Deuteronomy 5:26 - Bible Ni Thothup

²⁶ Ya mini’ e re girdi’ ni ka a rung’ag laman Got ni be par nib fos ni non u fithik’ e nifiy, ni bod ni kad rung’aged ma ka gadad be par ni gadad bfos?

Deuteronomy 5:26 Σταυροειδείς Αναφορές

Genesis 32:31

Me m’ug e yal’ ngak Jakob ko ngiyal’ ni ba’aram ni nge chuw u Peniel, me yan ni be gulep ni bochan chagiyen.

Genesis 6:12

Me par Got nge guy e girdi’ nu fayleng me guy ni yad ba kireb, ya kari yan i par e girdi’ ni kari kireb.

Psalms 42:2

Gur Got ni ga be par ni gabfos e ku gum’ ni bocham ni bod ni kug balel. wu’in e rayag ni gub gu liyor u p’eowchem?

Psalms 42:3

Gu be yor ni rran nge nep’, ma lu’ e ke mang ggan ngog; gubin ngiyal’ ni be fitheg e pi to’ogor rog ni be lungurad, “Bu uw e Got rom?”

Psalms 84:2

Kari gum’ ni bochan ni ngub ngaram! Kari gum’ ni bochan ni ngu’un ngalan e yoror rok SOMOL. Polo i gag ni gu be tangnag e felfelan’ ngak fare Got ni be par ni bafos.

Exodus 20:22

Me ga’ar SOMOL ngak Moses, mog ngak e girdi’ nu Israel ni nge lungum, “Kam guyed nga owchemed ni gag SOMOL e kug non ngomed u tharmiy.

Isaiah 40:6

Be ga’ar ba lam ni ba ga’ gaman, “Mu wereg murung’agen!” Mu gu fith ni lungug, “Mang e nggu wereg murung’agen?” “Ngamog ni urngin e girdi’ e yad bod e pan; nder ma n’uw nap’rad ko floras nu daken e ted.

Jeremiah 10:10

Machane gur SOMOL, e gur e bin rriyul’ e Got, ni gur fare Got nib fos ni pilung ni manechibog ko pi chibog. Gur e nap’an ni ga ra damumuw, me rur e fayleng; ni dabiyag ni nge lubeg e pi nam e damumuw rom. (

Daniel 6:26

Gu be yog ni ga’ngin e gin gu ma gagiyegnag e nge par gubin e girdi’ riy ni bay madgun fare Got rok Daniel u wun’rad ma ngu’ur liyorgad ngak: “I ir ba Got ni be par nib fos ma bayi gagiyeg ni dariy n’umngin nap’an. Ma gagiyeg rok e dariy e n’en nra rin’ me yag nni kirebnag, ma gelngin e dariy e n’en nra rin’ me mus.

Matthew 26:63

Machane me par Jesus nike th’ab gulungan. Miki non fare Prist ni Th’abi Ga’ ngak bayay ni ga’ar, “Chiney e nggog ngom u daken fithingan fare Got ni be par nib fos ni nggu tem nga p’eowchen ngamog e tin riyul’: mog ngomad ko gur fare Messiah ni Fak Got gur fa danga’.”

Acts 14:15

“Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Roma 3:20

Dariy be’ nra i rin’ e tin nike yog e re Motochiyel nem me yan i par nike mat’aw u p’eowchen Got; ya maruwel ko Motochiyel e nge ayuweg be’ nge nang fa’anem nike denen.

2 Korinth 6:16

Ra di’in me ta’reban’ e Tempel rok Got ko pi liyos nma meybil e pi’in ndar nanged Got ngay? Ya gadad e Tempel rok Got, ni Got ni be par nib fos! Ni bod rogon ni fa’ani keyog Got nike ga’ar: Bay gu wan gu par ngorad ngu’ug wan u fithik’rad, bay gu mang Got rorad, miyad mang girdi’eg.

Deuteronomy 4:33

Gur bay girdi’en ba nam ni ka’ar rung’aged laman ba got ni be non u fithik’ e nifiy ngorad ni bod rogomed ma kayad be par ni yad bfos?

Deuteronomy 5:27

Moses, mu sul ngaram, ngam motoyil nga urngin e tin be yog SOMOL ni Got rodad. Ma ga sul ngamog ngomad urngin e tin keyog ngom. Ya gamad ra motoyil ngay ma gamad ra fol riy.’

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

Joshua 3:10

Daba’ e bay mu nanged ni fare Got ni be par nib fos e bay romed; nap’an ni bay mmarod i yan nga m’on ma ir e bayi tuluf piyu Kanaan ngar chuwgad, nge fapi girdi’ ni kanog e Hittite ngorad, nge Hivite, nge Perizzite, nge Girgashite, nge Amorite, nge Jebusite.

Judges 13:22

Me ga’ar Manoah ngak le’engin, “Ke mich ni ngadmow, ya kad guyew Got!”

1 Samuel 17:26

Me fith David e pi salthaw ni yad ba chugur ngak ni ga’ar, “Fa’anra li’ be’ e re Filistine nem nge chuweg e tamra’ rok yu Israel ma mang e yira pi’ ngak? Ya mini’ e re Filistine nem ni be’ nde nang Got ni be darifannag e salthaw rok Got ni be par nib fos?”