Deuteronomy 32:9 - Bible Ni Thothup

⁹ Ma pi’in owchen Jakob e ir e mel’eg ni ir e nge par rok.

Deuteronomy 32:9 Σταυροειδείς Αναφορές

2 Samuel 14:16

Ug leamnag ni ga ra motoyil ngog ngam ayuwegneg rok fa’en ni be guy rogon ni nge thang e fan rok fakag nge gag ni aram e nge therbegmow u daken fare nam ni pi’ Got ngak pi girdi’en.

2 Samuel 20:19

Re binaw romad ney e rib manigil, reb e tin nth’abi gapas mab yul’yul’ u lan yu Israel. Ere mangfan ni ga beguy rogon ni ngam gathay? Mog, gab adag ni ngam kirebnag ban’en nib milfan ngak SOMOL?”

1 Kings 8:51

Yad e girdi’ rom ni gur e mfekrad nga wuru’ yu Egypt, ni fare tafen e nifiy ni be daramram.

1 Kings 8:53

Gur e mmel’egrad u fithik’ girdi’en urngin e nam ni yad e ngar manged tirom e girdi’, ni bod ni mog ngorad u l’ugun e tapigpig rom i Moses ko ngiyal’ ni mfek pi chitamangimad ni kakrom nga wuru’ yu Egypt.”

Psalms 106:40

Ma aram me damumuw SOMOL ngak e girdi’ rok; nge sonogor ngorad.

Psalms 106:5

Mu pageg ngug guy e girdi’ rom ni nge fel’ rogorad mug un ko felfelan’ ko nam rom, u fithik’ e uf uf ko pi’in nib mil farad ngom.

Psalms 135:4

Ir e ke mel’eg Jakob ni nge milfan ngak, nge girdi’ nu Israel.

Psalms 28:9

SOMOL, mu ayuweg girdi’em, ma ga fal’eg wa’athan e pi’in nib mil farad ngom. Mu par ni gur e tagafaliyrad, ma ga ayuwegrad ndariy n’umngin nap’an.

Psalms 33:12

Ba felan’ e re nam ni SOMOL e Got rorad; ba felan’ e girdi’ nike mel’egrad ni ngar manged girdi’en!

Psalms 74:2

Mu tay u wun’um e girdi’ rom, ni mu mel’egrad kakrom ni ngar manged girdi’ rom, ni pi’in ni mu chuwegrad ko sib ngar manged birom e ganong. Mu tay’ u wun’um e Burey nu Zion, ni um par riy bingyal’.

Psalms 78:71

ni aram e gin ni i chothowliy e yuran’ i gamanman rok riy, nge tay’ David ni pilung nu Israel, ngi i gafaliy e girdi’ rok Got.

Exodus 15:16

Marus nge magar e mul nga dakenrad; bochan feni gel gelngin pa’am miyad duwgil u luwrad ni gowa ba malang, nge mada’ ko ngiyal’ nike yib e girdi’ rom kar thumurgad a SOMOL, ni fapi girdi’ ni kam pithigrad ko sib ni ur ted.

Exodus 34:9

Me ga’ar, “SOMOL, fa’anra rriyul’ ni gub fel’ u wun’um, ma gu be wenig ngom ni ngam un ngomad. Pi girdi’ ney e yad ba gel’an, machane wenig ngom mu n’agfan u wun’um e denen nge kireb romad, ngam pagmad nggu manged girdi’em.”

Isaiah 19:25

I SOMOL ni Gubin ma Rayag Rok e bayi fal’eg wa’athrad me ga’ar, “Egypt, bay gu tow’ath nigem, i gur girdi’eg; nge gur Assyria, ni gu sunmiyem; nge gur Israel ni girdi’ rog ni gu mel’eg.”

Isaiah 34:17

I SOMOL e ir e ra f’oth e binaw rorad nge pi’ ngorad nra bagyad ma pi’ e gi rok. Bay ra pired riy u reb e mfen ngu reb, nge milfan ngorad ndariy n’umngin nap’an.

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

Jeremiah 10:16

Fare Got rok Jakob e de bodrad; ya ir e sunmiy urngin ban’en, me ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

Jeremiah 2:7

Mu gu fekrad i yib nga ba nam nib yong’ol e but’ riy; ni ngar felan’gad ko woldug riy nge tin ni bfel’ ban’en ni bay riy. Machane fa’an rabad miyad kirebnag e nam rog; ya ka ra sonogor niged fare nam ni gu pi’ ngorad.

Jeremiah 51:19

Fare Got rok Jakob e de bodrad; ya ir e sunmiy urngin ban’en, ma ir e mel’eg yu Israel ni nge mang tirok e girdi’. I SOMOL ni Gubin ma Rayag Rok e ireram fithingan.

Mikah 2:5

Aram fan ndariy bigimed nrayag bang e binaw ngak ko rofen ni bay ku ni f’oth e binaw bayay u pa’ e tirok SOMOL e girdi’.

Zekariah 2:12

Bay i sul bayay yu Judah nge par nib mal’eag nib milfan ngak SOMOL u lan e nam rok nib thothup, ma yu Jerusalem e bay i par ni fare binaw ni th’abi t’uf rok.

Efesus 1:18

Gu be wenig ngak ni nge tamilangan’med ngam guyed e tamilang rok, nge yag ni ngam nanged e n’en ni kabay ngam’on ni ir e be piningmed ngay, nge feni gel e manigil ko pin’en ni be yog ni bayi pi’ ngak e tirok’ e girdi’,

Deuteronomy 9:29

Ya pi girdi’ ney e irera’ fapi girdi’ ni gur e mturguyrad ni ngar manged girdi’em me gur e mu fekrad nga wuru’ yu Egypt u gelngim nib ga’ nge gelngim nib gel.

Joshua 24:17

I SOMOL ni ir e Got rodad e fek pi chitamangidad nge gadad nge chuwegdad ko sib ni ud tayed u lan yu Egypt, ma kad guyed e pi maang’ang nike rin’. I ta’dad nde buch ban’en rodad ko yungi n’en ni u darod riy u fithik’ urngin girdi’en e pi nam.

1 Samuel 10:1

Me fek Samuel ba melor i gapgep ko olive nge pu’og nga daken lolugen Saul, me faray owchen me ga’ar, “I SOMOL e ke gapgep nigem ni aram e gur e ngam gagiyegnag e girdi’ rok nu Israel. Bay um par ni gur e ga be gagiyegnag e girdi’ rok ma ga be ayuwegrad rok urngin e pi to’ogor rorad. Mich riy ni SOMOL e ke dugliyem ni ngam gagiyegnag e girdi’ rok e ba’aray: