Deuteronomy 30:4 - Bible Ni Thothup

⁴ Ni yug aram rogon ni weregmed ko yungin th’abi orel u fayleng, me SOMOL ni Got romed e bayi kunuymed nge fulwegmed,

Deuteronomy 30:4 Σταυροειδείς Αναφορές

1 Kings 8:34

ma ga motoyil ngorad u tharmiy, ma ga n’ag fan u wun’um e denen rok e girdi’ rom ngam fulwegrad ko re nam ney ni gur e mpi’ ngak pi chitamangirad ni kakrom.

2 Kronicles 30:9

Fa’an gimed ra sul ngak SOMOL, ma aram e pi’in ni ka ra feked e girdi’ romed ngabang ni bogi kalbus e yad ra runguy ya’arad ngar pagedrad ngar sulod nga taferad. I SOMOL ni Got romed e ba gol ma ba murunguy, ma fa’an gimed ra sul ngak, ma gimed ra fel’ u wan’.”

Nehemiah 1:9

Ma fa’an gimed ra sul ngog ngu’um folgad ko tin gog ngomed ni ngu’um rin’ed, ma gu ra fulwegmed ko gin gag e kug turguy ni ngu’un liyor ma yibe meybil ngog riy, ni yugu aram rogon ni kam wergad kam mada’gad ko gin ni mus e fayleng ngay.’

Isaiah 27:12

Rofen nem, e feng Got e girdi’ rok ni be’ nge be’ ni tabab u Eufrates ngeb ko mathil nu Egypt, ni bod e parde’ wheat nma ki’eg lemmun ko keru’.

Isaiah 43:6

Bay gog ko lel’och ni nge pagrad, mu gog ngak e yimuch ni nge dabi telrad. Ya pi nam nib orel e nge sul e girdi’ rog riy, ni gubin yang u fayleng ni ngar sulod riy.

Isaiah 48:20

Mu chuw u Babylon, mman nike puf rogom! Mu tolulnag murung’agen u fithik’ e felfelan’; muruwliy ngan nang u gubin yang: “I SOMOL e ke ayweg yu Israel ni tapigpig rok!”

Isaiah 62:11

I SOMOL e be weliy ko fayleng ni ga’ngin ni ngan rung’ag: “Mogned ngak e girdi’ nu Jerusalem ni Fare SOMOL e bayib ni nge thapegmed, Me fek e girdi’ nike lagrad ngar uned ngak.”

Jeremiah 31:8

Bay gu fekrad u lel’och ngaray, mu gu kunuyrad u tungun e fayleng i yib. Pi’in malmit nge pi’in mugutgut e bay ra uned ngorad ngarbad, nge ppin diyen nge tin ke chugur ni ngar gargel gad. Bay ra sulod ni kar manged ba nam ni ba ga’.

Jeremiah 8:3

Ma girdi’ ko re nam ni kireb ney ni magach nde yim’, ni yad be par ko yungi n’en ni kug weregrad riy, e ku yad ba’adag ni ngarm’ad ko bin ni ngar pired ni yad bfos. I Gag SOMOL ni Gubin ma Rayag Rok e gu be non.”

Ezekiel 36:24

Bay gu chuwegmed u gubin e nam mu gu fulwegmed ko nam romed.

Matthew 24:31

Ma fare rappa ni ba ga’ lungun e bay non, ma aram e bayi l’oeg e engel rok ko fa aningeg yangi n’en u fayleng nma thow e nifeng riy, ma aram miyad kunuy e girdi’ rok nike mel’egrad u baraba’ e fayleng nge yan i mada’ nga baraba’.

Mark 13:27

Ma bayi l’oeg e pi engel rok ngar kunuyed girdi’en Got nike mel’eg Got u lan e aningeg yangi n’en u fayleng ni ir e ma thow e nifeng riy u baraba’ e fayleng nge yan i mada’ nga baraba’.”

Deuteronomy 28:64

“Bayi weregmed SOMOL ko pi nam u baley e fayleng nge mada’ nga baley. Mu rom e bay um pigpiggad riy ngak e pi got nni ngongliy ko gek’iy nge malang, pi got ndawor mu meybilgad ngorad bi’id ma ku eritay e pi chitamangimed kakrom.