Deuteronomy 3:11 - Bible Ni Thothup

¹¹ I Og ni Pilung nu Bashan e ir e magey ko girdi’ ni Refaim. Kahol rok e ni ngongliy ko malang ni nel’ e fit radan ma ba chugur ni nge gaman e ragag nge aningeg e fit n’umngin, nrogon ni kan turguy ko fol e ngiyal’nem. Ku rayag ni ngan guy e chiney u lan e binaw nu Rabbah ni tafen e pi Ammonite.)

Deuteronomy 3:11 Σταυροειδείς Αναφορές

Genesis 14:5

Me yan ngalan e bin ragag nge aningeg e duw me yib Kedorlaomer nge pi pilung ni kar chaggad ngak nge salthaw rorad ngar gelgad ngak piyu Refaim ni bay u lan yu Ashterothkarnaim, nge piyu Zuzim ni bay u lan yu Ham, nge piyu Emim ni bay u daken bangi binaw nib tagapas ni kanog yu Kiriathaim ngay,

Genesis 6:15

Ngam toy ni 450 e fit n’umngin, ma medlip i ragag nge lal e fit radan, ma aningeg i ragag nge lal e fit tolngin.

2 Samuel 11:1

Me yib reb e duw ko ngiyal’ ni ba’aram ni ba ga’ nma yan e pilung ko mael, me pi’ David Joab nge yan, nge pi tolang ni bay nga tan pa’, nge salthaw nu Israel; miyad cham piyu Ammon ngar gelgad ngorad miyad m’ag e mael ko binaw nu Rabbah. Me par David u Jerusalem.

2 Samuel 12:26

Ma ngiyal’nem e ka be togopluw Joab ngak yu Rabbah, ni aram e binaw ko pilung nu Ammon, ma ke chugur ni ngekol e re binaw nem.

Jeremiah 49:2

Machane bayi taw nga bingyal’ ni bay gu gagiyegnag nge rung’ag e girdi’ ko fare binaw ni tochuch u Rabbah lingan e mael, bay ni pag yu Rabbah nike mogoth ni yochi binaw riy e kan urfiy nga but’. Ma aram e yu Israel e bay ra sulwegned taferad u pa’ e pi’in ra feked.

Ezekiel 21:20

Reb e be dag ngak fare pilung e wo’ ngak piyu Ammon ko binaw u Rabbah, ma reb e be dag bpa’ ni sor nga Judah, ko fare binaw nu Jerusalem ni kan yororiy.

Ezekiel 25:5

Fare binaw romed nu Rabbah e bay gu tay ni tafen e kamel, ma ga’ngin fare binaw nu Ammon e bay i tafnay e saf, ma aram e bay mu nanged ni Gag fare SOMOL.

Amos 1:14

Ere bay gu tay e nifiy ko pi yoror nu Rabbah nge mo’oruf e pi naun ni bay riy ni ka ni ngongliy rogon ni fan ko mael. Bay un tolul ko rofen ni yibe mael, me achangiy fare cham ni gowa bang i yoko’.

Amos 2:9

“Ni yugu aram rogon ni gag e gu li’ e yu Amor ni bochrad, ni bogi pumo’on ni bod feni n’un’uw e gek’iy ni cedar, ma yad bod feni gel e gek’iy ni oak. Go’ gu li’rad ngarm’ad.

Deuteronomy 2:11

Ma ku yad bod e Anakim ni ku yima yog ni yad e Refaim; machane piyu Moab e yad ma pining e Emim ngorad.

Deuteronomy 2:20

Re gin’ey e ku yi manang ni tafen e Refaim, ni aram fithingan e pi girdi’ ni urpired u rom. Machane pi Ammonite e yad ma pining e Zamzummim ngorad.

Joshua 12:4

Ku ra gelgad ngak Og ni Pilung nu Bashan, ni ir reb e tin tomur ko pi Refaim ni magach; ni i gagiyegnag yu Ashtaroth nge yu Edrei.

Joshua 13:12

Bmu’un e gin ni gil’ilungun Og ni Pilung ngay, ni ir e en tomur ni magach ko pi Refaim, niki i gagiyegnag yu Ashtaroth ngu Edrei. I Moses e ke gel ngak e pi girdi’ ney ke tulufrad nga wuru’ e re gi but’ ney.

Revelation 21:17

Miki foleg fare engel e yoror ko fare binaw, ma l’agruw mir’ay nge ragag nge nel’ e fit tolngin, ni bod rogon e fol ni yima fanay, ni ir e yibe maruwel ngay.

1 Samuel 17:4

Me yib be’ nib mo’on ni Goliath fithingan ko gin be par e salthaw rok e pi Filistine riy, ni be’ ko binaw nu Gath, nma non e pi Filistine nga daken, ni be’ nib pag e mereb e fit n’umngin