Deuteronomy 23:4 - Bible Ni Thothup

⁴ Ni bochan e pi girdi’ ney e dar pi’ed e ggan nge ran ngomed ko fare ngiyal’ i n’em ni gimed be yib i yib nga wuru’ yu Egypt. Ma ku bochan e ra pi’ed puluwon Balaam, nib mo’on ni fak Beor ni be’ ko fare binaw nu Pethor u Mesopotamia, ni nge bucheg wa’athmed.

Deuteronomy 23:4 Σταυροειδείς Αναφορές

1 Kings 18:4

ere nap’an ni be thang Jezebel e pogofan ko pi profet rok SOMOL, me mithag Obadiah ra’ay i yad ngalan e yiy, nra reb e yiy me tay wugem i yad ngay mi i pi’ e ggan nge garbod ngorad.

Ezra 9:1

Nga tomuren ni go’ kan rin’ urngin e pin’ey, me yib boch fapi tayugang’ rok e girdi’ nu Israel rogned ngog ni girdi’, nge prist, nge pi Levite e de yag nra ki’egged yad nga orel rok e girdi’ ko pi nam ni yad ba chuchugur ngorad ni aram yu Ammon, Moab, ngu Egypt ara rok e pi Kanaanite, Hittite, Perizzite, Jebusite, nge pi Amorite. Yad be rin’ e pin’en nib sonogor nma rin’ e pi girdi’ ney.

Nehemiah 13:2

Fan e ren’ey e bochan e pi girdi’ nu Ammon ngu Moab e dar pi’ed e ggan nge ran ngak piyu Israel nnap’an ni yad beyan i yan nga wuru’ yu Egypt. Ya n’en nra rin’ed e ra pi’ed puluwon Balaam ni salpiy ni nge bucheg wa’athan yu Israel, machane me pilyeg Got fare buch wa’athan nge ngal’ ni fel’wa’athan.

Isaiah 63:9

u gubin e gafgow rorad. Gathi ba engel ya SOMOL ni ir e ayuwegrad. I ayuwegrad ni bochan e ri yad ba t’uf rok ma be runguyrad. Kab kakrom i yib ni i ayuwegrad ni gubin ngiyal’,

Jeremiah 49:1

Irera’ e n’en ni yog SOMOL u murung’agen Ammon: “Bu uw fapi pumo’on nu Israel? Dakriy be’ nra ayweg e nam rorad? Mang ni karpaged e girdi’ nma tay fan Molek kar pired ko fa gin tafen e ganong rok Gad?

Lamentations 1:10

Pi to’ogor e kar iringed urngin e machaf rok. Ni guyrad nranod ngalan e Tempel, Ni gin ni yog SOMOL ndabi yan e Gentile ngay.

Ezekiel 44:9

“I Gag SOMOL ni Th’abi Tolang e gu be tamilngeg ni dakriy reb e girdi’ nu bang ni dawor ni maad’adnag ni bod ni yog e motochiyel rok Moses, ara be’ ni dar ma fol rog ni ku ra thum’ ngalan e Tempel rog, ni mus ko girdi’ nu bang ni yad ma par u fithik’ e girdi’ nu Israel.”

Zekariah 2:8

En nra bat nag bigmed e ke bat nag e n’en th’abi fel’ u wun’ug.” Ere SOMOL ni Gubin ma Rayag Rok e ke l’ogeg ni nggog e thin rok ko pi nam ni ur giliw niged e girdi’ rok:

Numbers 22:17

Ba ga’ puluwon ni gu ra pi’ ngom, ma demturug e tin ga ra yog ma gu ra rin’. Wenig ngom, moy ngam bucheg wa’athan fapi girdi’.”

Numbers 23:7

Me weliy Balaam e re yi’iy ni ba’aray ngak: “Balak ni Pilung nu Moab e ke fekeg u Syria, ko fapi burey ni bay ko ngek ni be ga’ar, ‘Moy ngam weliy e yi’iy, ngam bucheg wa’athan e girdi’ nu Israel.’

Matthew 25:40

Ma bayi fulweg fare pilung ni ga’ar, ‘Ngari gog ngomed, yu ngiyal’ ni um rin’ed e pin’ey ni fan ngak bagayad e pi cha’ney nth’abi sobut’ u fithik’ e picha’ ni pi walageg ney e kam rin’ed ngog!’

Acts 9:4

Me thay nga but’ me rung’ag ba lam ni be ga’ar ngak, “Saul, Saul! Mang ni ga be gafgow nigeg?”

Joshua 24:9

Mi Balak, ni ir e pilung rok yu Moab, ni be’ nib mo’on ni fak Zippor, e mael ngak piyu Israel. Me pi’ e thin nge yan ngak Balaam nib mo’on ni fak Beor, ni be wenig ngak ni nge yibil ni nge buch wa’athmed.

2 Peter 2:15

Ya kar paged fare pa’ i kanawo’ nib k’iy kar olobochgad; ma kar leked fare pa’ i kanawo’ ni lek Balaam ni be’ nib mo’on ni Beor e chitamngin, mi Balaam e t’uf rok e salpiy ni yira pi’ ngak ni fa’anra ngongliy e tin nib kireb,

Jude 1:11

Kar gafgowgad! Ya kar leked fare pa’ i kanawo’ ni yan Kain riy; kar folgad ko oloboch ni fan ko salpiy, ni bod e n’en ni rin’ Balaam; makan gechig nagrad ni bochan e togopluw ni kar ted ni bod e togopluw ni tay Korah.

1 Samuel 25:11

Dab gu fek e flowa nge ran rog, nge pi gamanman ni kug li’ ni fan ngak e pi’in ma puy bunu’en e saf rog, nggu pi’ ngak bogi pumo’on ni karbad u dagnang ko uw!”