Deuteronomy 20:6 - Bible Ni Thothup

⁶ Bay bigmed u roy ni kaf ni mu’ i yung bangi woldug rok ni grape, ma dawori yag ni nge t’ar wom’ngin? Fa’anra bay, ma nge sul nga tabnaw rok. Ya ra dangay, ma fa’anra yim’ ko mael, ma yug be’ e ra felan’ ko wayin nra yib riy.

Deuteronomy 20:6 Σταυροειδείς Αναφορές

Jeremiah 31:5

Ma aram e bay ku mu yunged yungi milay’ ni grapes u daken e flang nu Samaria, ma pi’in bay ra yunged e bay ra ked wom’ngin.

Zefaniah 1:13

Urngin e tin ke fel’rogorad riy e bay ni fek u fithik’ e yargal min thirif e pi naun rorad u but’. Dabkur pired bi’id ko pi naun ni yad be toy ara ra unumed e wayin ni bay yib u wom’ngin fa yungi woldug ni grape ni yad be yung.”

1 Korinth 9:7

Mini’ e cha’ ni ka’a yigi rung’ag murung’agen ba salthaw ni ir e be pi’ puluwon e tin nge yag ngak? Ara be’ ni be woldug nde unum e grape ko grape rok nike yung? Ara be’ ni ir e be gafaliy e saf nde fek e milik ko saf rok nge unum?

Deuteronomy 20:5

“Ma aram e pi tolang ko salthaw e nge lungurad ngak fapi salthaw, ‘Bay bigmed u roy ni kaf ni mu’ i toy e naun, ma dawori ognag ngak Got? Fa’anra bay, ma nge sul nga tabnaw rok. Ya ra dangay, ma fa’anra yim’ ko mael, ma yug be’ e ra ognag e naun rok ngak Got.

Deuteronomy 20:7

Bay bigmed u roy nike mu’ i m’ag e mabgol rok? Fa’anra bay, ma nge sul nga tafen. Ya ra dangay, ma fa’anra yim’ ko mael, ma yug be’ e ra le’engiy fare pin ni kan m’ag e mabgol rorow.’