Deuteronomy 4:2 - Bible Ni Thothup

² Dab mu puthuyed ban’en ko tin nggu taychilen ngomed ni ngu’um rin’ed, ma dab mu lufed ban’en riy. Ngu’um folgad ko thin rok SOMOL ni Got romed ni fa’an ku gu pi’ ngomed.

Deuteronomy 4:2 Σταυροειδείς Αναφορές

Psalms 78:7

Ni aray rogon ma aram e bay ra ted e pagan’ rorad nga daken Got ma dab ra paged talin e n’en ke rin’, ma gubin ngiyal’ ni bay ra ted u gil’ e tin ke ta’chiylen.

Proverbs 30:6

Fa’anra mog nike yog ban’en ni dawri yog, ma bay i yal’uwegnem me dag ni gur be’ ni ga ba sasalap l’ugun.”

Eklesiastes 12:13

U tomuren urngin e pin’ey, ma ka ta’reb e kabay ni nganog: Nge yib madgun Got u wun’um, ma ga fol ko tin ke ta’chiylen, ya kemus fan e girdi’ ni sunmiy.

Jeremiah 26:2

me ga’ar SOMOL ngak Jeremiah, “Mman mu sak’iy ngalan e Tempel ngam weliy urngin e tin kugog ngom ngak e girdi’ nike yib ko pi binaw nu Judah ngaram ni ngar meybilgad. Dab mu pag ta’a ban’en riy ndab mu weliy.

Matthew 5:18

Mu ted ngan’med e re bugithin ney! N’umngin nap’an ni ka be par e tharmiy nge fayleng e dariy bochiyang u reb e yol ara bochiyang ko Motochiyel nra nn’ag — ya fin ra taw nga tomuren urngin ban’en.

Matthew 5:43

“Kam rung’aged ni kanog nike lunguy, ‘Nge t’uf rom e pi tafager rom, ma ga fanenikay e pi to’ogor rom.’

Galatia 3:15

Pi walageg ni girdi’en Kristus, nggu weliy murung’agen ban’en ngomed ni nggu susunnag nga ban’en ni yima rin’; fa’anra weliy l’agruw ni’ murung’agen ban’en me ta’reb lanin’row riy miyow sayin nga babyor ni aram e m’ag ko fare bugithin ni kar weliyew, ma dakuriy be’ ni ngki th’ab e re m’ag nem ara ki puthuy ban’en ngay.

Deuteronomy 1:3

Rofen ni som’on ko pul ni ragag nge ta’reb ko duw ni gaman aningeg i ragag nga tomuren ni kar chuwgad u Egypt, me weliy Moses ngak piyu Israel urngin ban’en nike yog SOMOL ngak ni nge weliy ngorad.

Deuteronomy 12:32

“Mu rin’ed urngin e tin kugog ngomed ni ngam rin’ed; ndab mon’ed ban’en ngay ara mu chuweged reb riy.

Deuteronomy 13:1

“Ba profet fa be’ nma weliy fan e lik’ay e fa’anra yog ngomed ba pow fa ba maang’ang ni bayi m’ug,

Deuteronomy 33:4

Ud folgad ko motochiyel ni pi’ Moses ngodad, re motochiyel nem e ke par ni ba wogthuth ni fen e nam rodad.

Deuteronomy 4:14

I SOMOL e weliy ngog ni nggu fil ngomed urngin fapi motochiyel ni ngu’um folgad riy u lan e re nam ni dabki n’uw nap’an mi gimed yan ngay ngam koled ngam tafned.

Deuteronomy 4:40

Um folgad u urngin e pi motochiyel rok ni kug pi’ ngomed e daba’, ma aram e gimed nge pi’in ni bay ra bad ni owchemed e yugu bay um pired ni bfel’ rogomed mu’um pired u lan e re nam nem ni SOMOL ni Got romed e nge pi’ ngomed ngam tafnayed ni dariy n’umngin nap’an.”

Deuteronomy 4:5

“Kug fil ngomed urngin fapi motochiyel nrogon ni yog SOMOL ni Got rog ngog ni nggu fil ngomed. Ngu’um folgad riy u lan e re nam ni ba’aram ni ngam koled ngam pired riy.

Deuteronomy 5:29

Mang e yigi i par lanin’rad ni arrogon ni gubin ngiyal’! Mang e yigi par madgug u wun’rad ni gubin ngiyal’ miyad be fol u gubin e tin kugog ngorad ni ngar rin’ed, nge yag ni ur pired nge pi’in owcharad ni bfel’ rogorad ndariy n’umngin nap’an.

Deuteronomy 5:32

“Girdi’ nu Israel, rnopa’med ni ngu’um rin’ed urngin e tin ke tay SOMOL ni Got romed chiylen ngomed. Dab mu paged ta’reb e pi motochiyel rok ndab mu folgad riy.

Joshua 1:7

Machane mu par ni gab gel, mar dab mu rus, ma ngam guy rogon ni ngu’um fol u urngin fapi Morochiyel ni pi’ e tapigpig rog i Moses ngom. Dab mpag bochiyang riy ma aram e demturug e gin’en ni ga ra yan ngay ma rayag rom e tin ga be muruwliy.

Joshua 8:35

Gubin yang ko fare motochiyel rok Moses me be’eg Joshua ngak gubin fapi girdi’ nu Israel ni kar mu’ulunggad, nib mu’un e ppin nge bitir nge girdi’ ni be par u fithik’rad ni girdi’ u bang ngay.