Deuteronomy 32:10 - Bible Ni Thothup

¹⁰ “I piri’egrad ni yad be yanyan u daken e ted ni desert, ni bangi ted nder par be’ riy ma ba gel e nifeng riy. Me par ni ir e ke mang yoror ngorad ma be ayuwegrad, ni bod feni t’uf lan mit rok.

Deuteronomy 32:10 Σταυροειδείς Αναφορές

Ester 6:13

Me weliy ngak le’engin nge gubin fapi fager rok urngin ban’en ke buch rok. Ma aram me ga’ar le’engin ngak nge fapi fager rok ni yad ba gonop, “Irera’ tabolngin ni gimew be thil Mordekai be gel ma ga be me’waer. Ma fa’anra ba Jew, ma ri bayi gel ngom. Dabiyag ni ngam gel ngak.”

Psalms 107:40

me dag ngak e pi’in yad be gafgow nagrad ni dariy farad, me tayrad ngu’ur derawgad u daken e ted ndariy e kanawo’ riy.

Psalms 17:8

Mu ayuwegneg ni bod ni ga ma ayuweg e tir u marwam; mmithaggeg ko taglul’ u tan pom,

Proverbs 7:2

Mu rin’ e tin kugog ma ga fos; ngar mu guy rogon ngu’um fol ko machib rog ni bod rogon ni ga ma guy rogon ni ngu’um ayuweg lan owchem.

Tang Ko Pitang 8:5

Mini’ e re rugod ney ni be yib u daken e ted i yib, ni yow ba mokol pa’ef e en ni gamaren? U tan fare ke arfath e ug pugem riy, ko gin nni gargel nigem riy.

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Jeremiah 13:11

Ri bod feni machache’ e yu lay i zubong ney nga luknguy, e aram rogon ni u gu leamnag ni nge urngin e girdi’ nu Israel ngu Judah ni ngar chichi’iyed pa’rad rog. Gu rin’ ni aray rogon ya ngar manged tirog e girdi’ mu dakenrad e ngan pining e sorok riy ngog mi ni mathangeluwolnag fithingag; machane dar folgad rog.”

Jeremiah 2:17

Israel, i gur e kam girengiy e biney e pa’ nga dakenam! Ya mu pi’ keru’um ngog, I Gag SOMOL ni Got rom, fa ngiyal’ ni gu be pow’iyem i yan u daken e kanawo’.

Jeremiah 2:6

I m’ay fag u wun’rad, ni yugu aram rogon ni gu chuwegrad u tan pa’ yu Egypt nggu pow’iyrad i yan u daken e ted, u lan ba nam nib sug yungi desert riy nge bogi low, nib fengfeng ma ba sug ko maad’ad ndariy be’ nma par riy, ma der milekag be’ riy.

Ezekiel 16:5

Dariy be’ ni runguyem nge rin’ e pin’ey ngom. Nap’an nni gargelegem, ma dariy be’ ni gab t’uf rok. Non’em ngalan bang i tafelfel’.

Ezekiel 20:36

Ere chiney e bay ggechig nagmed ni bod rogon ni ggechignag e pi chitamangimed u lan e ted ni Sinai.” I SOMOL ni Th’abi Tolang e be non.

Hosea 11:3

Ni yug aram rogon ni gag e gu fil rogon e yan ngak Israel. I gag e ug dibeyrad e girdi’ rog, machane dar leam niged ni gag e gu chothowliyrad.

Hosea 13:5

Ug ayuwegmed u bangi ted ni desert.

Zekariah 2:12

Bay i sul bayay yu Judah nge par nib mal’eag nib milfan ngak SOMOL u lan e nam rok nib thothup, ma yu Jerusalem e bay i par ni fare binaw ni th’abi t’uf rok.

Zekariah 2:8

En nra bat nag bigmed e ke bat nag e n’en th’abi fel’ u wun’ug.” Ere SOMOL ni Gubin ma Rayag Rok e ke l’ogeg ni nggog e thin rok ko pi nam ni ur giliw niged e girdi’ rok:

Roma 2:18

ga manang e tin ni ba’adag Got ni ngam rin’, ma ke fil e Motochiyel ngom rogon ni ngam nang e tin nib mat’aw:

Roma 3:2

Ri ba ga’ fan, u gubin e kanawo’! Bin som’on e Got e pagfan e thin rok ngak piyu Israel.

Deuteronomy 1:19

“U da rin’ed e tin ni yog SOMOL ni Got rodad ngodad. Da chuwgad u daken fare Burey ni Sinai ngdarod u daken fare gi ted ni desert nib ga’ yang mab kandugwen i yan nga Amor ni go’ burey. Ma nap’an nda tawgad nga Kadesh Barnea,

Deuteronomy 1:31

ngu lan fagi ted ni desert. Kam guyed rogon ni fekmed i yib ngam mada’gad ngaray ndariy ban’en ni buch romed, ri bod rogon ba matam ni be fek ba pagel ni fak.’

Deuteronomy 4:36

I gagiyegnag nge yib laman u tharmiy ngomed ni fan e nge fonow nagmed ngam yal’uwgad, mu daken e fayleng e gagiyeg nagmed riy ngam guyed fare nifiy rok nib thothup, me par u fithik’ nge non ngomed.