Deuteronomy 20:18 - Bible Ni Thothup

¹⁸ Mu li’edrad ngarm’ad, ya nge dab ra waliyed gimed ngam denengad nib togopluw ngak SOMOL ko tin yad ra fil ngomed ni ngu’um rin’ed nib sonogor ni yad ma rin’ u rogon ni yad ma tay fan e pi got rorad.

Deuteronomy 20:18 Σταυροειδείς Αναφορές

2 Kings 21:3

Miki toy bayay fa yungi tagil e tayfan ni fa’an ni gathay i Hezekiah ni chitamngin; i ubung e pi altar ni fen e tayfan ngak Baal me ngongliy ba liyos ni ya’an fare got ni bpin ni Asherah, ni bod ni rin’ Ahab ni Pilung nu Israel. Manasseh e ki un i tayfan e pi t’uf.

Exodus 23:32

Dab mu fal’eged e tha’ u thilmed nge pi girdi’ nem ara pi got rorad.

Exodus 23:33

Dab mu paged e pi girdi’ nem ngar pired u lan e nam romed; ya fa’an gimed ra pag, ma yad ra waliymed ngam denengad nib togopluw ngog. Ma fa’an gimed ra tayfan e pi got rorad, mra mang ba wup’ ngam awgad ngay.”

Exodus 34:12

Ngar mu guy rogon ndab mu ngongliy ba tha’ u thilmed girdi’en e re nam ni ir e ngam man ngay, ya ir e ra girengiy e riya’ nga dakenam.

Exodus 34:16

Ma richey me le’engiy pifakam e ppin u rom, ngar waliyedrad nge dab ku ra yul’yul’gad ngog miyad un i tayfan e pi got rorad.

1 Korinth 15:33

Dab mpaged gimed nga ni ban nagmed, ya ra yan i bod nike lunguy: “Ncheag ngak e girdi’ nib kireb me kireb pangiy ni bfel’.”

2 Korinth 6:17

Me ere yog Somol ni ga’ar: Thingar mu chuwgad rorad, ngam pithiged gimed rorad. Ma dariy ban’en ni ngu’um rin’ed ko n’en nib alit, ma aram e gimed ra yib ngog.

Efesus 5:11

Ere dab um cheaggad ngak e girdi’ ni yad ma rin’ e tin ni dabi yib fan ban’en, nib mil suwon nga fithik’ e lumor. Machane ngam feked e pin’ey i yib ko tamilang. (

Deuteronomy 18:19

Ra non u fithingag, ma gu ra gechignag e en nra siyeg ni nge fol rok.

Deuteronomy 18:9

“Nap’an ni gimed ra thap ngalan fare nam ni nge pi’ SOMOL ni Got romed ngomed, ma dab mu’uned ko ngongol ni sonogor nma rin’ girdi’en fapi nam ni yad bay u rom.

Deuteronomy 20:17

Mu thanged mit gubin e girdi’ ni pi Hittite, pi Amorite, pi Kanaan, pi Perizzite, pi Hivite, nge pi Jebusite, ni bod nike tay SOMOL chiylen.

Deuteronomy 20:19

“Nap’an nra gimed be guy rogon ni ngam koled bbinaw, ma dab mu toyed nga but’ e pi gek’iy riy nma yib wom’ngin. Demturug feni n’uw nap’an ni kam m’aged e mael ngay. Mu ked wom’ngin, ma dab mu li’ed fa yuke gek’iy. Ya yuke gek’iy nem e gathi aram e pi to’ogor romed.

Deuteronomy 9:5

Gathi bochan e gimed bfel’ ma gimed be rin’ e tin nib mat’aw e aram fan ni nge pagmed SOMOL ngam marod nga taferad. Bayi tulufrad ni bochan e yad ba kireb, ma ke leamnag ni nge tay u gil’ e tin ni micheg ngak pi chitamangimed ni kakrom, ni aram Abraham nge Isak nge Jakob.

2 Thessalonika 3:14

Sana bay be’ u wur ni bay dabi fol ko thin ni kug pi’ed ke yib ngomed u lan e gi babyor ney. Fa’anra bay mi gimed tay fanmediyan rok ngam pired rok u orel, nge mang ir e tamra’.

1 Timothy 6:5

nge tugthin ni be yib rok e girdi’ nib kireb lanin’rad ndakuriy e thin rok Got u wun’rad ni ir e tin nib riyul’. Ma yad be finey ni liyor ni yibe tay ngak Got e reb e kanawo’ ni nge yib e salpiy ni pire’ riy.

Joshua 23:13

ma rrigimed manang ni SOMOL ni Got romed e dabki tuluf girdi’en e pi nam ngar chuwgad u nap’an ni gimed be yan i yan nga m’on. Bay ra manged maad’ad u puluwomed ni bod e wup, ara low, nge dimow u daken keru’med nrib amith, ara rachangal u lan owchemed. Ma bayi par ni aray rogon nge taw ko ngiyal’ ndakuriy bigimed u lan re nam nfel’ ney ni pi’ SOMOL ni Got romed ngomed.

Judges 2:3

Ere ngog ngomed e chiney ndab kug tuluf e pi girdi’ ney u nap’an ni gimed be yib i yib nga m’on. Bay ra manged to’ogor romed, ma bayi thabey nagmed e liyor ko pi got rorad.”