ nu Israel, mu telmed ngu’um folgad ko pi motochiyel ney, nge yag ni fel’ rogomed me yo’or e girdi’ romed u daken e re nam nem ni bfel’ rogon ma ba yong’ol e but’ riy, ni bod rogon nike micheg SOMOL ni Got rok e pi chitamangidad ngomed.

Deuteronomy 8:1

“Urngin fapi motochiyel ni kug pi’ ngomed e daba’ e ngu’um folgad riy u fithik’ e yul’yul’, nge yag ni mfosgad mu’um yo’orgad mi gimed tafnay e re nam nem ni SOMOL e micheg ngak pi chitamangimed ni kakrom nra pi’ ngomed.

Joshua 1:7

Machane mu par ni gab gel, mar dab mu rus, ma ngam guy rogon ni ngu’um fol u urngin fapi Morochiyel ni pi’ e tapigpig rog i Moses ngom. Dab mpag bochiyang riy ma aram e demturug e gin’en ni ga ra yan ngay ma rayag rom e tin ga be muruwliy.

Joshua 23:6

Ere nopa’med ni ngu’um folwokgad ma gimed be rin’ urngin e tin kan yoloy ngalan fare ke babyoren e Motochiyel rok Moses. Dab mu n’iged bang riy,

2 Peter 2:21

Ya kabfel’ ni fa’an mang e ur pired ndar nanged kanawo’en e mat’aw ko bin kar nanged miyad pi’ keru’rad ko fare motochiyel nib thothup ni kan pi’ ngorad!