Deuteronomy 32:7 - Bible Ni Thothup

⁷ “Mu leam niged e som’on, ko fangiyal’ ni kakrom, mu fithed e chitamangimed nge weliy ngomed murung’agen e tin ni m’ug e ngiyal’nem, mu fithed e pilibthir nge weliy ngomed murung’agen e kakrom.

Deuteronomy 32:7 Σταυροειδείς Αναφορές

Psalms 10:6

Yad ma ga’ar u wan’rad, “Dab da waergad bi’id; ma dab da mada’ niged e magawon bingyal’.”

Psalms 119:52

Ke yib woran ngan’ug e tin mu tiriggiliy kakrom, nma pi’ e pagan’ ngog, A SOMOL.

Psalms 44:1

A Got, ku gu rung’aged nga telmad, pi chitamangimad kakrom e kar weliyed ngomad murung’agen, feni sorom ko pin’en ni um rin’ u nap’rad, ko fapi rran ni kakrom:

Psalms 44:2

rogon ni go’ gur ma ga tuluf fa pi girdi’ ni dar nanged Got nga wuru e nam rorad, ma ga tay e tirom e girdi’ nga taferad ngar suwyed; nge rogon ni mu gechignag boch e nam, ma ga gagiyegnag e girdi’ rom nge fel’ rograd.

Psalms 77:8

Gur, aram e ke tal ni dabki t’ufegdad? Gur, aram e ke m’ayfan e n’en ni micheg nra rin’?

Psalms 78:5

Ke pi’ e motochiyel ngak e girdi’ nu Israel me motochiyel ngak e pi’in owchen Jakob. Me ta’chiylen ngak e pi ga’ rodad ni ngar machib niged e motochiyel rok ngak pifakrad,

Exodus 12:26

Mra fithmed pifakmed ko mangfan e pin’ey,

Exodus 13:14

Mra yani daken bi’id ni fith pifakmed ni pumo’on ko mangfan ni gimed be tayfan e rofen ney, mi gimed fulweg ni nge lungmed, ‘Bochan gelngin SOMOL nrib gel e fekmad riy nga wuru’ yu Egypt ni fare nam ni ug sibgad riy.

Isaiah 46:9

Mu leam niged e n’en ni gu rin’ kakrom; mu nanged ni kemus ni Gag e Got, ma dariy be’ ni bod gag.

Isaiah 63:11

Machane me yib ngan’rad e kakrom, ni nap’an Moses ni tapigpig rok SOMOL, me lungurad, “Bu uw e chiney fare SOMOL ni ayweg fapi tagagiyeg rok e girdi’ rok nge chuwegrad u fithik’ fare day? Bu uw fare SOMOL ni pi’ e kan nthothup rok ngak Moses?

Deuteronomy 4:32

“Mu sulod ngam gayed murung’agen e kakrom, ni tin ba’aram e rran ndawor ni gargelegmed, ni tabab ko fa ngiyal’ ni ba’aram ni sunumeg Got e girdi’ u daken e fayleng; mu gayed u ga’ngin yang e fayleng. Ka’a m’ug ban’en ni yira ngat ngay ni aram rogon? Ka e rung’ag be’ murung’agen ban’en ni ara’ rogon?

Deuteronomy 8:2

Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.

Judges 6:13

Me ga’ar Gideon ngak, “Siro’, rayag ni gu fith ngom e re bugithin ni ba’aray? Fa’anra bay SOMOL romad me ere mangfan urngin e pi gafgow ney nike yib ngomad? Mang e ke rin’ urngin fa pin’en ni bfel’ nma weliy pi chitamangimad murung’agen ngomad ni i rin’ SOMOL, ni murung’agen rogon ni fekrad nga wuru’ yu Egypt? I SOMOL e ke pagmad. Ke n’agmad nga pa’ piyu Midian.”