Deuteronomy 4:7 - Bible Ni Thothup

⁷ “Dariy reb e nam ngabang, ndemturug feni sorok nma chichir e birok e kan ngak ni bod rogon SOMOL ni Got rodad nma chichir ngodad ko ngiyal’ ni gadad ra wenig ngak ni nge ayuwegdad.

Deuteronomy 4:7 Σταυροειδείς Αναφορές

2 Samuel 7:23

Dakuriy reb e nam ngabang u fayleng ni bod e yu Israel, ni gur e mu lufrad ko sib ngam mang nagrad girdi’ rom. Pin’en ni ba sorom riy nge pi ma’ang’ag ni mu rin’ ngorad e wear murung’agem riy u roy u fayleng. I gur e mu tuluf e pi nam nge pi got rorad u nap’an ni be yan e girdi’ rom i yan nga m’on, fapi girdi’ ni gur e mu pithigrad u Egypt ni ngar manged girdi rom.

Psalms 145:18

Ma ba chugur ngak urngin e pi’in yad ma non ngak, ni yad be non ngak u fithik’ e yul’yul’.

Psalms 147:20

De rin’ e ran’ey ni fan ngak yug boch e nam; ni dar nanged e motochiyel rok. Ke sorok SOMOL!

Psalms 148:14

I ir e be gagiyegnag e birok e nam be par nib gel, ya nge urngin e tirok e girdi’ miyad pining e sorok ngak, ni piyu Israel, nri yad ba t’uf rok! Ngu’un pining e sorok ngak SOMOL!

Psalms 34:17

Ra non e pi’in nib mat’aw ngak SOMOL me motoyil; me lagrad u fithik’ urngin e oloboch rorad.

Psalms 34:18

I SOMOL e ba chugur ngak e pi’in ke mulan’rad; mma ayuweg e pi’in dakriy ban’en ni be lagan’rad ngay.

Psalms 46:1

I Got e ir e manaf rodad me ir gelngidad, gubin ngiyal’ nike fal’eg rogon ke par nra yib e oloboch ngodad me ayuwegdad.

Psalms 73:28

Machane gag e kari felan’ug, ya gu be par u to’oben Got! U charen SOMOL Nib Th’abi Tolang e kug par riy ndabi buch ban’en rog, ma bay ug weliy urngin e tin ke rin’ ngan nang.

Psalms 85:9

Riyul’ nra mat’awnag ngak e pi’in ni bay madgun u wan’rad, nge par e muluplup’ rog u lan e nam rodad.

Isaiah 43:4

Gu ra tay bogi nam ni polo’ nga luwam ni fan e nggu ayuweg e pogofan rom, ya ri gab fel’ u wun’ug ma bochan e ri ga ba t’uf rog rog ma aram e gu be gagiyeg nagem ngu’un tay fam.

Isaiah 55:6

Mu sulod ngak SOMOL ngu’um meybilgad ngak e chiney ni kab chugur ngomed.

Numbers 23:21

Kug guy ndariy e buch wa’athan ara kireb ni nge yib ngak yu Israel. I SOMOL ni Got rorad e bay rorad; yad be tolulnag ni Ir e pilung rorad.

Numbers 23:9

Kug par u p’ebugul e war kug guyrad; kug par u daken e burey kug yaliyrad. Yad girdi’en ba nam ni yad be par ni go’ yad; yad manang nike fal’eg Got wa’athrad nib thil nga yugu boch e nam.

Acts 17:27

I rin’ e ren’ey ni fan e ngar gayed ir, ma sana miyad pir’eg ko ngiyal’ ni yad be gayiy. Machane bin riyul’ riy e dariy bagadad nib mal’af Got rok nga orel;

Deuteronomy 26:19

Bayi gagiyeg nagmed nge gilbuguwmed ngak urngin e pi nam ni ir e sunumiy. Ma bay um pired ni gimed e girdi’ rok nib thothup ni bod ni micheg ngomed, ma bay um pininged e sorok ngak mi gimed be mathangeluwolnag fithingan.”

Deuteronomy 33:29

Israel, rib fel’ wa’atham! Dariy be’ ni bod gur, ni ba nam ni SOMOL e ke ayuweg. I SOMOL e ir e shield rom me ir e saydon rom, ni nge ayuwegnem rok e to’ogor rom me gagiyeg nigem ngam gel ngorad. Pi to’ogor rom e bay ra bad ni yad be wenig ngom ni ngam runguyrad, ma bay mu yot’yot’rad nga but’.

Deuteronomy 4:32

“Mu sulod ngam gayed murung’agen e kakrom, ni tin ba’aram e rran ndawor ni gargelegmed, ni tabab ko fa ngiyal’ ni ba’aram ni sunumeg Got e girdi’ u daken e fayleng; mu gayed u ga’ngin yang e fayleng. Ka’a m’ug ban’en ni yira ngat ngay ni aram rogon? Ka e rung’ag be’ murung’agen ban’en ni ara’ rogon?

Deuteronomy 5:26

Ya mini’ e re girdi’ ni ka a rung’ag laman Got ni be par nib fos ni non u fithik’ e nifiy, ni bod ni kad rung’aged ma ka gadad be par ni gadad bfos?

James 4:8

Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!