Deuteronomy 4:19 - Bible Ni Thothup

¹⁹ Gimed ra sap ngalang ni mu guyed e pin’en nib sug riy, ni aram e yal’ nge pul nge t’uf, ma ngam guyed rogon nge dab mu ted fan ara mu meybilgad ngay. Ya SOMOL ni Got romed e ke pi’ e tiney ngak yugu boch e nam u gubin yang yad be tayfan,

Deuteronomy 4:19 Σταυροειδείς Αναφορές

Genesis 1:14

Me non Got ni ga’ar, “Nge sum nga lanelang e pin’en ni be gal ra’en ni nge ki’eg e rran ko nep’, ma nge dag e ngiyal’ nma tabab e pi rran riy, nge pi duw, nge yu ngiyal’ nma thil e yafang;

Genesis 2:1

Ma aram me yan i par nike m’ay i ngongliy e fayleng, nge lanelang, nge urngin ban’en ni bay u daken e but’ ngu lanelang.

2 Kings 17:16

Ra th’abed urngin e motochiyel rok SOMOL ni Got rorad ngar ngongliyed l’agruw i wasay ni ya’an fak e garbaw ni pumo’on ni ngu’ur tedfan; mu kur ngongliyed ya’an fare got ni bpin ni Asherah, mu’ur tedfan e pi t’uf, mu’ur pigpiggad ngak fare got ni Baal.

2 Kings 21:3

Miki toy bayay fa yungi tagil e tayfan ni fa’an ni gathay i Hezekiah ni chitamngin; i ubung e pi altar ni fen e tayfan ngak Baal me ngongliy ba liyos ni ya’an fare got ni bpin ni Asherah, ni bod ni rin’ Ahab ni Pilung nu Israel. Manasseh e ki un i tayfan e pi t’uf.

2 Kings 23:11

Me chuweg fapi liyos ni ya’an e os, ni pi pilung nu Judah e ra ted ni fan e nga ni meybil ko yal’, me urfiy fapi chariot nib l’ag rogon ko re tayfan nem. (Pi os nge pi chariot nem e ma par u lan e yoror ko tempel nib chugur nga langan e garog nde palog ko fapi senggil rok Nathan Melek, ni be’ nib tolang.)

2 Kronicles 33:3

Miki toy bayay fa yungi tagil’ e meybil rok e pi’in ndar nanged Got ni fa’ani gathay e chitamngin i Hezekiah. Me toy e pi altar ni ngu’un tayfan Baal riy, me ngongliy e liyos ni ya’an Asherah ni fare got nib bpin, mi i tayfan e pi t’uf.

Nehemiah 9:6

Miyad meybil ni aray rogon, “Gur SOMOL, e kemus ni gur e SOMOL; gur e mu sunumiy lanelang nge pi t’uf ni bay u lanelang. Gur e mu sunumiy e but’ nge day nge urngin ban’en ni bay riy; me gur e mpi’ e yafos ko gubin ban’en; pi engel nu tharmiy e yad ma siro’ ngom ma yad ma liyor ngom.

Psalms 19:3

Dariy ba welthin ara yu bugithin ni ka ni maruwel ngay, dariy lingrad ni yibe rung’ag;

Jeremiah 19:13

Pi naun nu Jerusalem, nge pi naun ntafen e pi pilung nu Judah, nge urngin e naun ni ku un urfiy e incense u daken e chigiy riy ni maligach ngak e pi t’uf ma ku ir e un ngal’weg e wayin riy ni maligach ngak yugu boch e got, e bayi par nike ta’ay ni bod rogon yu Tofeth.”

Jeremiah 31:35

I SOMOL e ke pi’ e yal’ ni nge pi’ e tamilang ni rran, ma ke pi’ e pul nge pi t’uf ni nge gal nnep’. I ir e pug e day nge chub lingan; i SOMOL ni Gubin ma Rayag Rok fithingan.

Jeremiah 33:25

Machane I gag SOMOL, e ku gu ngongliy e m’ag u thilmad e rran nge nep, kug ngongliy e motochiyel ni nge gagiyegnag e fayleng nge lanelang.

Jeremiah 8:2

Susun e ngan kunuy nga ta’bang ngan key’ag, ma yilrad e kan wereg u but’ ni bod t’ay e gamanman. Bay ni wereg u tarma’en e yal’, nge pul, nge t’uf, ni er e pin’en ni ba’adag e pi girdi’ ney ni ur pigpiggad ngay, mu ur ninged e ayuw ngay ma yad be tay fan.

Ezekiel 18:6

Dar ma meybil ko pi liyos ni be meybil piyu Israel ngay ara kay ufin e gamanman ni ka ni pi’ ni maligach u altar rok yugu boch e got. Dar ma bannag le’engin be’ nge dabki yul’yul’ ngak figirngin, ara ra pirew be’ ni bpin ko ngiyal’ nib pael.

Ezekiel 8:16

Ma aram me fekeg ngalan e yoror ko Tempel. U rom u charen e gin yima yan riy ngalan e garog ko gin nib thothup, u thilin e altar nge baranda’ ma bay rliw’ nge lal i pumo’on riy. Ni kar pi’ed keru’rad ko gin ba thothup ni yad be siro’ ko ngek, ni yad be tayfan e yal’ ni be yib ngalang.

Zefaniah 1:5

Bay gu thang mit e en ma yan ngalang nga daken e chigiy ko naun ngi i tayfan e y’al, pul, nge pi t’uf. Ma ku bay gu thang mit e pi’in yad ma meybil ngog miyad ma micheg ni yad ba yul’yul’ ngog, machane miyad cheal ngar pagedyad ngan yiblayrad u fithingan fare got ni Molek.

Matthew 5:45

ya nge yag ni mmanged pifak e Chitamangimed ni bay u tharmiy. Ya be mateg ram’en e yal’ rok nga daken e girdi’ nib tagan nge girdi’ ni bfel’ nta’reb rogon, ma be pi’ e n’uw ngak e pi’in yad be rin’ e tin nib mat’aw nge pi’in yad be rin’ e tin nib kireb.

Acts 7:42

Ma aram me pi’ Got keru’ ngorad, nge pagrad ngu’ur meybilgad ko t’uf u lanelang, ni bod rogon ni bay ni kan yoloy u lan fare babyor rok e pi profet ni fa’ani be ga’ar: ‘Piyu Israel! Gathi gag e um li’ed e gamanman ngu’um pi’ed ngog ni maligach ni aningeg i ragag e duw u daken fa gi ted.

Roma 1:25

Kar thiliyeged e tin riyul’ ni murung’agen Got ko tin nde riyul’; yad be tayfan ma yad be meybil ma yad be pigpig ko tin ni sunumeg Got ma darir rin’ed ngak e Cha’ ni ir e sunumeg urngin ban’en, ni ir e nganog e sorok ngak ndariy n’umngin nap’an! Amen.

Deuteronomy 13:10

Ngan malang nagrad ngarm’ad! Ya yad be guy rogon ni ngar waliyed gimed nga orel rok SOMOL ni Got romed, ni ir e chuwegmed u Egypt, ni gin ni um sibgad riy.

Deuteronomy 13:5

Mi gimed thang e fan rok e en ni be weliy fan e lik’ay fa ba profet ni be yog ngomed ni ngam togopluwgad ngak SOMOL, ni ir e chuwegmed u Egypt, ni um pired ni gimed e sib riy. Ya mitney e girdi’ e ba kireb e leam rok ma be guy rogon ni nge waliymed nga orel ko bin e par ni yog SOMOL ngomed ni ngam pired riy. Ere thingar ni thang e fan rok, ya nge yag ni chuw e biney e kireb u fithik’med.

Deuteronomy 17:3

ni bochan e be pigpig ma be tay fan yug boch e got, ara yal’, ara pul, ara t’uf, nib togopluw ko tin keyog SOMOL.

Deuteronomy 4:18

fa gamanman nma goraraw u but’ ara nig.