Deuteronomy 24:19 - Bible Ni Thothup

¹⁹ “Nap’an ni gimed ra kunuy wom’ngin e woldug romed mi gimed pag talin boch u milay’ ni ka mmu’gad i th’ab, ma dab ku mu sulod ngay; ngan pag ni fan ngak e milekag, nge pi’in kanim’ rorad, nge pi’in nike yim’ figirngirad, ma SOMOL ni Got romed e bayi fal’eg wa’athmed u gubin e tin bay mu rin’ed.

Deuteronomy 24:19 Σταυροειδείς Αναφορές

BABYOR NI JOB 42:12

Me fal’eg SOMOL wa’athan Job nike mun daken e flaab ni pi’ ngak nga rogon ko som’on. I Job e yan i pan ni 14,000 e saf rok, ma 6,000 e kamel, ma 2,000 e garbaw, ma 1,000 e dongki.

Psalms 112:9

Ba gol ngak e pi’in ke t’uf e ayuw rorad, ma feni gol e der ma thil; bayi gel gelngin ngu’un tayfan.

Proverbs 14:21

Fa’anra ga ba’adag ni ngam felfelan’ ma ngam gol ngak be’ ni dariy ban’en rok; ya ba denen ni ngam dabuy be’.

Proverbs 19:17

Ga ra pi’ ban’en ngak e gafgow, ma bod ni SOMOL e ka mu pi’ ngak, ra sulweg SOMOL puluwon ngom.

Isaiah 32:8

Machane be’ nib yul’yul’ e be ngongol u fithik’ e yul’yul’ ma be tay ir ko tin nib mat’aw.

Levitikus 23:22

Fa’an gimed ra t’ar wom’ngin e woldug romed, ma dab mu th’abed e grain ni bay u marichlen e milay’ romed, ma dab mu sulod ngam th’abed e grain ni mpaged; ngam paged nge kay e girdi’ ni gafgow nge girdi’ u yugu boch e nam ni yad be par u fithik’med. I SOMOL e Got romed.

Luke 6:35

Aram e danga’! Nge t’uf romed e pi to’ogor romed mi gimed rin’ e tin ni bfel’ ngorad; ra ning be’ ban’en ngomed ni nge maruwel ngay mi gimed pi’ ma dab mu leam niged ban’en ni nge pi’ riy ngomed. Ya bay labgen ni ba ga’ nra fulweg Got ngomed, ma gimed pifak Got nib Th’abi Tolang. Ya Got e ba gol ngak e pi’in ndarir pininged e magaer ngak nge pi’in nib kireb.

Luke 6:38

Mu golgad ngak e girdi’ me gol Got ngomed: nra pi’ ngomed nge yan i mus ngarogon e fol riy u wan’, nra map’ nga pa’med ni pire’ — nge sugsug pa’med riy. Ya re fol ni ga ra pi’ ngak be’ e ireram e re fol nra pi’ Got ngom.”

Deuteronomy 14:29

Pi ggan ney e fan ngak e pi Levite, ya dariy e binaw ntaferad, ma ku fan ngak e milekag, nge bitir ni kanim’ rorad, nge pi’in ke yim’ figirngirad ni yad ma par u lan e binaw romed. Pi cha’ney e ngarbad ra feked oren e tin bt’uf rorad. Mu rin’ed ni aray rogon mra fal’eg SOMOL ni Got romed wa’athmed u gubin ban’en ni gimed be rin’.

Deuteronomy 15:10

Mu pithiged pa’med riy ngam pi’ed ngak ni bfel’ u wun’umed, ma aram e ra fal’eg SOMOL wa’athamed ko urngin e tin gimed ra rin’.

Deuteronomy 24:18

Dab mu paged talin ni um manged sib u Egypt me chuwegmed SOMOL ni Got romed u rom; aram fan ni ku gu taychilen e pi thin ney ngomed.

Deuteronomy 26:13

ma nge lungum ngak SOMOL, ‘Dariy reb fa pin’en ni nggu pi’ ngom nike magey u naun rog; ya kug pi’ ngak e pi Levi, nge milekag, nge pi bitir ni kanim’ rorad, nge ppin nike yim’ figirngirad, ni bod ni mog ngog ni nggu rin’. Dawor gu pag ma ku dawor gu pag talin e tin mog ni murung’agen ragag e pasent ko ggan nike yag ko woldug rog.

Ruth 2:16

Mu girngiyed yu pa’ e grain u fithik’ e tin kam thum niged ngam paged nge yib i fek; ma dab mu puwan’gad ngak.”

Ruth 2:2

Me ga’ar Ruth ngak Naomi, “Mu pageg nggu wan nga milay’ nggu kunuy wom’ngin e barley nike pag girdi’en e maruwel ndar feked. Gu manang nra gu pir’eg reb e mo’on nra pageg nggu maruwel rok.” Me fulweg Naomi ni ga’ar, “Fakag, mman.”