Deuteronomy 4:22 - Bible Ni Thothup

²² Thingar gum’ u lan e biney e nam ni dab gu th’ab e Jordan nga ba’ nem, ma gimed e dabki n’uw nap’an mi gimed th’ab nga ba’ nem ngam feked e re nam nem ni bfel’ ngam tafned.

Deuteronomy 4:22 Σταυροειδείς Αναφορές

Amos 3:2

“U fithik’ gubin e nam nu fayleng ma kemus ni gimed e gu ma nangmed ma gimed ba t’uf rog. Aram e n’en nike ubchiya’ nag e tiromed e denen, aramfan ni dabisiy nthingar ggechig nagmed.”

Numbers 27:13

Ga ra guy nge mu’ ma ga yim’ ni bod Aron ni walagem,

Numbers 27:14

ya gimew l’agruw nda mfolgow ko tin gog u daken e ted u Zin. Fa ngiyal’nem ni i gun’gun’ yu Israel nib togopluw ngog u Meribah mi gimew siyeg ni ngam dagew u p’eowcherad nib pagan’mew nga gelngig nib thothup.” (Meribah e fare alublub ni bay u Kadesh u daken e ted nu Zin.)

Numbers 31:2

“Mu gechignag piyu Midian ko n’en ni kar rin’ed ngak e girdi’ nu Israel. Ma tomuren ni gra mu’nag e binem, ma bay mum’.”

Deuteronomy 1:37

Ki damumuw SOMOL ngog ni bochmed me ga’ar, ‘Mus ngom i gur Moses, ma kudab mu’un nga langgin fare binaw.

Deuteronomy 3:25

SOMOL, mpageg nggu th’ab e Jordan nga ba’ nem, ngug guy fare binaw nib yong’ol ni bay u ba’ nem, ni go’ burey ni bfel’ ya’an nge fapi Burey nu Lebanon.’

Deuteronomy 3:27

Man nga p’ebugul fare Burey ni Pisgah ngam changar ngalan e lel’och nge lan e yimuch, nge lan e ngek nge lan e ngal. Ma ga fal’eg i yaliy e tin ga ra guy, ya ri dab mu th’ab e Jordan nga ba’ nem.

Deuteronomy 31:14

Me ga’ar SOMOL ngak Moses, “Daki n’uw nap’an ni ngam par ko biney e tamilang. Mpining Joshua ngam fek i yib ko fare Tent ko M’ag rok Got, ya nge yag ni gu weliy ngak e pin’en ni ngi i rin’.” Me yan Moses nge Joshua ko fare Tent,