Deuteronomy 22:1 - Bible Ni Thothup

¹ “Fa’an ga ra guy e garbaw fa saf rok be’ ni ku be’ u Israel nike math’ gufan, ma dab mu sabalbalyang nigem riy; mu fek ngam fulweg ngak e en ni fak.

Deuteronomy 22:1 Σταυροειδείς Αναφορές

Proverbs 24:11

Dab mu satuntun ni ngam ayweg be’ ni ngan thang e fan rok nde mat’aw ni ngan li’.

Proverbs 27:10

Dab mu pagtalin e pi fager rom nge pi fager ko chitmam. Ya fa’anra ke yib e gafgow ngom, ma dab mu ning e ayuw ngak pi girdi’em; ya kabfel’ be’ nib buguliyoror nib chugur, ku be’ ni walagem nib palog rom nga orel.

Proverbs 28:27

En ma gol ko pi’in gafgow e dabi gafgow bingyal’, machane fa’an ga ra fek owchem ko pi’in gafgow, ma bo’or e girdi’ ni yad ra athpagem nga kireb.

Isaiah 58:7

Mu pi’ed boch e ggan romed i kay e pi’in yad be yim’ ko bilig, mi gimed bing e naun romed ngak e pi’in ni gafgow ndariy e naun rorad. Mu pi’ed e mad ngak e pi’in ndariy e mad ni nga ron’ed, ma dab mu siyeged ni nge dab mu ayuweged e girdi’ romed.

Isaiah 8:17

I SOMOL e ke mith ko girdi’ rok, machane gu be par nib pagan’ug ngak me ir e ke lagan’ug ngak.

Ezekiel 34:16

“Bay gu changarnag e pi arorad nike malboch, mu gu fulweg e tin be sor ngabang, mu gu taflaynag e tin ke maad’ad, mug golnag e tin ke m’ar; machane tin sugsug ma yad ba gel e bay gu thangrad, ni bochan e gag ba tagafal saf ni n’en ni ba yal’uw e gu ma rin’.

Ezekiel 34:4

Damur ayuweged e tin nib me’waer, ma damur gol niged e tin ke m’ar, ma damur m’aged e mad ko yungin u downgin e tin ke maad’ad, ara mfulweged e tin ke sor ngabang, ara mu changar niged e tin ke malboch. Machane ri gafgow e gimed be tay ngorad.

Levitikus 20:4

Ma fa’anra sabalbalyangnag yu Israel yad rok facha’ nike pi’ fak ngak Molek ndar li’ed facha’ nge yim’,

Levitikus 6:3

fa ke ban u murung’agen ban’en nike yan nga bang nike pir’eg ma be micheg ni dawori pir’eg.

Zekariah 7:9

“Kakrom e gu pi’ e pi motochiyel ney ko girdi’ rog: ‘Thingar mu ted gimed ngay ni tin nib mat’aw e ngan rin’, ma thingar i m’ug e gol nge t’ufeg nge wurengan’ ni bayu thilmed ngomed.

Matthew 10:6

Machane marod ngak piyu Israel, ni pi’in kar olobochgad ni bod e saf nike malog.

Matthew 15:24

Me fulweg Jesus ni ga’ar, “Kemus ni girdi’ nu Israel nike malog ni bod e saf nike malog e ka nol’igeg ni nggub ngorad.”

1 Korinth 9:9

Gadad be be’eg u lan e Motochiyel rok Moses ni be ga’ar e Motochiyel, “Dab ni m’ag l’ugun e garbaw ko ngiyal’ ni be yot’yot’ wom’ngin e woldug ni yima ngongliy e flowa riy ni aram e be gunugunuy.” Gur i leamnag Got e garbaw?

Deuteronomy 22:2

Ma fa’anra en fak fare gamanman e ma par u bang nib palog, fa dam nang e cha’ ni fak, ma aram ma ga fek nga tafnam. Ma nap’an ni bay yib e en fak ni be changarnag, ma ga fulweg ngak.

1 Peter 2:25

Ya um moyed ni gimed bod e pi saf ni kar olobochgad; machane chiney e kan fulwegmed ni ngu’um leked Fa’anem ni ir e ma gafaliy e saf me ir e ma ayuweg lanin’med.