Deuteronomy 3:2 - Bible Ni Thothup

² Me ga’ar SOMOL ngog, ‘Dab mu rusgad ngak. Bay gu pi’ ngomed, nge pi salthaw rok, nge ga’ngin fare gi nug ni tafen. Ma n’en ni mu rin’ed ngak Sihon ni Pilung rok e pi Amorite ni i gagiyeg u Heshbon e ku aram e n’en ni ngam rin’ed ngak Og.’

Deuteronomy 3:2 Σταυροειδείς Αναφορές

2 Kronicles 20:17

Gathi gimed e ngam chamgad u fithik’ e re mael ney, kemus ni ngam fal’eged rogomed nga tagil’med mi gimed son; bay mu guyed ni SOMOL e nge gel nagmed. Girdi’ nu Judah ngu Jerusalem dab mtuntungad fa mu rusgad. Mmarod ko mael, ma bayi un SOMOL ngomed!”

Isaiah 41:10

Dab mu tamdag, ya gu bay rom. I Gag e Got rom, dariy ban’en ni nga mu rus ngay. Bay gu gel nigem mu gu ayuwegnem; bay gu yoror rom mu gu ayuwegnem nga pa’ag nib gel.

Isaiah 43:5

Dab mu rus, ya gu bay rom! “Bay gu fek e girdi’ rom i yib nga taferad, ni mus u lan e ngek nib mal’af nge yan i mus ngalan e ngal nib orel.

Numbers 14:9

Dab mu togopluwgad ngak SOMOL, ma dab mu rusgad ngak e girdi’ ni be par u rom. Rib mom ni gadad ra gel ngorad. I SOMOL e ba’ rodad ma ke gel ngak e pi kan ni be yoror rorad; ere dab mu rusgad.”

Numbers 21:34

Me ga’ar SOMOL ngak Moses, “Dab mu tamdag ngak. Ya kug pi’ ngom ni ngam gel ngak, nge urngin e girdi’ rok, nge binaw rok; mu rin’ ngak e n’en nim rin’ ngak Sihon, ni fare pilung ko Amor ni i gagiyeg u Heshbon.”

Acts 18:9

Me reb e neap’ mi ni piliyeg e changar rok Paul me ga’ar Somol ngak, “Dab mu tamdag, ma dab mu tal ko machib ma dab mu pag,

Acts 27:24

me ga’ar, ‘Paul, dab mu rus! Ya thingar mman mu sak’iy nga p’eowchen e en ni Emperor nu Roma; ya Got ni bfel’ laniyan’ e ke pi’ e pogofan rok e pi cha’ney ni yad gubin ngom ndab ra m’ad, ni pi girdi’ ney ni gimed be yan u barkow.’

Deuteronomy 20:3

‘Pumo’on nu Israel, mmotoyilgad! Daba’ e ngam marod ko mael. Dab mu rusgad ngak e to’ogor romed, fa mulan’med, fa wagagey lanin’med.

Deuteronomy 3:1

“Ma gadad yan u rom ko lel’och ni gadad be sor i yan nga Bashan. Me yib Og ni Pilung nu Bashan ni yad e pi salthaw rok ni cham ngodad u charen fare binaw nu Edrei.

Deuteronomy 3:11

I Og ni Pilung nu Bashan e ir e magey ko girdi’ ni Refaim. Kahol rok e ni ngongliy ko malang ni nel’ e fit radan ma ba chugur ni nge gaman e ragag nge aningeg e fit n’umngin, nrogon ni kan turguy ko fol e ngiyal’nem. Ku rayag ni ngan guy e chiney u lan e binaw nu Rabbah ni tafen e pi Ammonite.)

Deuteronomy 3:3

“Ma aram miki pi’ SOMOL Og ni Pilung nu Bashan nge pi girdi’ rok ngalan pa’dad, magdad thang e pogofan rorad ni yad gubin.

Joshua 10:8

Me ga’ar SOMOL ngak Joshua, “Dab mu rus ngorad, ya kug duwgiliy ni gur e ngam gel. Dariy ta’bagayad nrayag rok ni nge talegem.”

Revelation 2:10

Dab mu rus ko n’en ni bay mu gafgow riy. Mmotoyil ngog! I mo’onyan’ e bayi sikengnagmed ya bayi gagiyegnag nga nin’ boch i gimed nga kalbus; ma gafgow ni nge yib ngomed e bayi par ni ragag e rran. Ere ngam yul’yul’ ngog ni mus ni fa’anra ngan thang e fan rom, ma aram mu gu pi’ e te’eliyaw ko yafos ngom.