Deuteronomy 3:24 - Bible Ni Thothup

²⁴ ‘SOMOL ni Th’abi Tolang, kugnang ni kam tabab i dag ngog feni sorom nge feni gel gelngim. Ya dariy ba got u tharmiy fa but’ nrayag rok ni nge ngongliy e pi maang’ang ni kam rin’!

Deuteronomy 3:24 Σταυροειδείς Αναφορές

2 Samuel 7:22

SOMOL ni Got, rib sorom! Dariy be’ ni bod gur; dakuriy yugu reb e Got nga bang, ya kemus ni gur, ni bod ni kug rung’aged.

2 Kronicles 6:14

Me meybil ni ga’ar, “SOMOL ni Got nu Israel, dariy e Got ni bod gur u ga’ngin e tharmiy ngu fayleng. Kam tay nga gil’ fare m’ag u thilmed e girdi’ rom u n’umngin nap’an ni yad be fol rom u polo’ i gumircha’rad.

Nehemiah 9:32

“Rib sorom, i gur Got ni Got romad! Ri ba ga’ madgum, ma rib gel gelngim! Ga be par nri gab yul’yul’ ko m’ag ni mu ngongliy u thilmed e girdi’ rom. Ngiyal’ ni gafgow nagmad e pi pilung nu Assyria ke mada’ ko chiney e ba gel e gafgow ni kug pired nga fithik’! Pi pilung romad, nge pi’in yad ma gafaliymad, nge pi prist nge pi profet romad, nge pi chitamangimad ni kakrom nge urngin e girdi’ romad nra gafgowgad. Mu leamnag gelngin e gafgow ni yib ngomad.

Psalms 106:2

Mini’ e rayag rok ni nge weliy gubin e pi maang’ang nike rin’. Mini’ e ra gaman e sorok ni nge pining ngak?

Psalms 145:3

I SOMOL e ba sorok, ma ri lr e thingar ni pining e sorok ngak; rogon feni sorok e dabi taw e leam ngay.

Psalms 145:6

Ma girdi’ e bay ur weliyed e pin’en nib sorom ni kam ngongliy, ma bay ug weliy rogon feni sorom ngan nang.

Psalms 150:2

Ngu’un pining e sorok ngak ko pin’en nib sorok nike rin’! Ngu’un pining e sorok ngak ya ir e ba th’abi sorok!

Psalms 35:10

Bayi lungug ngak SOMOL u polo’ i lanin’ug, “Dakuriy be’ ni bod gur. Ga ma yororiy e me’waer u pa’ e yargal, nge ba gafgow u pa’ e en ma gafgownag.”

Psalms 71:19

Got, fenam mat’aw e ke taw nga lanelang. Gur e kam rin’ bogi maang’ang; dariy be’ ni bod gur.

Psalms 86:8

A Somol, dariy reb e got ni bod gur, ma dariy reb nike rin’ e n’en ni kam rin’.

Psalms 89:6

SOMOL, dariy be’ u tharmiy ni bod gur; dariy reb e pi chon e tharmiy ni ta’reb rogon ngom.

Psalms 89:8

SOMOL ni Got ni Gubin ma Rayag Rok, dariy be’ ni bod fanam gel; A SOMOL, ga ba yul’yul’ u fithik’ urngin ban’en.

Exodus 15:11

“SOMOL, i mini’ u fithik’ e pi got e bod gur? I mini’ e bod gur nri gab thothup? I mini’ e rayag ni ngongliy e pi maang’ang me maruwel ni bod gur?

Exodus 8:10

Me ga’ar Farao ni pilung, “Mu meybil nigeg gabul.” Me ga’ar Moses, “Bay gu rin’ e n’en ni kamog, ma aram e bay mu nang ndakuriy reb e kan ni bod rogon SOMOL ni Got romad.

Exodus 9:14

Yaney e gathi go’ tolang rom nge girdi’ rom e gu ra gechignag, ya gab mu’un ngay, ma aram e bay mu nang ni dariy be’ ni bod gag u lan e re fayleng ney ni ga’ngin.

Isaiah 40:18

I mini’ e rayag ni ngan ta’rebnag ngak Got? Ra nga ni weliy rogon ya’an ma uw rogon?

Isaiah 40:25

I mini’ e rayag ni ngan ta’rebnag ngak Got nib thothup? Gur bay be’ ni bod ir?

Jeremiah 10:6

SOMOL, dariy be’ ni bod gur; I gur e th’abi gel gelngim, ma fithingam e ba mathangeluwol ma ba gel gelngin.

Daniel 3:29

“Ere chiney e nggog ni fa’anra non be’ u reb e nam, ara be’ u reb e racha’, ara be’ u reb e thin ni be darifannag fare Got rok Shadrak nge Meshak nge Abednego, ma nga ni popof pa’ nge ay min buthug e naun rok. Ya dakuriy yugu reb e got ngabang nrayag rok ni nge ayuweg e pogofan ni aray rogon.”

Numbers 23:23

Dariy ba mmotokan ara bmit e pig, Nra yib angin ko nam nu Israel. Chiney e bayi yog e girdi’ murung’agen yu Israel ni bayi lungurad, ‘Mu sapgad ko tin nike rin’ Got!’

Deuteronomy 11:2

Nge yib ngan’med e daba’ e n’en ni ka mu filed u raragon SOMOL u daken e tin kammarod u fithik’. I gimed, gathi pifakmed, e ke nang e pin’ey. I gimed e mu guyed feni sorok SOMOL nge feni gel nge feni gel gelngin,

Deuteronomy 3:23

“Re ngiyal’ i nem e gu meybil nib gel,

Deuteronomy 32:3

Bay ug pining e sorok nga fithingan SOMOL, ma girdi’ rok e bay ur weliyed feni sorok.