Deuteronomy 3:5 - Bible Ni Thothup

⁵ Urngin e pi binaw ney ma yi go’ kan yororiy nib tolang, ni bay e pi garog riy, nge yu ley i dubchey ni yima man’nag e pi mban e garog nem ngay, nge ku boch e binaw ndariy e yoror riy.

Deuteronomy 3:5 Σταυροειδείς Αναφορές

Nehemiah 9:25

Girdi’ rom e ra koled e pi binaw ni ka ni yororiy ni fan ko mael, nge binaw nib yong’ol, nge naun nib sug ko machaf, nge luwed nike m’ay i ker, nge gek’iy ni olive, nge gek’iy ni yima kay wom’ngin, nge yungi woldug ni grapes. Mu ur ked urngin e tin yad ba’adag ni ngar ked ngar pired ni kar sugsuggad; mi i felfelan’rad ko urngin e pin’en ni bfel’ ni mu pi’ ngorad.

Ester 9:19

Irera’ fan ni pi Jew ni yad ma par u lan yuchi binaw nib achig e yad ma tay e rofen ni ragag nge aningeg e rran ko pul ni Adar ni yaran e falfelan’, nge mur, ma yad be thilyeg e tow’ath rorad ni ggan.

Numbers 13:28

Machane girdi’ riy e yad ba gel, ma pi binaw rorad e ri ba ga’ ma bfel’ rogon ni ka ni yororiy ni fan ko mael. Ma kug guyed e pi’in ni owchen fapi girdi’ ni gagang’ ma n’un’uw u rom.

Deuteronomy 1:28

Mangfan nthingar darod ngaram? Ni gadad be rus. Fapi pumo’on nda l’oegedyad e karogned ngodad ni pi girdi’ ni bay u rom e yad ba gel ma yad bn’uw ngodad. Ma pi binaw ni yad be par u langgin e go’ kan yororiy nrib tolang nga lanelang. Kar guyed e girdi’ u rom nib n’uw ma yad ba tagyet!’

Deuteronomy 3:4

Ma ku aram e ngiyal’ nda koled urngin e pi yochi binaw rok — dariy ta’reb e binaw rok nda paged. Nel’ i ragag u gubin e binaw nda koled — ni aram e ga’ngin yang yu Argob, ni gin i gagiyeg Og ni Pilung riy.

Deuteronomy 3:6

Magdad gathey fa yochi binaw ni urngin, ma gadad thang e fan rok urngin e pumo’on, ppin, nge bitir, ni bod rogon nda rin’ed u lan fapi binaw rok Sihon ni Pilung nu Heshbon.

Hebrews 11:30

Michan’ rok e girdi’ nu Israel ngak Got e muruwliy fare yoror nu Jeriko nge muchubu’ nga but’ u tomuren nike liyeg yu Israel ni nga medlip e rran.

1 Samuel 6:18

Ma ku er rogon e gol ni ya’an e boro’, nra reb ma pa’ reb fapi binaw ni fa lal i pilung ko pi Filistine e yad be gagiyegnag, ni pa’ e pi binaw ni ka ni yororiy ni fan ko mael nge pi binaw ndawor ni yororiy. Fare war ni ba ga’ ni bay u lan e flang rok Joshua nu Beth Shemesh, ni ir e ra feked fare Kahol ko M’ag rok SOMOL ngar ted nga daken e kabay u rom, ni ir e be micheg e ran’em.