Deuteronomy 22:6 - Bible Ni Thothup

⁶ “Fa’an gra pirieg ba tafen e arche’ (way ko arche’) u l’ugun ba ke gek’iy, fa u but’ ni bay e chitinngin u daken ni be dili’iy, ara be par rok pifak ni kaf ni bilig, ma dab mu fek e chitingirad.

Deuteronomy 22:6 Σταυροειδείς Αναφορές

Genesis 32:11

Wenig ngom, mu ayuwegneg rok Esau ni walageg. Kug rus ngak ya richey nge yib i li’mad ni gamad gubin, nib mu’un e ppin nge bitir ngay.

Genesis 8:17

Ma ga fek urngin fapi gamanman ngar uned ngom nga wuru’ e barkow, ya ngar diyen gad ngar weargad nga gubin yang u daken e fayleng.”

Proverbs 12:10

Girdi’ nib mat’aw e ma chothowliy e gamanman rok, ma pi’in kireb e yad ma gafgownag e tirorad e gamanman.

Hosea 10:14

ma bay yib e mael ko girdi’ romed, ma urngin e pi binaw ni kam yaroriyed nib tolang ni fan ko mael e bay ni kirebnag. Ra bod fa rofen ni thirif Shalman ni Pilung fare binaw ni Betharbel u fithik’ e mael. Matin nge bitir e ni pirdi’iyrad u but’ ngarm’ad.

Levitikus 22:28

Dab ni pi’ ni maligach ba garbaw nge fak ara ba saf nge fak ara ba kaming nge fak u lan ta’reb e rran.

Luke 12:6

“Gathi yira pi’ nchuway’ lal fa nochi arche’ ni sparrow fithingan ma kemus ni l’agruw e salpiy nrow puluwon? Machane dariy ta’a bagayad nike pag Got talin.

Deuteronomy 22:5

“Dabi chuw e ppin nga madan e pumo’on, ma pumo’on e dabi chuw nga madan e ppin. Ya fanenikan SOMOL ni Got romed e girdi’ nma yodoro’.