Deuteronomy 3:8 - Bible Ni Thothup

⁸ “Ere ngiyal’nem e da feked rok fa gali pilung nu Amor fare nam ni bay nga ba’ ni ngek fare lul’ ni Jordan, ni tabab ko lul’ ni Arnon me yan i mada’ ko burey ni Hermon. (

Deuteronomy 3:8 Σταυροειδείς Αναφορές

1 Kings 4:19

Geber nib mo’on ni fak Uri: nug nu Gilead, niki i gagiyegnag Sihon ni Pilung nu Amor nge Og ni Pilung nu Bashan Ragag nge l’agruw i girdi’ ney, machane kabay reb e governor ni ir e ga’ u ga’ngin e gi but’ ney.

1 Kronicles 5:23

Pi girdi’ u ba’ ni Ngek e Manasseh e ra pired u lan e gin nib milfan nga Bashan i yan ko lel’och nge mada’ nga Baal Hermon, Senir, nge Burey ni Hermon, ma kar yo’or ra yo’orgad.

Psalms 42:6

Kari kireban’ug u roy ko gin’ey ni gathi nam rog; ma aram me sulan’ug ngak. Ir e ke pi’ e pi n’ew ko gafgowan’ nga lanin’ug; be kumong lingan i yib ngog ni bod e sugbur, bod e pi thang’el ni ba dirra’ lingan ni be aw ngalan e lul’ ni Jordan ni be yib ko Burey nu Hermon nge Burey nu Mizar.

Psalms 89:12

gur e mu tay e lel’och nge yimuch; Burey ni Tabor nge Burey ni Hermon e yow be tang nigem u fithik’ e felfelan’.

Deuteronomy 4:47

Miyad kol e binaw rok ngar pired ngay nge fare binaw rok Og ni Pilung nu Bashan, ni fa binem e pilung ni i par ko ngek u Jordan.

Deuteronomy 4:48

Regi binaw ney e tabab ko fare binaw nu Aroer, u thathren e lul’ ni Arnon, me yan ko lel’och nge mada’ ko fare burey ni Sirion, (ni ku yima yog e Burey ni Hermon ngay.)

Joshua 12:1

Girdi’ nu Israel e ka’ ra gelgad kar tafned fare gi binaw ni bay ko ngek u Jordan, ni tabab ko loway nu Arnon me yan nga talang ko loway ni Jordan me yan i mus ko Burey ni Hermon. Ra gelgad ngak l’agruw e pilung.

Joshua 13:8

Ganong rok Ruben nge Gad nge baley ko ganong rok Manasseh e ke mu’ Moses i pi’ e binaw ni taferad, Moses ni ir e tapigpig rok SOMOL; pi yungi binaw nem e bay u ba’ ni ngek ko fare Lul’ nu Jordan.