Deuteronomy 27:1 - Bible Ni Thothup

¹ Me ga’ar Moses nge pi tayugang’ nu Israel ngak fapi girdi’, “Ngu’um folgad ko urngin e tin kugogned ngomed e daba’.

Deuteronomy 27:1 Σταυροειδείς Αναφορές

1 Kronicles 28:8

“Ere gimed e pi girdi’ rog, chiney u p’eowchen e Got rodad nge re ulung ney ni ga’ngin yu Israel, ni girdi’en SOMOL, gu be teg ngomed ni ngrim folgad u gubin ban’en nike yog SOMOL ni Got rodad, ya nge yag ni ngkum pired u daken e re nam ney nib manigil me yag ni mpi’ed nga pa’ e tin bay feni yib e mfen ndariy n’umngin nap’an.”

Psalms 78:7

Ni aray rogon ma aram e bay ra ted e pagan’ rorad nga daken Got ma dab ra paged talin e n’en ke rin’, ma gubin ngiyal’ ni bay ra ted u gil’ e tin ke ta’chiylen.

Luke 11:28

Machane me fulweg Jesus ni ga’ar, “Ri kab felan’ e pi’in kar rung’aged e thin rok Got ma kar pired ni yad be fol riy!”

John 15:14

Ma gimed e pi tafager rog, ni fa’an gimed ra rin’ e tin kug ning chiylen ngomed.

Deuteronomy 1:1

Irera’ fapi thin ni yog Moses ngak urngin e girdi’ nu Israel u ba’ ni ngek e lul’ ni Jordan u daken e ted u Arabah ni bay u charen yu Suf, ma bay yu Paran nga baraba’, ma bay yu Tofel, nge yu Laban, nge yu Hazeroth, nge yu Dizahab nga baraba’.

Deuteronomy 11:32

ma nopa’med nri gimed ra fol u gubin e pi motochiyel ney ni kug pi’ ngomed e daba’.

Deuteronomy 26:16

“I SOMOL ni Got romed e be yog ngomed ni ngu’um folgad u urngin e pi motochiyel rok; ere um folgad riy u fithik’ e yul’yul’ u polo’ i gum’ircha’med nge lanin’med.

Deuteronomy 26:19

Bayi gagiyeg nagmed nge gilbuguwmed ngak urngin e pi nam ni ir e sunumiy. Ma bay um pired ni gimed e girdi’ rok nib thothup ni bod ni micheg ngomed, ma bay um pininged e sorok ngak mi gimed be mathangeluwolnag fithingan.”

Deuteronomy 27:2

Re rran ni gimed ra th’ab fare lul ni Jordan ngam marod ngalan fare nam ni bayi pi’ SOMOL ni Got romed ngomed, e gimed ra n’uf u rom yu raba’ i malang nib ga’, mi gimed achey ko wech,

Deuteronomy 6:17

Ngar mu guyed rogon ngu’um folgad u urngin fapi motochiyel nike pi’ ngomed.

James 2:10

Ya en nra th’ab ta’reb e motochiyel ko fapi Motochiyel e ke kireb e rok, ni aram e ke th’ab fapi motochiyel ni gubin.