Deuteronomy 27:6 - Bible Ni Thothup

⁶ ya gubin e altar ni gimed ra ubung ni fan ngak SOMOL ni Got romed e thingar ni fanay e malang ngay ndan puy. Arame gin ngam pi’ed riy fapi maligach ni mo’oruf,

Deuteronomy 27:6 Σταυροειδείς Αναφορές

1 Kings 6:7

Ma pi malang nni fanay ko Tempel e kem’ay i ngongliy rogon ko gin nni ker riy, ere ntoy e Tempel nde yan lingan e ama fa tow ara yugu reb e talin e maruwel ni wasey.

Exodus 20:25

Ma fa’an gimed ra ngongliy e altar rog ko malang, ma dab mu flaged ko malang ni kan puy, ya fa’an gimed ra fanay e talin e maruwel ni chisel ngay ma aram e kam alit niged.

Efesus 5:2

T’ufeg e thangri mang ir e i gagiyegnag e ngongol romed, ni bod rogon Kristus ni gadad ba t’uf rok me pi’ e pogofan rok ni bochdad, nike mang maligach ni bfel’ bon u daken e altar ni ir e mm’agan’ Got ngay.

Deuteronomy 27:5

Mi gimed ubung ba altar u rom ko malang ni dab mu marweliyed nga ba talin e maruwel ni wasey,

Deuteronomy 27:7

ma ku aram e gin ngu’um ogniged mi gimed kay e pi maligach ney ni nge gapaseg thilmed Got, ma gimed be pining e magaer u p’eowchen SOMOL ni Got romed.