Deuteronomy 3:6 - Bible Ni Thothup

⁶ Magdad gathey fa yochi binaw ni urngin, ma gadad thang e fan rok urngin e pumo’on, ppin, nge bitir, ni bod rogon nda rin’ed u lan fapi binaw rok Sihon ni Pilung nu Heshbon.

Deuteronomy 3:6 Σταυροειδείς Αναφορές

Numbers 21:2

Me micheg piyu Israel bbugithin ngak SOMOL ni lungurad, “Fa’an ga ra pi’ e pi girdi’ ney nga pa’mad ma ri gamad ra gathey e pi binaw rorad.”

Deuteronomy 1:4

Weliy ngorad u tomuren nike mael SOMOL ke gel ngak Sihon ni Pilung ko Amorite. Mi Sihon e ma par u lan e binaw nu Heshbon ngi i gagiyeg. Ma ku er rogon Og ni Pilung nu Bashan, ni i gagiyeg u lan e binaw nu Ashtaroth ngu Edrei.

Deuteronomy 2:24

“Nga tomuren ni kad th’abed yu Moab nga barba’, me ga’ar SOMOL ngodad, ‘Chiney e mmarod ngam th’abed fare lul’ ni Arnon. Kug pi’ Sihon ni Pilung nu Heshbon ngalan pa’med nib mu’un e nam rok ngay. I ir fare pilung rok e pi Amorite. Mu chamgad ngak mi gimed fek tafen ngam pired ngay.

Deuteronomy 2:34

Ma ku ireram e ngiyal’ nda koled nga da gatheyed urngin e pi binaw rok, ma gadad thang e pogofan rok urngin e pumo’on, nge ppin, nge bitir. Dariy be’ nda paged ni kabfos.

Deuteronomy 29:6

Dariy e flowa ni um ked, ara wayin nge biya ni um unumed, machane urngin e tin nib t’uf romed ma i pi’ SOMOL ngomed, ni bochan e ngam filed riy ni ir e Got romed.

Deuteronomy 3:2

Me ga’ar SOMOL ngog, ‘Dab mu rusgad ngak. Bay gu pi’ ngomed, nge pi salthaw rok, nge ga’ngin fare gi nug ni tafen. Ma n’en ni mu rin’ed ngak Sihon ni Pilung rok e pi Amorite ni i gagiyeg u Heshbon e ku aram e n’en ni ngam rin’ed ngak Og.’

Deuteronomy 3:5

Urngin e pi binaw ney ma yi go’ kan yororiy nib tolang, ni bay e pi garog riy, nge yu ley i dubchey ni yima man’nag e pi mban e garog nem ngay, nge ku boch e binaw ndariy e yoror riy.

Joshua 11:14

Girdi’ nu Israel e ra feked urngin e pin’en nib tolang puluwon nge gamanman u lan e pi binaw ney ngar cha’riyed ni nge milfan ngorad. Machane miyad thang e pogofan rok gubin e girdi’; ni dariy be’ nra paged nib fos.