Deuteronomy 20:20 - Bible Ni Thothup

²⁰ Rayag ni ngam toyed nga but’ yug boch e gek’iy ni ngam faned ko m’ag mael nge taw ko ngiyal’ ni kam koled fare binaw.

Deuteronomy 20:20 Σταυροειδείς Αναφορές

2 Kings 3:19

Bay mu koled urngin e pi binaw rorad ni kani yororiy ni fan ko mael ni bfel’ ya’an; bay mu th’abed nga but’ urngin e pi gek’iy rorad ni bay wom’ngin, mi gimed taleg urngin e pi alublub rorad, mi gimed kirebnag gubin yang e yungi milay’ rorad nib yong’ol ko malang ni bay mu tharayed ngay.”

2 Kronicles 26:15

Ma pi’in yad ma sunmiy tatalin ban’en ni fen u lan yu Jerusalem e ra ngongliyed talin e mun gat’ing nge fen e mun malang nib ga’ u p’ebugul e wulyang nge pi tabthung ko yoror ko fare binaw. Me wear bugwan Uzziah u gubin yang, mri gel gelngin ni bochan e ayuw rok Got ngak.

Eklesiastes 9:14

Immoy bochi binaw ni de yo’or e girdi’ riy. Me cham ba pilung ngay nib gel gelngin. Nge cholongbiy nge fel’eg rogon ni nge buthug e yoror riy nga but’.

Isaiah 37:33

Ba’aray e thin nike yog SOMOL ni murung’agen e emperor nu Assyria, “Ri dabi yib ngalan e re binaw ney fa pag ta’reb e gan e get’ing nge yib nga langgin, ma salthaw ni kar feked fa yungi shield e dab ra chugurgad ko re binaw ney, ma salthaw rok e dab ra ubunged e malang nge but’ ni nge longobiy e re binaw ney ni ngar mithgad nga fon ko mael.

Jeremiah 33:4

I gag, SOMOL, ni Got rok yu Israel, e gu be yog ni pi naun nu Jerusalem nge tafen e pilung nu Judah e bay ni buthug nga but’ ni fan ko fare mael nge cham.

Jeremiah 6:6

I SOMOL ni Gubin ma Rayag Rok e pi’ e thin rok ko fapi pilung ni ngar th’abed e gek’iy nga but’ miyad ubung e but’ ngar thabey niged yu Jerusalem nge yag nra koledyad. Me ga’ar, “Bay gu gechignag e re binaw ney ni bochan e ngongol rorad nib kireb.

Ezekiel 17:17

Mus ko fa raba’ i salthaw nib gel rok fare pilung nu Egypt e dabyag rorad ni ngar ayweged ko mael ko ngiyal’ i n’en nike yib yu Babylon ra ubungiyed e but’ ni tawo’ ko mael miyad ker e lra’ ni nge yag nni li’ e girdi’ nib yo’or.

Deuteronomy 1:28

Mangfan nthingar darod ngaram? Ni gadad be rus. Fapi pumo’on nda l’oegedyad e karogned ngodad ni pi girdi’ ni bay u rom e yad ba gel ma yad bn’uw ngodad. Ma pi binaw ni yad be par u langgin e go’ kan yororiy nrib tolang nga lanelang. Kar guyed e girdi’ u rom nib n’uw ma yad ba tagyet!’

Deuteronomy 20:19

“Nap’an nra gimed be guy rogon ni ngam koled bbinaw, ma dab mu toyed nga but’ e pi gek’iy riy nma yib wom’ngin. Demturug feni n’uw nap’an ni kam m’aged e mael ngay. Mu ked wom’ngin, ma dab mu li’ed fa yuke gek’iy. Ya yuke gek’iy nem e gathi aram e pi to’ogor romed.

Deuteronomy 21:1

“Fa’anra chey nni pir’eg be’ ni kan li’ ke yim’ u daken bang i flang ko fare nam ni bayi pi’ SOMOL ni Got romed ngomed, ma dan nang ko mini’ e ke li’ ke yim’.