Deuteronomy 4:39 - Bible Ni Thothup

³⁹ Ere chiney e kari mu nanged ni SOMOL e ir e Got nu tharmiy ngu fayleng, ma dakuriy yugu reb e Got nga bang. Ngu’um ted e pin’ey u lanin’med ma dab mu paged talin.

Deuteronomy 4:39 Σταυροειδείς Αναφορές

2 Samuel 7:22

SOMOL ni Got, rib sorom! Dariy be’ ni bod gur; dakuriy yugu reb e Got nga bang, ya kemus ni gur, ni bod ni kug rung’aged.

1 Kronicles 17:20

SOMOL, dariy be’ ni bod gur; gubin ngiyal’ ma gamad manang ni kemus ni go’ gur e Got.

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

1 Kronicles 29:11

Ba gil bugwam ma ga ba gel, mab sorom, ma dariy thibngim ma gil’ilungum e ba polo’ u fayleng. Gubin ban’en nu tharmiy ngu fayleng ni go’ tirom, me gur e pilung, tagagiyeg ni th’abi tolang u gubin e gagiyeg.

2 Kronicles 20:6

me meybil nib ga’ laman ni ga’ar, “A SOMOL ni Got rok e pi chitamngimad, u tharmiy e ga bay riy ni ga be gagiyegnag gubin e nam u fayleng. Gur e ba gel gelngim ma ga ba gel, ni dariy be’ nrayag rok ni nge togopluw ngom.

Psalms 100:3

Dab mpaged talin i SOMOL ni ir Got! Ir e sunumegdad, ma bmil fadad ngak; gadad girdi’en, gadad fare ran’ i saf rok.

Psalms 115:3

Got romad e bay u tharmiy, ni be rin’ e tin ni be finey.

Psalms 135:6

Demturug e tin ba’adag SOMOL me rin’ u tharmiy ngu daken e fayleng, ngu lan e day ngu t’ay e regur.

Exodus 8:10

Me ga’ar Farao ni pilung, “Mu meybil nigeg gabul.” Me ga’ar Moses, “Bay gu rin’ e n’en ni kamog, ma aram e bay mu nang ndakuriy reb e kan ni bod rogon SOMOL ni Got romad.

Isaiah 1:3

Garbaw e yad manang e pi’in be chuguluyrad, ma pi dongki e yad manang e gin yima durwi’iyrad riy. Ka bo’or e tin yad manang ngak piyu Israel ni girdi’ rog. Der pat ngan’rad ni aray rogon!”

Isaiah 43:10

“Gimed e girdi’ nu Israel, gimed e mich rog; kug duwgiliymed ni ngam manged ba nam ni tapigpig rog, ni fan e ngam nanged gag mu gu mich u wun’med, me tamilangan’med riy ni kemus ni Gag e Got. Dakuriy yu gu reb e got nga bang; immoy ndariy, ma ku dariy ni bayib.

Isaiah 44:8

Gimed e girdi’ rog, dab mu rusgad! Gimed manang ni kakrom ke mada’ ko chiney e u gu yi’iynag urngin e pin’en ni bayib, ma gimed e mich rog! Gur bay yugu reb e got ngabang? Gur bay yugu reb e got ngabang nib gel ndawor gu rung’ag murung’agen?”

Isaiah 5:12

Pi mur ni gimed be tay e bay talin e musik riy ni harp nge tambourines nge ngal, nge wayin. Machane dar tamilangan’med ko mang e be rin’ SOMOL,

Daniel 4:35

Ra ni paluwnag e girdi’ nu fayleng ngak mra yan i par e girdi’ nu fayleng nib m’ayfarad; i ir e be gagiyegnag e pi engel nu tharmiy nge girdi’ nu fayleng. Dariy be’ nrayag rok ni nge togopluw ko tin ke duwgiliy u wan’, ara fith ngak e n’en nma rin’.

Hosea 7:2

Dertaw nga lanin’rad nra par u wun’ug gubin e pi kireb ney; ya denen rorad e ke cholongbiyrad, ma dabyag ni nggu fek owcheg rorad.”

1 Korinth 8:4

Ere nggog murung’agen e ggan nni pi’ ngak e liyos nma meybil boch e girdi’ ngay ni nge lungug: gadad manang ni ba liyos e pow u ban’en ni gathi riyul’ ni bay; ya gadad manang nri ta’reb e Got ni bay.

1 Korinth 8:6

machane gadad e ri ta’reb e Got rodad ni bay, ni ir e Chitamangiy, me ir e sunumiy urngin ban’en, me ir e gadad be par ni fan ngak; ma ta’reb e Somol ni bay, ni aram Jesus Kristus, ni pa’ e sunumiy Got urngin ban’en ngay, me ir e be ta’dad ni gadad ba fos.

Deuteronomy 32:12

Yigo’ SOMOL e i pow’iy e girdi’ rok i yan, nde yib yugu reb e got u reb e nam i ayuweg.

Deuteronomy 32:29

De pat ngan’rad ko mang ni kar waergad, der nanged fan ko mangfan nike yodorom.

Deuteronomy 4:35

I SOMOL e dag urngin e pin’ey ngomed ya ngam nanged ni kemus ni ir e Got ni bay ma dakuriy yug reb ngabang.

Deuteronomy 6:4

“Gimed e girdi’ nu Israel, mmotoyilgad! Fare SOMOL ni Got rodad e kemus e ta’are Got nib riyul’.

Deuteronomy 7:9

Ri dab mpaged talin ni SOMOL ni Got romed e kemus ni ir e Got, ma rib yul’yul’. Bayi tay u gil’ fare m’ag nike ngongliy u thilmed nge Ir, mi i dag ngak reb e biyu e mfen e t’ufeg rok ni dabimus, ni pi’in ur pired nib t’uf SOMOL rorad ma yad be fol ko tin keyog ni ngu’ur rin’ed,

Joshua 2:11

Nap’an ni gu rung’aged magmad rus; ra be’ ma ke mulan’ ni bochmed. I SOMOL ni Got romed e ir e Got nu tharmiy ngu roy u but’.

1 Samuel 2:2

“Dariy be’ nib thothup ni bod rogon SOMOL; dariy be’ ni bod Ir, dariy be’ nma yoror rodad ni bod e Got rodad.