Deuteronomy 32:4 - Bible Ni Thothup

⁴ “I SOMOL e ba gel ma bay i par ni manaf romed, ir e ba yal’uw ma bmat’aw urngin e tin ma rin’. Got romed e ba yul’yul’ ma der ma ban, ngongolen e bfel’ ma ba yal’uw.

Deuteronomy 32:4 Σταυροειδείς Αναφορές

Genesis 1:31

Me par Got nge guy urngin e n’en ke ngongliy ma rib fel’ u wan’. Me chuw e binem e nep’, me ni kadbul — ni aram e bin nel’ e rran.

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”

2 Samuel 22:47

I SOMOL e be par nib fos! Nga ni pining e sorok ngak e en ni be yoror rog! Got e be’ nib gel ni be ayuweg e pogofan rog! Nga ni weliy ngak e girdi’ feni sorok!

2 Samuel 23:3

Fare Got nu Israel e ke non, en nma yoror rok piyu Israel e ke ga’ar ngog: “Re pilung nma gagiyeg nib yal’uw e ngongol rok, mma gagiyeg ni bay madgun Got u wan’

2 Kronicles 19:7

Ere ngi i par madgun SOMOL u lanin’med mi gimed tiyan’med ko tin gimed be rin’, ya SOMOL ni Got rodad e dar ma kadan’ ko n’en nib sasaliyab ma darma lanyan’ ara fanay pulwon e kireb.”

Nehemiah 9:8

Mu nang ni be par nib yul’yul’ ngom, ma ga ngongliy ba m’ag u thilmew. Mmicheg ngak ni bay mpi’ e nam nu Kanaan ngak, ni nam rok e Hittite nge Amorite, nge nam rok e Perizzite, nge Jebusite, nge Girgashite nge par nib nam ni bayi par e pi’in ni owchen riy. Ma ga tay nga tagil’ e n’en ni mmicheg ngak, ya gab yul’yul’.

BABYOR NI JOB 34:10

Mmotoyilgad ngog, gimed e pi’in gimed ra nangfan! Gur, Got ni Gubin ma Rayag Rok e ra rin’ e kireb?

BABYOR NI JOB 35:14

Job, ga be yog ni damur guy Got; machane makdan’um ngam son — ya oloboch rom e bay u peowchen.

BABYOR NI JOB 36:23

Dariy be’ nrayag ni nge yog ngak Got e n’en ni nge rin’ ara thibthibnag e n’en nib kireb nike rin’.

BABYOR NI JOB 8:3

I Got e dar ma olobochiy e tin nib mat’aw; dariy bangiyal’ nra pag i rin’ e n’en nib mat’aw.

Psalms 100:5

I SOMOL e bfel’; t’ufeg rok e dariy n’umngin nap’an, ma feni yul’yul’ e bayi par ni kargon ni manemus.

Psalms 138:8

Bay mu rin’ urngin e tin kam micheg; SOMOL, tuf’eg rom e ba manemus. Mmu’nag e maruwel ni kam tababnag.

Psalms 145:17

I SOMOL e mmat’aw urngin e tin ma rin’, mma runguy e girdi’ u fithik’ urngin e ngongol rok.

Psalms 146:6

ni ir e sunumiy lanelang, nge fayleng, nge day, nge urngin e tin bay riy. Gubin ngiyal’ nma tay e tin ke micheg nga tagil’;

Psalms 18:2

SOMOL e ir e ta’ayuw rog; I ir e yoror rog nib gel. Got rog e ir e yoror rog, mra gu bay rok ma dariy ban’en nra buch rog. Ma yororiyeg ni bod bangi shield; Ir e manaf rog ma be guyeg ndabi buch ban’en rog.

Psalms 18:46

I SOMOL e bay nib fos! Ke sorok e en ni ta’ayuw rog. Mu weliyed murung’agen feni sorok fare Got ni ayuwegneg.

Psalms 19:7

Motochiyel rok SOMOL e rib yal’uw, ra pasignag lanin’uy me pi’ gelngiy; ma tin be yog ni murung’agen SOMOL e ba riyul’ mma pi’ e gonop ngak e pi’in ndariy rorad.

Psalms 31:5

Ku gu pagfag ngom. SOMOL, I gur e bay mu ayuwegneg; gur ba Got ni gab yul’yul’.

Psalms 33:4

Thin rok SOMOL e ba riyul’, ma gubin e maruwel rok e ra pagan’uy ngay.

Psalms 78:35

Me yib ngan’rad ni Got e i yoror rorad, ni en ni Gubin ma Rayag Rok e i yibnag e ayuw ngorad.

Psalms 9:16

Ke gagiyegnag SOMOL kannang ko ir mini’ u daken e pufthin rok nib mat’aw; ma pi’in kireb e ke tafchiyrad e ngongol rorad.

Psalms 90:16

Mu pagmad, e pi tapigpig rom, ngu guyed e pi maruwel rom; mu gagiyegnag e pi’in ni owchemad ngar guyed gelngim nib gil.

Psalms 92:15

Be dag ni SOMOL e bmat’aw, ma dariy ban’en nib kireb ko en ma yororiyeg.

Psalms 97:2

Manileng nge lumor nib dub’ag e ba liyeg; be gagiyeg nib mat’aw ma ba yal’uw.

Psalms 98:3

Ke tay u gil’ e tin ni micheg ko girdi’ nu Israel u fithik’ e yul’yul’ nge fare t’ufeg rok ngorad ni dabimus. Gubin e girdi’ u gubin yang ni ka ra guyed e gel nike tay e Got rodad.

Psalms 99:4

Pilung nib gel, bt’uf rom e tin nib mat’aw; kam sunmiy e tin nib mat’aw u lan yu Israel; kam fek i yib e tin nib mat’aw ma ba yal’uw.

Exodus 34:6

Me th’ab SOMOL p’eowchen Moses me non ni ba ga’ laman ni ga’ar, “I Gag SOMOL, i gag ba Got ni gub sug ko murnguy mma kirban’ug, ma ba sowath ni gu ma damumuw ma gu ma dag e t’ufeg rog nib ga’ ma gub yul’yul’.

Eklesiastes 3:14

Gubin ban’en nma rin’ Got e ra par ndariy n’umngin nap’an. Dabiyag ni ngan puthuy ban’en ngay ara nchuweg ban’en riy. Ke tay Got ni aray rogon ni fan e nge par e girdi’ ni bay madgun u wun’rad.

Isaiah 17:10

Israel, kampag talin fare Got ni ir e lagnem me yoror rom ni bod ba war nib gel. Ka mu cheal ga be yung yungi milay’ nib taliw ni ngu’um tayfan e got nu bang riy.

Isaiah 25:1

SOMOL, I gur e Got rog; Bay ug liyor ngom mu gu mathangeluwolnag fithingam. Kam ngongliy bogi maang’ang; ri ga ba yul’yul’ u rogon ni ga be rin’ e pin’en ni ka mu tanomnag kakrom.

Isaiah 26:4

Nge pagan’uy ngak SOMOL ni manemus, gubin ngiyal’ ni bay i yoror rodad.

Isaiah 28:16

Ba’aray e n’en ni be yog SOMOL ni Th’abi Tolang ni be ga’ar, “Nggu tay ba def ngalan yu Zion, ni ba def ni bay i par nib muduwgil ma ba gel. Bay gu tay ba malang nga fithik’ nib el ni ka ni yoloy e yu bugithin ni ba’aray ngay: ‘Michan’ nib muduwgil e ku ba gumaen’.’

Isaiah 30:18

Machane SOMOL e be son nagmed ni ngam sulod ngak me ayuwegmed. Ba’adag ni nge runguymed, ya gubin ngiyal’ nma rin’ e tin nib mat’aw. Ba felfelan’ e pi’in nike pagan’rad ngak SOMOL.

Isaiah 32:2

Ra bagayad ma bayi par ni bod ba manaf ni ngan naf ngay ko nifeng nge yoko’. Yad ra bod e yu pa’ i lul’ ni bay u daken bangi ted nder tugul ban’en riy, ma yad bod e tagalul’ u ba war ni ba ga’ ni ba ga’ ni bay u daken bangi ted.

Jeremiah 10:10

Machane gur SOMOL, e gur e bin rriyul’ e Got, ni gur fare Got nib fos ni pilung ni manechibog ko pi chibog. Gur e nap’an ni ga ra damumuw, me rur e fayleng; ni dabiyag ni nge lubeg e pi nam e damumuw rom. (

Jeremiah 9:24

Fa’anra ba’adag be’ ni nge uf ma nge uf ni bochan e manangeg ni bfel’ rogog, nge bochan e t’ufeg rog ni dabimus, ma gu ma rin’ e tin nib yal’uw nge tin nib mat’aw. Irera’ e pin’en ni bfel’ u wun’ug. I Gag SOMOL e kugog e pi thin ney.”

Daniel 4:34

“Fa’ani taw nga nap’an mu gu changar ngalang, i gag Nebukadnezzar, me sul lanin’ug ngog. Mu gu pining e sorok ngak Got ni Ir e Th’abi Tolang, ni bay i par nib fos ndariy n’umngin nap’an, mu gu tay fan, mu gog ni ir e ba gilbuguwan, me lungug, “I ir e bayi gagiyeg ni dariy n’umngin nap’an, ma gagiyeg rok e gubin ngiyal’ ni bay i par.

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Habakkuk 1:12

SOMOL, ka nap’an ko tabolngin ni ga be par ni gur e Got. Gur e Got rog, ni gab thothup ma bay um par ndariy n’umngin nap’am. SOMOL, ni Got rog nma yoror rog, kam mel’eg yu Babylon ma kam pi’ gelngirad ya nge yag nra gechig niged gamad.

Habakkuk 1:13

Ke di’in ma ke yag ni mu k’adan’um rok e pi girdi’ ney ndabiyag ni nge pagan’uy ngorad ma yad ba kireb? Lan owchem e kaygi thothup ni nge guy e kireb ni yibe rin’, ma dabiyag ni ngam par ngu’um guy e girdi’ ni yad be ngongliy e tin nde yal’uw. Ere mang ni kam th’ab gulungam kar pired ni yad be thang e pogofan rok e girdi’ ni kab gel e mat’aw rorad ngorad?

Zefaniah 3:5

Machane SOMOL e ka be par u lan fare binaw; n’en nib mat’aw e be rin’ ya dariy e ngiyal’ nma rin’ ban’en nib kireb. Dariy reb e kadbul nde rin’ e tin nib mat’aw ko girdi’ rok. Ma girdi’ u rom nde mat’aw e go’ kireb e yad be rin’ ni dariy e ngar tamra’gad.

Matthew 5:48

Ere thingar mpired ni gimed ba yal’uw — ni bod e Chitamangimed ni bay u tharmiy nib yal’uw!

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

John 1:17

I Got e pi’ fare Motochiyel rok ngodad u daken Moses; machane t’ufeg nge yul’yul’ e pi’ ngodad u daken Jesus Kristus.

John 14:6

Me fulweg Jesus ngak ni ga’ar, “I gag e kanawo’, me gag e tin riyul’, me gag e yafos; dariy be’ nrayag ni nge yan ngak e en ni Chitamangiy ya kemus ni gag e ra yan rog ngak.”

John 5:22

Ma ku errogon ni dabi pufthinnag e en ni Chitamangiy be’. Ya ke pi’ mat’wun e en ni Fak ni nge pufthinnag e girdi’,

Roma 1:32

Yad manang ni motochiyel rok Got e be yog ni girdi’ ni be ngongol ni aray rogon e bay rogon ni ngan li’rad ngarm’ad. Machane ka yad be ngongliy e pin’ey i yan — gathi kemus ara’, ya ku bfel’ u wun’rad e pi’in yad be rin’ e pi ngongol nem.

Roma 2:2

Gadad manang nib mat’aw Got ni fa’anra turguy e gechig rok e pi’in yad be ngongliy e pin’ey.

Roma 2:5

Machane kam gelnag lanin’um kam par. Aram e fin ga be ga’nag e gechig rom ko Chirofen ni bayi m’ug e damumuw rok Got nge gechig nike turguy nib mat’aw.

Roma 3:5

Fa’an mang e ngongol nib kireb ni gadad be ngongliy e ir e be gagiyelnag feni mat’aw Got me ere mang e ku ra dogned? Gur fa’anra gechig nagdad Got ma nga dogned nike ngongliy ban’en nib kireb? (Gu be welthin nrogon e leam nma tay e girdi’.)

1 Korinth 10:4

ma yad gubin nra unumed fare ran ni yib ko fare war ni pi’ Got ni fa’an i un ngorad i yan, nre war nem e aram Kristus.

Deuteronomy 10:18

Ma guy ni nge par ni ngu’un ayuweg e pi’in kanim’ rorad nge pi’in keyim’ figirngirad; ma t’ufeg e milekag ni yad bay u fithik’ e girdi’ rodad mma pi’ ngorad e ggan nge mad.

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

Deuteronomy 32:18

Ra paged talin e Got rorad, nib gel gelngin ni i ayuwegrad u pa’ e pi to’ogor rorad, ni en ni pi’ e yafos ngorad.

Deuteronomy 7:9

Ri dab mpaged talin ni SOMOL ni Got romed e kemus ni ir e Got, ma rib yul’yul’. Bayi tay u gil’ fare m’ag nike ngongliy u thilmed nge Ir, mi i dag ngak reb e biyu e mfen e t’ufeg rok ni dabimus, ni pi’in ur pired nib t’uf SOMOL rorad ma yad be fol ko tin keyog ni ngu’ur rin’ed,

James 1:17

Ya urngin e tin ni bfel’ ni be pi’ Got ngodad nge urngin e tow’ath nrib manigil ma be yib u tharmiy ngodad, ni be yib rok Got nga but’, ni ir e sunumiy urngin ban’en ni be gal ram’en u lanelang. Mi ir e der ma thil, ma der pi’ keru’ ngodad ngad pired u fithik’ e lumor.

James 4:12

Kemus ni go’ Got e ir e ma pi’ e motochiyel ma ir e ma pufthin. Kemus ni ir e rayag rok ni nge faseg e girdi’ ara thang e pogofan ko girdi’. Ga be finey me gur mini’ ni ngam thibthibnag be’ ni gimew?

1 Peter 2:6

Ya babyor nib thothup e be ga’ar: “Kug mel’eg ba malang nri ba ga’ fan, ni ir e kug tay ni ir e re malang ni ba ga’ fan u Zion; ni en nra michan’ ngak e ri dabi kireban’.”

1 Samuel 2:2

“Dariy be’ nib thothup ni bod rogon SOMOL; dariy be’ ni bod Ir, dariy be’ nma yoror rodad ni bod e Got rodad.