Biblia Todo Logo
Διαδικτυακή Βίβλος

- Διαφημίσεις -




Deuteronomy 21:8 - Bible Ni Thothup

8 SOMOL, mu n’agfan rok e girdi’ rom nu Israel, ni fa’ani gur e mu chowegrad u Egypt. Mu n’agfan romad ma dab mu pag nge par e kireb u dakenmad ni fan ngak facha’ ni kan thang e fan rok ndariy ban’en nike bucheg.’

Δείτε το κεφάλαιο αντίγραφο




Deuteronomy 21:8
13 Σταυροειδείς Αναφορές  

Nap’an ni rung’ag David e n’en nike buch, me ga’ar, “I Somol e manang ni pi’in nib milfarad ngog nge gag e ri debuch e romad ko pogofan rok Abner ni kan thang.


Me fulweg Solomon, ni ga’ar, “Mu rin’ ni rogon ni keyog Joab. Mu li’ nge yim’ mag k’eyag. Ma aram e gag nge pi’in owchen David e dakriy rogmad ko n’en ni rin’ Joab ni thang e fan rok l’agruw i pumo’on ni dariy ban’en ni kar buchegew.


ma ri bochan urngin e pi girdi’ nde kireb e rorad ni thang e fan rorad. Daki n’ag SOMOL fan u wan’ e ran’ey ni rin’ Manasseh.


Dariy be’ nrayag ni nge guy e kireb rok; SOMOL, mu chuwegeg u fithik’ e kireb rog nib mith.


Machane ba’aray ban’en ni ngar mu nanged: fa’an gimed ra li’eg nggum’, me ere gimed nge girdi’ ko re binaw ney e ra yan i aw nib kireb e romed ni bochan e ka mu thanged e fan rok be’ ndawori bucheg ban’en, ya SOMOL e ke l’ugeg ni nggu weliy urngin e pin’ey ngomed.”


Nap’an ni kayow bitir, ni yow ma par u lan yu Egypt, miyow par nga gil’ e pumo’on, ma aram miyow mang l’agruw ni’ ni yow ma falchuway’ ngorow.


Ma aram miyad yog ngalang ngak ni lungrad, “SOMOL, gamad be meybil ngom ni dab mu li’mad nggu m’ad ni bochan e pogofan rok e re pumo’on ney; I gur SOMOL e bmil fan e pin’ey ngom; gur e mu rin’ e n’en ni ga ba’adag.”


Aram fan ni gechig ni bay yib ni bochan urngin e girdi’ ni bfel’ nli’rad ngarm’ad e bay yib ngomed, ni mus ngak Abel nthang e fan rok ni be’ ni bfel’ e rok nge mada’ ngak Zekariah nib mo’on ni fak Barakiah, ni ir e mu li’ed ngem’ u thilin e Tempel nge altar.


ni be lungurad, ‘Gathi gamad e gu li’ed fare mo’on nge yim’, ma ku dag nanged ko mini’ e li’.


Ακολουθησε μας:

Διαφημίσεις


Διαφημίσεις