Deuteronomy 3:20 - Bible Ni Thothup

²⁰ Mu ayweged e tin kabay e girdi’ nu Israel nge taw ko ngiyal’ ni kar pired ko fare binaw ni nge pi’ SOMOL ngorad u ba’ ni ngal e lul’ ni Jordan. Ni aram e ke taw ko ngiyal’ nike tayrad SOMOL u rom ni ngar pired u fithik’ e gapas, ni bod nike rin’ u ba’ ney e lul’ ni fan ngomed. Ma aram e fin rayag ni ngam sulod ko re but’ ney ni kug pi’ ngomed.’

Deuteronomy 3:20 Σταυροειδείς Αναφορές

Numbers 32:18

Dab gu sulod nga tabinaw romad nge mada’ ko ngiyal’ nike milfan ngak e tin kabay e girdi’ nu Israel fa yung i binaw ni kan turguy ni ngar tafned.

Numbers 32:22

ma ke tafnay e binaw. Ma aram migmed sul, ni bochan e kam lebuguyed e maruwel romed ngak SOMOL nge ngak e pi’in gimed ni piyu Israel. Ma aram e bay i micheg SOMOL ni re gi but’ ney ko ngek u Jordan e gimed e tafenmed.

Deuteronomy 12:9

ya dawor mmarod ngalan fare nam ni SOMOL ni Got romed e nge pi’ ngomed, ni aram e gin nrayag ni ngam pired riy u fithik’ e gapas.

Deuteronomy 3:21

“Ma aram mu gog ngak Joshua e ngiyal’nem, ni lungug: ‘Kam guyed urngin e tin nike rin’ SOMOL ni Got romed ngak fa gali pilung, ni Sihon nge Og; ma ku bay i rin’ ni aram rogon ngak urngin e girdi’ ni bay mu koled e binaw rorad.

Joshua 1:15

ma nap’an ni bay ra koled e re nam nem nike pi’ SOMOL ni Got romed ngorad, ma aram e bay mu sulod ngam pired ko gi romed e binaw ni pi’ Moses ni tapigpig rok SOMOL ngomed ko gin’ey ni bay nga ba’ ni ngek e Jordan.”

Joshua 22:2

Me ga’ar ngorad, “Go’ kam rin’ed urngin e tin keyog Moses ni tapigpig rok SOMOL ngomed ni ngam rin’ed, ma go’ kam folgad u gubin e tin gog.

Joshua 22:4

Ere chiney e ke pi’ SOMOL ni Got romed e toffan ngak walagmed ni piyu Israel, ni bod rogon ni micheg. Ere mu sulod nga tafenmed ko fare but’ ni gimed be yog ni tafenmed, fare nam u ba’ ni ngek e Jordan, ni Moses ni tapigpig rok SOMOL e pi’ ngomed.

Joshua 22:8

ni ga’ar ngorad, “Mu sulod nga tabnaw romed ni kari fel’ rogmed, nike yo’or e garbaw romed, nge silber, nge gol, nge bronze, nge wasey, nge mad ni yo’or; mu f’othed rok pi walagmed e pin’en ni kam feked ko pi to’ogor romed.”

Joshua 22:9

Are girdi’ ko fapi ganong rok Ruben, nge Gad, nge ba’ ni Ngek e ganong ko Manasseh e rsulod nga tabnaw. Ra paged e tin kabay e girdi’ nu Israel u Shiloh u lan fare nam nu Kanaan ngar sulod i yan ko gin taferad, ni fare nam nu Gilead, nra koled ni bod ni yog SOMOL ngorad u l’ugun Moses.