Deuteronomy 26:8 - Bible Ni Thothup

⁸ Gelngin nib gel e maruwel ngay nge chuwegmad u pa’ yu Egypt. I ngongliy bogi maang’ang nge bogi n’en ni un ngat ngay me gagiyegnag bogi n’en nge yib nib gel e marus ni un tay riy.

Deuteronomy 26:8 Σταυροειδείς Αναφορές

Exodus 12:37

Piyu Israel e ra chuwgad u Rameses ngranod ni yad be nameg yu Sukkoth. Urngin e pumo’on e gonapan 600,000 nranod u but’, nda nthe’eg e ppin nge bitir.

Exodus 12:41

Rofen ni gaman e 430 e duw ngay e gubin e ganong rok SOMOL nra chuwgad u Egypt.

Exodus 12:51

Ma karofen nem me fek SOMOL fapi ganong nu Israel nga wuru’ yu Egypt.

Exodus 13:3

Me ga’ar Moses ngak fapi girdi’, “Ngam ted u wun’med e rofen ney — irera’ e rofen nim chuwgad u lan yu Egypt ko gin um sibgad riy. Ya re rran ney e maruwel SOMOL nga gelngin nib gel nge fekmed nga wuru’ fare binaw. Dab mu koyed e flowa ni bay e is riy.

Exodus 6:6

Ere ngamog ngak piyu Israel ni gu be ga’ar ngorad, ‘I gag SOMOL, e bay gu lagmed u tan gelngin e sib ni gimed be tay u Egypt. Bay gu pug pa’ag ngalang nib gel gelngin nggu pi’ ba gechig nib gel nga dakenrad, ma aram mu gu aywegmed.

Isaiah 63:12

Bu uw SOMOL, ni rin’ u gelngin bogi maang’ang u pa’ Moses, i sey e day u maday me gafaliy e girdi’ rok u t’ay e regur ya nge gilbuguwan SOMOL ndariy n’umngin nap’an?”

Jeremiah 32:21

I rus e to’ogor romad ko maang’ang nge tin un ngat ngay, ya um maruwel nga gelngim nib gel ngam fek e girdi’ rom nu Israel nga wuru’ yu Egypt.

Deuteronomy 34:11

Ma dariy yugu reb e profet ni ngongliy e maang’ang nge pin’en ni un ngat ngay ni bod e tin ni l’oeg SOMOL Moses nge ngongliy nib togopluw ngak e pilung nu Egypt nge pi tolang ni bay u tan pa’, nge nam rok ni ga’ngin.

Deuteronomy 34:12

Dariy reb e profet ni yag rok ni ngongliy e maang’ang ni ba ga’ nge pin’en nib gel e marus riy ni bod ni rin’ Moses u p’eowchen yu Israel.

Deuteronomy 4:34

Ka’ e yigi yan reb e got i fek e girdi’ u reb e nam ngar manged girdi’ rok, ni bod ni rin’ SOMOL ni Got romed ngomed u lan e nam nu Egypt? U p’eowchemed e maruwel Got riy nga gelngin nib gel nge yib e gafgow nge mael, me ngongliy e maang’ang nge tin yira ngat ngay, me k’aring boch ban’en nge yib ni ba gel e marus riy.

Deuteronomy 5:15

Ngi i par u wun’med ni um moyed ni gimed e sib u Egypt, me Gag SOMOL ni Got romed e gu lagmed u gelngig nib ga’ mab gel. Aram fan ni kug taychilen ngomed ni ngam tedfan e re rran ney ni Sabbath.