Deuteronomy 3:17 - Bible Ni Thothup

¹⁷ Mu ba’ ni ngal fare gi binaw ntaferad e yan nge mada’ ko lul’ ni Jordan, ni tabab u lan e lel’och ko lipath ni Galilee. Me yan ko yimuch nge yan i taw ko Dead Sea, me yan ko ngek nge mada’ nga enggin fare burey ni Pisgah.

Deuteronomy 3:17 Σταυροειδείς Αναφορές

Genesis 13:10

Me chachangar Lot me guy nre loway ni ba’aram ni bay e lul’ ni Jordan riy nge yan nge mada’ nga Zoar, e bpire’ e ran ni bay riy ni bod fa gi woldug rok SOMOL, fa bod e nam nu Egypt. (Fa ngiyal’nem ndawori kirebnag SOMOL fa gali binaw nu Sodom ngu Gomorrah.)

Genesis 14:3

Lal i pilung ney e ra chaggad miyad ulunguy e salthaw rorad ngalan e Loway u Siddim, ni aram yu Dead Sea e chiney.

2 Kings 14:25

Miki sulweg u fithik’ e mael urngin e yungi binaw ni tafen yu Israel, ni tabab u Hamath Pass u lane lel’och me yan i mada’ ko fare gi day ni Dead Sea ko yimuch. Irera’ e n’en ni micheg SOMOL ni Got rok yu Israel u l’ugun e tapigpig rok i Jonah ni profet nib mo’on ni fak Amittai nu Gath Hefer.

Ezekiel 47:8

Me ga’ar ngog, “Re ran ney e be yan u daken e nam nib sor ko ngek nge log ngalan e Loway nu Jordan nge yan ko day ni fithingan e Dead Sea. Nap’an nra lul’ ngalan e Dead Sea, me yin’ luwan e day nge kak’lingnag e ran riy.

Numbers 23:14

Me fek ngranow nga daken bangi flang u Zofim ni bay u p’ebgul e Burey ni Pisgah. Miki ubung medlip e altar u rom, mra reb fapi altar miki maligachnag reb e garbaw ni pumo’on nge reb e saf ni pumo’on u daken.

Luke 5:1

Bay ba yay nib sak’iy Jesus u dap’e ran ko lipath nu Gennesareth ma be apinpin e girdi’ i yib ngak ngam’on ni ngar motoyilgad ko thin rok Got.

Deuteronomy 4:49

Ki un ngay ga’ngin yang e nug u ba’ ni ngek fare Lul’ nu Jordan nge yan i yan ngalan e yimuch nge mada’ ko Dead Sea me yan ko ngek nge tun nga enggin e burey ni Pisgah.

Joshua 12:3

mu’un fare Loway ni Jordan ngay ni tabab ko lel’och ko Lipach nu Galilee nge mada’ nga Beth Jeshimoth (bay ko ngek ko Dead Sea) me yan u rom nga enggin e Burey ni Pisgah.

Joshua 13:27

Mu lan e Loway ni Jordan e kub mu’un yu Beth Haram ngay, ngu Bethnimrah, ngu Sukkoth, ngu Safon, nge gin ni kabay nma gagiyegnag Sihon ni Pilung nu Heshbon. Ma mathil rorad ko ngal e fare Lul’ ni Jordan me yan ko lel’och nge mada’ ko Lipath nu Galilee.

Joshua 15:2

Re mathil ney ko yimuch e yan u ley ni yimuch ko fare gi day ni Dead Sea,

Joshua 15:5

Ma mathil ko ngek e fare gi day ni Dead Sea fithingan, me yan i mada nga p’ebgul ni gin i tabab e lul’ riy ngafini yib i po’ nga langgin e Jordan. Fare mathil ko lel’och e aram e gin ni tabab riy,

Joshua 18:19

me yan nge pag p’ebgul e burey nu Beth Hoglah u lan e lel’och, me yan i mus nga lel’och ko fa gi day ni Dead Sea fithingan, ko gin ni yib fare Lul’ ni Jordan i po’ nga langgin. Irera’ e mathil ko yimuch.

Joshua 19:35

Pi binaw ni kan yororiy ni fan ko mael e yu Ziddim, Zer, Hammath, Rakkath, Kinnereth,

Joshua 3:16

me tal e ran ko fare lul’ ndaki yan me mukun u p’ebugul e lul’ u Adam, ni fare binaw ni bay u to’oben yu Zarethan. Ma fare ran ni be yan ko re lul’ nem ngalan e Dead Sea e tal ndaki yan, me th’ab e girdi’ fare lul’ nga baraba’ u bang nib chugur nga Jeriko.