Deuteronomy 30:3 - Bible Ni Thothup

³ ma aram e SOMOL ni Got romed e bayi runguymed, bayi fulwegmed ngam chuwgad ko fapi nam ni weregmed riy, me gagiyeg nagmed nge fel’ rogomed bayay.

Deuteronomy 30:3 Σταυροειδείς Αναφορές

Genesis 28:15

Dab mu pag talin, ni bay ug un ngom ngu’ug yoror rom ko yungi n’en ni ga be yan riy, ma bay gu fulwegnem ko re nam ney. Dab gu pagem nge mada’ ko ngiyal’ ni kug ngongliy urngin e tin kugog ngom ni bay gu rin’.”

Genesis 48:21

Me ga’ar Israel ngak Josef, “Kam guy nike chugur ni nggum’, machane Got e bay i par rom, ma bayi fulwegnem ko nam rok e pi chitamam.

1 Kronicles 16:35

Nge lunguy ngak, “Got ni Tabyul romad mu ayuwegmad; mu kunuymad nga ta’bang; mu ayuwegmad u pa’ e pi nam, ya nge yag ni gu pininged e magaer magmad mathangeluwolnag fithingam nib thothup.”

Nehemiah 1:9

Ma fa’an gimed ra sul ngog ngu’um folgad ko tin gog ngomed ni ngu’um rin’ed, ma gu ra fulwegmed ko gin gag e kug turguy ni ngu’un liyor ma yibe meybil ngog riy, ni yugu aram rogon ni kam wergad kam mada’gad ko gin ni mus e fayleng ngay.’

BABYOR NI JOB 42:10

Tomuren nike meybil Job ni fan ngak fa dalip i tafager rok, me fal’eg SOMOL rogon Job bayay, I sulweg urngin ban’en ni immoy rok Job ngak ni ruw yay nike yo’ornag ke mun nga daken.

Psalms 107:3

ke chuwegmed ko pi nam ni gathi nam romed, ke fulwegmed u lan e ngek nge ngal, ngu lan e lel’och nge yimuch.

Psalms 147:2

I SOMOL e be fal’eg rogon yu Jerusalem ni nge sulweg nga rogon; be fulweg e girdi’ ni ur kalbusgad u bang.

Isaiah 27:12

Rofen nem, e feng Got e girdi’ rok ni be’ nge be’ ni tabab u Eufrates ngeb ko mathil nu Egypt, ni bod e parde’ wheat nma ki’eg lemmun ko keru’.

Isaiah 43:5

Dab mu rus, ya gu bay rom! “Bay gu fek e girdi’ rom i yib nga taferad, ni mus u lan e ngek nib mal’af nge yan i mus ngalan e ngal nib orel.

Isaiah 54:7

“Kug pagem u lan ba talab, bay gu fulwegem ngog ya ri gab t’uf rog.

Isaiah 56:8

SOMOL ni Th’abi Tolang ni fek e girdi’ rok nu Israel ni u ra kalbusgad u wuru’ e nam rorad nga taferad, e micheg ni bay ki fek boch e girdi’ nge chagiy ngorad.

Jeremiah 12:14

I SOMOL e be ga’ar, “Bay ban’en ni nggog u murung’agen e pi’in yad bbuguliyoror yu Israel ni yad e ka ra kireb niged fare but’ ni gu pi’ ngak e girdi’ rog nu Israel. Bay gu chuweg e pi’in kireb ko nam rorad ni bod ba ke pan nni pug, ma bay gu ayweg piyu Judah u pa’rad.

Jeremiah 23:3

Ma aram e bay gu kunuy e tin bayi magey ko girdi’ rog ko pi nam i yan ni gag e kug weregrad ngay, nggu fulwegrad ko nam rorad. Ma bay yib pifakrad ni pire’ ngar yo’or gad.

Jeremiah 29:14

Aram rogon ni kugog, gimed ra pir’egeg ma gu ra fulwegmed ko nam romed. Bay gu kunkunuymed u urngin e nam nge urngin yang ni ug weregmed riy, ma bay gu fulwegmed ko fare but’ ni ba’aram ni gu fekmed riy nggu pi’med nga Babylon. I Gag SOMOL e gu be non.’

Jeremiah 31:10

Be ga’ar SOMOL, “Mmotoyil gad e pi nam ngog mi gimed weliy e thin rog ko pi nam nib orel nib liyeg e day. I gag e gu wereg piyu Israel i yan, machane bay gu kunuyrad, mu gu matanagiyrad ni bod ba tagafaliy e saf ni be matanagiy e saf rok.

Lamentations 3:22

Fare t’ufeg rok SOMOL ni dabi m’ay nge marunguy rok e ku be ul ul i yan,

Lamentations 3:32

Yug bay i feke kireban’ i yib ngodad, machane t’ufeg rok ngodad e rib mich ma ba gel.

Ezekiel 11:17

“Ere mog ngorad e n’en ni gu be yog, I gag SOMOL ni Th’abi Tolang. Bay gu kunkunuyrad ko pi nam ni gu weregrad riy, nggu fulwegrad bayay ko fare binaw nu Israel.

Ezekiel 36:24

Bay gu chuwegmed u gubin e nam mu gu fulwegmed ko nam romed.

Ezekiel 39:28

Ma aram e bayi nang e girdi’ rog ni Gag SOMOL ni Got rorad. Yad ra nang e ren’ey ni bochan e gu pi’rad ngar kalbusgad ma chiney e kug kunuyrad kug fulwegrad ngalan e nam rorad, ni dab gu pag bagyad.

Mikah 7:19

Bay mu runguymad bayay. Ma bay mot’mot’ nga but’ e pi denen romad, ma ga pi’ nge yan nga t’ay e rigur!

Zekariah 10:9

Yug aram rogon ni gu pagrad ngar weargad ko pi nam i yan, machane yad ra leam nigeg u lan e pi nam nem nib palog. Yad nge pifakrad e yad ra fos ma bay ra sulod nga taferad u ta’bang.

Roma 11:23

Ma piyu Israel e fa’an yad ra pag e ren’en ni ba’aram nder mich Jesus u wun’rad, mra fulwegrad Got ko gin ni ur moyed riy, ya Got e rayag rok ni nge fulwegrad bayay.

Roma 11:26

Aray rogon ni bayi thap yu Israel ni polo’ ngak Got, ni bod ni be yog e babyor nib thothup ni be ga’ar: “En nma thapeg e girdi’ ngak Got e bayi yib u Zion, ma bayi chuweg urngin e wok nge tafinay nib kireb rok e pi’in yad owchen Jakob.

Roma 11:31

Ere ku errogon nike runguymed Got ma dakir fol piyu Israel rok, ni fan e ngki runguyrad Got e chiney.

Deuteronomy 13:17

Dab mu cha’riyed ban’en ni ngam faned ko fapi chugom ni kan turguy ni ngan gathey, nge yag ni pi’ SOMOL keru’ ko damumuw rok nrib gel nge dag e runguy rok ngomed. Bayi runguymed me yo’or nagmed, ni bod ni micheg ngak e pi ga’ romed ni kakrom.

Deuteronomy 4:27

I SOMOL e ra weregmed ko pi nam i yan, ri’in i gimed e ra magach nib fos.